بيعرضوا دلوقت برضه على ماسبيرو زمان مسلسل "أم كلثوم" .. والذي تم إنتاجه عام 1999.
العمل من تأليف الكبير الراحل محفوظ عبد الرحمن، والمادة العلمية له مستقاة من واحد من أهم الكتب التي تحدثت عن كوكب الشرق، ألا وهو كتاب "أم كلثوم .. عصر من الفن" للدكتورة نعمات أحمد فؤاد. والإخراج كان للمبدعة إنعام محمد علي.قامت بتجسيد شخصية أم كلثوم في العمل الممثلة صابرين، وبقية الكاست ضم كوكبة كبيرة من النجوم وقتها.تأتي أهمية عرض المسلسل ده دلوقت أنه بيسبق عرض الفيلم الحديث المنتظر عن أم كلثوم برضه، واللي كتبه أحمد مراد وهيخرجه مروان حامد وستقوم فيه منى زكي بتجسيد شخصية الست أم كلثوم.المسلسل ولكونه عُرض في نهاية حقبة التسعينيات من القرن الماضي، لذا هنلاقي فيه الصورة أفضل كثيرًا من حقبة التمانينيات، والألوان كمان، وتقنيات التصوير اللي ظهرت بشكل أكثر تطورًا.العمل ده في الحقيقة أنا بعتبره وثائقي طويل لسيرة كوكب الشرق أم كلثوم، وثائقي مكون من 37 حلقة، تبارى فيها نجومه في إخراح مواهبهم وملكات إبداعهم بشكل بسيط راقي، بدون تكلف أو اصطناع!معظمهم أدى دوره وكأنه هو صاحب الشخصية الحقيقة، علشان كده عشنا معاهم العمل، وعلى مدار الحلقات دي كلها بدون ملل أو زهق أو رغبة في انتهاءه!مين ينسى الدور المميز لشخصية القصبجي واللي عملها الفنان الكبير أحمد راتب، والا شخصية الشاعر أحمد رامي واللي عملها كمال أبو رية.شخصية والد أم كلثوم (الشيخ إبراهيم) واللي عملها حسن حسني، كانت جميلة اوي، أداء انسيابي متقن غير متكلف، والا شخصية الشيخ أبو العلا محمد واللي عملها الفنان القدير رشوان توفيق، حاجة آخر جمال والله.أما شخصيات موسيقار الأجيال محمد عبد الوهاب واللي عملها عبد العزيز مخيون فكانت مفاجأة بصراحة ? .. وشخصية الشيخ زكريا أحمد واللي عملها الممثل الموهوب اللي محدش بيتكلم عنه كتير محمد كامل، أداء ولا أجمل بصراحة.حتى في اختيارات الممثلين لشخصية أم كلثوم الطفلة، ثم الصبا والمراهقة، تحس برضه أنها موفقة جدًا، وريهام عبد الحكيم عملت الدور حلو اوي بصراحة. الكاست الخاص بالمسلسل ده تحس أنه أتعمل على رواقة، وحاجة آخر جمال والله ?المبدع ذو البصيرة عمَّار الشريعي عمل شوية مزيكا في المسلسل ده حاجة آخر عظمة، ويكفيه تترات البداية والنهاية، واللي كانت عبارة عن ريميكس حديث بديع من أشهر ألحان أغاني الست .. حاجة متتنسيش والله.من فترة كنت بقلب عندي في ملفاتي القديمة (كنت مأرشفها على هارد ديسك قديم)، لقيتني كنت مسجل مباشر تواشيح قديمة من المسلسل ده وقت عرضه من ييجي عشرين سنة!!التواشيح اللي كانت بتغنيها أم كلثوم (في المسلسل) مع أبوها وبقية الفرقة، تواشيح بالصوت فقط بدون أي موسيقى، كانت بديعة اوي، حبيتها اوي وقتها وسجلتها من حبي فيها.المسلسل ده أتعمل فيه شغل فاخر أوي، تمثيل وإخراج وتواشيح وغنا، وبرضه بعيدًا عن الأفورة والديكورات الخزعبلية، والمبالغة بالاهتمام بالمحسنات على حساب المتن والمحتوى، من الآخر عظمة المسلسل ده كانت في صدق المحتوى وقوة السيناريو والحوار، بجانب الاهتمام بالتفاصيل والشكل النهائي وده اللي أبدعت فيه المخرجة إنعام محمد علي.يمكن بس لي بعض المآخذ على المسلسل، وده لأجل الموضوعية، من أهمها أن محفوظ عبد الرحمن كان في أعمال السير الذاتية بيركز اوي على المناقب أو المميزات، وبيبعد عن أي أمور أخرى، ودي من صفات الملائكة، الإنسان هو الإنسان، لذا فالإشارة إلى كل ما يتعلق به تزيد الأمر مصداقية أكثر.بجانب أننا كنا عايزين نشوف تأريخ أكبر للمشاركة العظيمة للست أم كلثوم في المجهود الحربي وقتها، واللي بيعد أهم وأعظم أمر قامت به الست أم كلثوم خدمة لوطنها وجمهورها وشعبها.بجانب برضه أن المسلسل ركز على تعامل الست مع بعض الملحنين، ولم يأت على ذكر بعضهم، واللي تعاونوا برضه مع الست في أعمال بديعة للغاية.بخلاف ذلك، فإن المسلسل بديع اوي، وهيفضل علامة خالدة في تراثنا الفنيوبالمناسبة .. المسلسل ده وقت وعقب عرضه عمل حالة كبيرة في الشارع المصري، وخلى ناس كتير وقتها تشتري "شرائط الكاسيت" الخاصة بأغاني الست، واللي كانت بتعملها شركة صوت القاهرة للصوتيات والمرئيات، ويمكن كان الإقبال وقتها تاريخي على أغنية "رق الحبيب" .. واللي اتعرض ظروف إنتاجها وصنعها بشكل تفصيلي في المسلسل.أفتكر وأنا طالب في الكلية في الفترة دي، كنت بنزل فرع شركة صوت القاهرة اللي كان في العتبة، واشتري منه الشرائط الأصلية للست أم كلثوم ولعبد الوهاب، وكانت تكلفتها بسيطة خالص .. كانت أيام ?المسلسل حصد إشادات وثناء ومديح كبير، واتكرم أبطاله كلهم جميعًا داخل مصر وخارجها .. مش بقولكم عمل حالة كبيرة جدًا وقتها ?شوفوا المسلسل واستمتعوا يا جماعة وكفاية لحد كده#[13936] #[13937] د. أحمد مروانمعاد النشر ?v=1736296328🔥 بوابة المحروسةينشرها : الأدمنبيعرضوا دلوقت برضه على ماسبيرو زمان مسلسل أم كلثوم .. والذي تم إنتاجه عام 1999.العمل من تأليف الكبير الراحل محفوظ عبد
بوابة المحروسةينشرها : الأدمنبيعرضوا دلوقت برضه على ماسبيرو زمان مسلسل أم كلثوم .. والذي تم إنتاجه ع...
