مدحت شلبي خد حسام حسن غسيل ومكواه : انت معملتش اعجاز واحنا مش هانسكت
وجه الإعلامي مدحت شلبي رسائل نارية إلى حسام حسن، المدير الفني لمنتخب مصر الأول لكرة القدم، بعد تصريحاته الأخيرة.
وقال مدحت شلبي، في تصريحات تلفزيونية عبر فضائية «إم بي سي مصر»: «أنا مش موافق على تصريحات حسام حسن خالص، منتخب نيجيريا اللي فشل في التأهل لكأس العالم كان بيلعب أمام الكونغو بتسعة لاعبين محترفين في أكبر أندية أوروبا ورغم ذلك خسر».
وأضاف: «متكلمناش عشان معندكش محترفين كتير فانت بتعمل إعجاز، نيجيريا خرجت من كأس العالم».
وتابع: «القصة مش في عدد محترفين، القصة في الانتقاء والتكتيك والتدريب، لا يعبر مستوى المنتخب عن عدد المحترفين ونيجيريا خير مثال لذلك، مينفعش نقول عندنا 2 محترفين وربع، مالهاش قيمة، خلينا نحافظ على قيمة لاعبينا».
وأتم: «أنا بقول للكابتن حسام حسن، الأفضل هو عدم الحديث، لأنك لما تنفعل الإعلام مش هيسكت ولا الجمهور هيسكت». -----
