من برة، يبدو أن الدون كريستيانو رونالدو هو الراجل اللي بيتحكم في كل حاجة جوة الملاعب وبرتها، بفلوسه ونفوذه وعضلاته. بس الحقيقة اللي كشفها فيديو تريند جديد قلب السوشيال ميديا، بتقول إن الكلمة الأولى والأخيرة في حياة صاروخ ماديرا بتطلع من لسان ست واحدة بس، وهي أمه “الحاجة ماريا دولوريس”
الحكاية مش مجرد أم مرافقة ابنها في كل مكان وزمان، دي “الحمى” اللي واقفة بالمرصاد لأي ست تحاول تخطف قلب رونالدو أو تاخد مكانها
الفيديو المنتشر فتح الدفاتر القديمة، وفكر الجمهور بـ “الخناقة التاريخية” اللي طفشت عارضة الأزياء الروسية إيرينا شايك، لما رفضت تحضر حفلة عيد ميلاد أم الدون، فما كان من رونالدو إلا إنه قالها “أمي خط أحمر” ونفض لها في ثانية
والكلام دلوقتي كله رايح لـ “جورجينا رودريجيز”، الكنّة الحالية اللي عايشة في جلباب الأم؛ التقارير والفيديو بيكشفوا إن سر تأخر زواج رونالدو من جورجينا لحد دلوقتي، مش حب في العزوبية، ده بسبب “الفيتو” اللي حطاه الحاجة دولوريس، اللي شامة ريحة طمع من جورجينا في ثروة ابنها، ومستخسرة فيها كلمة “مراته” رسميًا
رونالدو عايش حائر بين دلع جورجينا ورضا الوالدة، والنتيجة؟ الوالدة كسبانة لحد إشعار آخر
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!