طرح الفنان أحمد سعد أغنيات أحدث ألبوماته الذي أطلق عليه اسم "الألبوم الحزين" من بين 5 ألبومات أخرى لم يكشف حتى الآن موعد طرحها
ألبوم أحمد سعد الحزين
ألبوم أحمد سعد، الحزين مكون من 5 أغنيات تم طرحها عبر منصة "يوتيوب" وهي: "الغاليين" من كلمات حسام سعيد وألحان إسلام رفعت، وتوزيع موسيقي فهد، و"اتغابيت" من كلمات وألحان إسلام رفعت، وتوزيع موسيقي شريف مكاوي، و"وصلت معاك" من كلمات أيمن بهجت قمر، ومن ألحان أحمد سعد، وتوزيع موسيقي محمد عاطف، و"بينسوا إزاي" من كلمات تامر حسين، ومن ألحان محمدي، وتوزيع موسيقي نادر حمدي، و"أنا مش فاهمني" من كلمات أحمد عيسى، ومن ألحان مدين، وتوزيع موسيقي توما
كلمات أغنية وصلت معاك
وجاءت كلمات أغنية "وصلت معاك" كالتالي
حلفت أنساك ومش بعمل بحلفاني، ما شوفتش حد كده شبهي ما فيش تاني، بفكر فيك بشكل رهيب، بقولك إيه ناقصني الدنيا ناقصاني، أكيد لحظات بتيجي عليا تلهيني، لكن قلبي في ثانية ألاقيه مسهيني، كأنك كيف قصاده ضعيف، حبيبي وروحي والدنيا ونور عيني، قالوها كثير قالوها الحب بيحلي
معايا كنت أحلى الكل بيقوللي، حبيبي أنا كنت فاكرك خير ومتشال لي، طلع بس اللي متشالي غيرة وحيرة، ومش عارف فيه إيه طب بيك بيربطني، أجيب طب حد على راسي ويخبطني، عشان أنساك وألاقي حل يبسطني، وأبطل أنشغل وأسرح وأجيب سيرتك، وصلت معاك لدرجة لا يمكن أوصلها، قبلت عيوب عشانك عمري ما أقبلها، طب أعمل إيه وأنا أنساك بيه"
كلمات أغنية بينسوا إزاي
أما عن كلمات أغنية "بينسوا إزاي" فجاءت كالتالي
بينسوا إزاي؟، عايز وصفة وعايز أصفى، من الوجع اللي متساب لي، عايز قلبك ده يتعب لي، عشان قلبي ده مش نساي، بينسوا بـ مين؟، وأنا أستقوى وأعيش أقوى، ماخليش بعد يقسمني، ولا كام ذكرى تهزمني، وأنام وأرتاح وأغمض عين، انت محسسنى إن أنا لو قلت لقلبي أنساك هنساك،الموضوع صعب عليا، يمكن كان سهل معاك"
5 ألبومات لأحمد سعد
وقال أحمد سعد، خلال فيديو نشره على حسابه عبر “فيسبوك”: “عامل 5 ألبومات عشان العين، كل ألبوم ليه شكل معين ومكون من 5 أغاني، والخمسة من نوعية واحدة، يعني أنا عامل ألبوم حزين وسيكون عبارة عن 5 أغانى حزينة فقط"
وأضاف: "وعامل ألبوم فرفوش من 5 أغانى وهتكون فرفوشة بس، وألبوم إلكترو مكون من 5 أغان واللي هتكون أغاني من النوعية الإلكترونية، وألبوم كلاسيك مكون من 5 أغاني قديمة زي عبدالحليم حافظ وأم كلثوم، وألبوم أخير هو ألبوم الأوركسترا مكون من 5 أغاني من نفس النوعية"
أحدث أعمال أحمد سعد
وكان المطرب أحمد سعد قد طرح مؤخرًا أغنية “زي زمان” بالتعاون مع النجمة أصالة، والتي حققت نجاحًا كبيرًا وتفاعلًا واسعًا عبر مختلف مواقع التواصل الاجتماعي منذ طرحها
