هند رستم مع حبيب القلب الدكتور فياض
في اخر لقاء تليفزيوني للنجمة الجميلة هند رستم مع الاعلامي محمود سعد .. سالها بتقضي وقتك ازاي ؟؟!!
قالت في بالكونة بيتها علي النيل وتفتكر ذكريات الفن .. وقالت كمان ان .. ذكرياتي مع فياض هي اجمل ذكريات ..
– عمرك ما ندمتي انك سبتي كل حاجة والنجومية علشانه ..
ابدا عمري ما ندمت لانه كان رائع ومؤدب وراقي وعاوز يشوفني احسن واحدة في الدنيا ..
– ليكي صديقات في النادي ..
لا ما بروحش النادي علشان الستات بيقعدوا يتكلموا وكل القعدة بتبقي نميمة وانا صريحة ما بحبش كدا ..
– طيب ليكي صديقات في الوسط الفني ..
لا للاسف ليا صديقات دكاترة كانوا زميلات جوزي او زوجات زمايله بنتقابل كل اسبوع عند وحدة فينا ..
يعني هند رستم مش بس سابت الفن والنجومية لا دا كمان صاحبت ناس في مجال الطب زي جوزها .. لانه كان رائع معاها وبيحبها وخلاها زوجة سعيدة في كل حاجة في حياتها فاصبحت حلوة ..
الفنانة هند رستم مع محبوب القلب
دكتور محمد فياض.
