كشفت الفنانة منة فضالي تفاصيل تعرضها للسرقة على يد خادمتها التي استولت على عدد من المقتنيات والأشياء الثمينة التي تمتلكها.
وكتبت منة فضالي عبر حسابها الرسمي بموقع التواصل الاجتماعي “فيسبوك”: البنت دي بقالها عندي سنه و شهرين اسمها سميرة، و مش معاها باسبور و قولتلها هاتي باسبور اعملك إقامة، قالتلي محتاجه يومين اجازه طلبت المكتب يجي ياخدها علي أساس إنها هتروح تجبلي باسبورها وادتها تليفون، علشان معهاش تليفون علشان اعرف اكلمها أول حاجه محبتش حد يعرف عنوانها و خليت المكتب يوصلها في مكان بعيد
وأضافت: واحدة جت اخدتها منهم و بعدين تليفون اتقفل و عملت بلوك ليا ولأمي و اكتشفنا بعدها إنها سارقه كل حاجه من البيت عن طريق أكياس القمامه السودة و هي خارجه من عندنا، كان معاها شنطتها الصغيره بعد كده لقناها واخده حلق و خاتم أمي الذهب وسلسلة ذهب كبيره و سارقه هدوم كتير من عندي و شنط غالية و3 ساعات.
وتابعت : كلمت المكتب وهما حاولو يوصلونها راحت مخليه واحده تزعق معاهم وعملت للمكتب بلوك ودي صور بعض الحاجات اللي سرقتها من عندي، و الست دي هي المسؤله عنها حاولت اتواصل معاها قفلت في وشي و عملت بلوك.
واستكملت: روحت القسم و عملت محضر ب المسروقات و ادتهم رقم باسبورها و ان شاء الله يعرفو يجيبوها المشكله الأساسية إني عرفت بعد كده إن البنت دي بتشتغل مع حد في نيجيريا بتاع مخدرات، وأنها متصابه كذا مره ب الرصاص.
واستطردت: مش عارفه إزاي الناس دي بتدخل البلد اللي زي دوول لازم نحرص منهم للأسف أنا عملت خير معاها اوي أوي ربنا اللي يعلم و الناس كلها اللي جاتلي بيتي شافت أنا كنت بتعامل معاها ازاي، بس اكتشفت ان دول معندهمش ضمير و كدبيين و طبعهم الخيانه.
وواصلت: هتقولولي وايه اللي يخليكي تشغلي واحده اجنبيه أقولكم لان جربت مصريين كتير و منهم اللي اتهجمت علي امي و هي لواحدها و أنا كنت في التصوير و في اللي كانت أخلاقها مش حلوه و في اللي كانت بتصوني و أنا قاعده و تبعت لناس صوري فا قولت خليني اجيب حد لا يعرفني و لايعرف لغتنا و يمكن يكونو احسن مع ان في مصريات كتير كويسين بس مش بيرضو يباتو وانا لازم حد يكون مع امي طول ما أنا في الشغل لان مقدرش اسبها لواحدها
واختتمت: أنا بنزل الكلام ده و ربنا يعلم أنا كنت بحب البنت دي اد ايه لكن اكتشفت حقيق اتقي شر من احسنت اليه لو خد بيتعامل مع الست دي خلي بالكم، وإن شاء الله القانون حيجبلي حقي منها لله.
وتعرضت فيلا منة فضالي لسرقة عدد من المقتنات الثمينة على يد خادمتها
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!