حلت الفنانة مايان السيد ضيفة في برنامج “Ab talks” مع الإعلامي أنس بوخش، والتي كشفت خلال الحلقة العديد من الأسرار في حياتها الشخصية والمهنية.
وكشفت مايان السيد عن شعورها بالخوف من الوحدة، حيث قالت: بخاف أبقى وحيدة وبحس دايما إني مش مفهومة، ومش متشافة ومعنديش غير صاحبة واحدة بس.
وتحدثت مايان السيد عن اعتمادها على نفسها في سن صغير، وقالت: بشتغل من وأنا عندي 17 سنة وقررت أنفصل ماديًا عن أهلي وبصرف على نفسي، ولما قررت أوقف الإعلانات، قولت أنا عايزة أمثل في مسلسلات وأفلام، ولما عملت أوديشن اتقبلت من أول مرة، وفي السنة ديه عملت مسلسلين، منهم واحد كنت هطلع بطلة في العمل واعترض عليّا بطل العمل فطلعت صاحبتها وكان بالنسبة لي مش مشكلة لأني عايزة أمثل فأي حاجة تيجي.
كما كشفت مايان السيد عن تجربتها مع الحب، وقالت: كان عندي تجربة بتتعاد اللي قدامي خايف من لمعاني، فيه غيرة، غيران عليا ومني في نفس الوقت، ديمًا عايز يحجمني وأنا مش ديه خالص وحاولت لأني عايزة أدي الموضوع فرصة، بس في الآخر بقول لا أنا مش هعرف أبقى كده وعايزة ألمع براحتي وأكون على راحتي وأقول اللي عايزاه، يمكن أضحي لو حاجة مش هتضايقني، وبحاول دلوقتي أكسر النمط ده، ومبقيتش أطيق أقعد مع حد مادي ويتكلم عن الماديات اللي عايشين فيها، بقيت عايزة أقعد مع حد اشوف روحه بيفكر إزاي وعلاقته بربنا والحياة عاملة إزاي، بيشتغل على نفسه إزاي.
وكشفت مايان السيد عن أصعب مرحلة مرت بها في حياتها، وقالت: أصعب مرحلة كانت من سنة لما بابا وماما كانوا عايزين ينفصلوا ودلوقتي بقوا مع بعض، وكنت عاملة عمل مكنتش راضية عنه أوي وحسيت إني مش ناجحة وتايهه ولوحدي ومش محبوبة وبأذي نفسي لما كنت باخد الدواء واتكسرت أوي، بس عندي يقين إن مع العسر يسر، لما الواحد بيتكسر أوي ربنا بيديني معاه القدرة والقوة نقوم بسرعة.
أخر أعمال مايان السيد
جدير بالذكر أن أخر أعمال مايان السيد هو فيلم قصر الباشا بطولة أحمد حاتم، والذي سبق عرضه في نوفمبر 2025.
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!