أعرب الفنان نادر أبو الليف عن استيائه من الخلافات القائمة مع شقيقه حول الميراث، مؤكدًا أن النزاع القضائي بينهما مستمر منذ ما يقرب من عشر سنوات دون التوصل إلى حل أو حصوله على حقه
وأضاف أبو الليف أن الأزمة لا تزال قائمة حتى الآن، في ظل تعثر محاولات إنهاء الخلاف بشكل نهائي بين الطرفين
نادر أبو الليف يهاجم شقيقه بسبب خلافات الميراث: “مبقاش في ضمير ولا نخوة”
ونشر نادر أبو الليف عبر حسابه على “فيسبوك” منشورًا مطولًا، أعرب فيه عن استيائه من الخلافات الأسرية المتعلقة بالميراث، قائلًا: “عايز أعرف ليه الناس ضمايرها ونفوسها وأخلاقها وتربيتها اتغيرت من جواها. كل واحد بقى يهمه نفسه فقط لا غير ومش مهم أي حد على وجه الأرض. كله بيقول يا نفسي”
وتابع أبو الليف حديثه مؤكدًا أن الأزمة وصلت إلى حد الخلاف بين الأشقاء، قائلًا: “حتى للأسف الشديد أخوك ابن أمك وأبوك اللي نازل أنت وهو من رحم واحد ومتربيين في بيت واحد عاوز ياكلك ويدوس عليك وياكل ورثك، ليه خلاص مبقاش في ضمير ونخوة ورجولة ودين ومبادئ وأخلاق ومراعاة للدم اللي بينك وبينه”
نادر أبو الليف يواصل هجومه: “الكفن ملوش جيوب. فكر هتقابل ربنا تقول إيه”
وأضاف نادر أبو الليف في منشوره قائلًا: “يا ناس قسما بالله الكفن مالوش جيوب وهتنزل التربة مش معاك غير عملك، مش هتاخد حاجة معاك”
وتابع متسائلًا عن عواقب الظلم بين الأقارب: “فكر كده لما تقابل رب كريم هتقوله إيه؟ هتقوله إنك كنت عايز تقتل أخوك عشان تورثه؟ ولا هتقوله كنت عايز تاخد ورثه علشان إنت ظالم ومفتري وحقود وجواك حقد وغل وكره لأخوك وللكون كله”
نادر أبو الليف يواصل استغاثته: “بقالي أكتر من 10 سنين في المحاكم بسبب الميراث”
وأكمل نادر أبو الليف حديثه عن أزمته مع شقيقه، قائلًا: “هو حصل إيه في الدنيا يا ناس، نفسي أعرف، وللأسف معاه محامي، وحسبي الله ونعم الوكيل فيه، كل لما نرفع قضية يروح رايح المحكمة ويحفظها بطرق وأساليب ملتوية”
وأضاف أن النزاع مستمر منذ سنوات طويلة، موضحًا: “بقالي أكتر من عشر سنين دايخين في المحاكم عشان نبيع شقة ورث وكل واحد ياخد نصيبه بما يرضي الله، وللأسف القضايا اللي زي دي بتاخد سنين طويلة”
وأعرب عن أمنيته في إنهاء الخلاف قائلا: “نفسي يفوق ويحس ويعرف إننا إخوات، وعمر الدم ما يبقى مية، لكن هو للأسف مش شايف غير نفسه ومصلحته”
وأكمل أنه متخوف من اتخاذ أي إجراءات جديدة حتى لا يتحول الأمر إلى مادة إعلامية، قائلا: “لو اتخذت أي خطوة هبقى محتوى للخوض فيا ومش عارف أتصرف”
نادر أبو الليف يوجه استغاثة: “أطالب بحل سريع لإنهاء أزمة الميراث”
واختتم نادر أبو الليف حديثه عبر منشوره، قائلًا: “وأتمنى أي مسؤول أو أي حد يرد عليا بحل سريع ينهي موضوع الورث اللي هو حقي ومش عارف آخده من أخويا، وربنا يهديه لنفسه ويتقي ربنا ويعطي كل واحد حقه بما يرضي الله، أتمنى الرد ولكم جزيل الشكر”
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!