ماحدش يقدر على ليلي عز العرب ولا السبكي نفسه
– إنتي ىىىت جميله و شيك بس انا سمعت إنك اتحٓانقتي مع محمد السبكي
= اه ده بنته مخصماني لحد النهارده
– ده كان فيلم ايه؟
= والله ما اعرف حتى اسمه حتى المخرجه منال الصيفي اتخـ ـانقت معاه في نفس اليوم اللي انا اتخـ ـانقت معاه فيه و سابت الفيلم و الفيلم مقعدش في السينما 3 ايام و اتشال
– طب ايه اللي حصل؟
= هو لسانه فالت و عصبي و يومها كان يوم حر جداً و اتلطعنا 5 ساعات في الحر قاعدين في الشارع لانه هو اتدخل و غير في الاسكريبت و راح جاب لاعيبة كوره و غير الدنيا خالص وانا كان تصويري في العباسيه و يوم في شارع المعز و الحٓناقة كانت في شارع المعز
– ايه اللي حصل
= بقولك قاعدين 5 ساعات في الحر و بعد كل ده بعتلي مساعد المخرج قالي اسفين مش هنصور
– و محمد السبكي كان في اللوكيشن؟
= اه
– قولتيله ايه؟
= مينفعش اقول
– الفاظ؟
= كل حاجه تتخيليها و الناس كانت بتسقفلي
– ليه مكنش حد قادر عليه؟
= اه بس لو انت لسانك طويل انا لساني اطول منك و خدت حقي ♥
-----