"كان عايز يفضحني"، ننشر اعترافات المتهم بجريمة طفل الإسماعيلية (خاص)
حصلت “افاق عربية” على نص أقوال الطفل يوسف، المعروف إعلاميًا بـ"طفل الإسماعيلية"، المتهم بقتل صديقه “محمد” وتقطيع جسده إلى أجزاء والتخلص منها بإلقائها في أماكن مهجورة بالإسماعيلية، حيث كشف عن تفاصيل صادمة خلال اعترافاته.
وجاءت أقوال المتهم كالآتي:
س: صف لنا الصاروخ الذي قمت بسرقته لتنفيذ الجريمة؟
ج: كان لونه أصفر في أسود.
س: هل تقابلت مع المجني عليه حال بدء العام الدراسي الحالي؟
ج: هو في البداية لأ، لإن أنا كنت بتعمد أروح المدرسة بعد الطابور وأطلع على فصلي على طول وفي نهاية اليوم وأنا مروح كنت بطلع من الباب اللي ورا عشان ماقابلش محمد.
س: ما سبب عدم مقابلة المجني عليه رغم أنك قد قررت التخلص منه؟
ج: أنا قلت لو متقابلناش خلاص مش هعمله حاجة ولو قابلني هقتله عشان متفضحش في المدرسة إني حرامي ويبلغ عني وأتحبس.
س: متى تحديدًا تقابلت مع المجني عليه؟
ج: أنا قابلته يوم الأحد 12-10-2025.
س: أين تحديدًا كانت تلك المقابلة؟
ج: كانت في المدرسة وقت الفسحة، كنت طالع من الحمام لقيته في وشي وهو داخل الحمام.
س: هل دار بينكما حوار ؟
ج: أيوة.
س: ما مضمون ذلك الحوار؟
ج: هو أول لما شافني كان معاه واحد صاحبه وصاحبه قاله أهو، لقيت محمد بيقولي فين تليفوني أنا هجيب أهلي ويعملوا فيك محضر، قولتله خلاص انا هجيبلك التليفون من البيت عندي، استناني وإحنا مروحين من المدرسة نمشي نسوا على البيت وأجيبهولك.
س: وما الذي كنت تنويه آنذاك؟
ج: أنا ساعتها خلاص قررت إنى أجيبه البيت عندي وأقتله على طريقة المسلسل الأجنبي.
اقرأ أيضًا:
حقيقة وجود علاقة آثمة بين المتهم بجريمة الإسماعيلية والضحية
والدة ضحية جريمة الإسماعيلية: “ناري مش هتبرد غير برجوع حق ابني"
أسرة المتهم في "جريمة الإسماعيلية" تكلف المحامي أحمد حمد للدفاع عنه -----
