قبل ما تنام.. في 7 حاجات بسيطة ممكن تقلبلك مودك وتغير حياتك!
كل يوم بينتهي بطريقة معينة بيأثر على اللي بعده، ولو نهاية يومك كانت هادية وذكية، ده ممكن يفرق فعلًا في حالتك النفسية وطريقتك في التعامل مع الحياة، قبل ما تقول “يلا ننام”، جرب العادات دي، وشوف الفرق بنفسك.
خلي موبايلك بعيد.. دماغك محتاجة تهدى
أول خطوة مهمة إنك تفصل عن الشاشة، الموبايل قبل النوم بيخلي دماغك تشتغل زيادة عن اللزوم، خليه بعيد شوية، وابدأ تهدي عقلك بدل ما تغرق في سوشيال ميديا.
نَفسك محتاج يرتاح.. خد 3 دقايق تنفس عميق
جرب تمرين التنفس: خد شهيق عميق، وطلّع الهوى بهدوء، كرّرها كذا مرة، هتحس إن جسمك بينزل توتره واحدة واحدة، ومودك بيهدى.
افتح صفحة جديدة مع يومك.. واكتب كلمتين
مش لازم تكتب رواية، بس جرب تكتب حاجة بسيطة حصلت النهاردة، حاجة فرّحتك، أو حاجة ضايقتك، تفريغ المشاعر بالقلم قبل النوم بيشيل من على صدرك هم كبير.
نُص دقيقة شكر.. بتغيّر طاقتك كلها
قبل ما تنام، عدّد 3 حاجات بس حصلت النهاردة انت ممتن ليها، حتى لو بسيطة، فكرة الامتنان بتخلّي مخك يركّز على الإيجابي بدل ما يفضل يحلل السلبي.
قبل ما تنام.. في 7 حاجات بسيطة ممكن تقلبلك مودك وتغير حياتك! كلمة حلوة لنفسك.. بتغير المعادلة كلهابلاش تنام وانت بتجلد ذاتك، بص لنفسك في المراية أو حتى ف خيالك، وقلها “أنا فخور بيكي”، “أنا حاولت النهاردة”، “أنا هستحق بكرة يكون أحسن”، الكلمة دي هتغذي روحك أكتر من أي حاجة.
حبة مزيكا هادية أو قرآن بصوت بتحبه
الصوت ليه سحر، وجو الليل محتاج حاجة تهدي الأعصاب، شغّل موسيقى هادية، أو آية بتحب تسمعها، وخلي الجو حواليك شبه حضن دافي.
خلي النور خافت.. وريح جسمك قبل النوم
الإضاءة القوية بتخلي جسمك مش مستعد ينام، نَوّر أباجورة خفيفة، أو شمعة، أو حتى ضوء هادي من الموبايل قبل ما تطفيه، وجسمك هيفهم إن الوقت جه يهدى.
في الآخر… كل عادة من دول بتقول لنفسك “أنا بستحق راحة”، ولما تبدأ تهتم بنفسك قبل النوم، هتقوم الصبح أهدى، أصفى، وأقوى، جربهم، ولو حتى عادة واحدة منهم… وهتشوف فرق كبير مش بس في نومك، لكن في حياتك كلها. -----
