تحدثت النجمة في مداخلة هاتفية مع الإعلامي عمرو أديب في برنامجه "الحكاية"، الذي يعرض على قناة mbc مصر، عن عودتها مرة أخرى للغناء بعد فترة من التوقف مرت فيها بالعديد من الأزمات النفسية.
شيرين عبد الوهاب وفترة غيابها
وقالت : الفترة اللي فاتت كنت بتولد من جديد ودة كان محتاج أني أكون في بيئة هادئة، وكنت موجودة في منتجع والحمد لله تعالجت من أشياء كثيرة كانت تعباني ومكسراني وذبحاني، لكن الآن الحمد لله أحسن بدعوات الملايين، وأشعر أنني محظوظة بجمهوري.
عودة شيرين عبد الوهاب
وأضافت: اليوم هنام وأنا مش خايفة ولا قلقانة وسعيدة بحب الناس، الدنيا كلها كانوا خايفين عليا وكانوا بيحاولوا يخلوني أستنى على فكرة العودة في الوقت الحالي لكني عنيدة جدا وقررت أني أعود دلوقتي، وليس لدى عيب في شكلي، ممكن أكون زدت في الوزن بعض الشيئ و"الكلام الفاضي دة"، لكني هغني للناس بقلبي وبروحي وبجسمي وبمشاعري وبكل حتة فيا، وكل ما أطلبه من آفاق عربية أنهم يسمعوني فقط.
أغاني شيرين الجديدة
وأوضحت : أنا بقيت كويسة نفسيا الحمد لله واللي بيحصل دلوقتي خلاني خفيت، وأنا جاية من لحظات تردد وشك وأن لا يصلح أن أعود الآن، وفجأة عزيز وتوما بيخدوني وسمعوني أغنية، وعلى فكرة هيا قديمة مش جديدة، وعزيز الشافعي بيخودني من البيت وبيرجعني البيت وأحنا أصحاب وأخوات وحبايب، ودائما أقول له أنت عزيز عيني.
واختتمت : هناك أغنيتين والثانية هتعجبكم أكتر من الأولى لأنها أغنية مبهجة، وقررت أتكلم دلوقتي علشان أطلع الكلام اللي جوايا بدل ما يكسرني.
