📺 القنوات بتشتري حقوق… ونايل سبورت بتطلع الأرشيف

🔸 القنوات بتشتري حقوق… ونايل سبورت بتطلع الأرشيف

في الوقت اللي العالم كله بيستعد لكأس أمم أفريقيا 2025،
وقنوات بتشتري الحقوق،
وقنوات بتعمل استوديوهات،
وقنوات بتبني شاشات LED قد كده…
نايل سبورت قررت تعيش في 1998.

نايل سبورت: لما الكان كانت بالأبيض والأسود (تقريبًا)

قناة النيل للرياضة أعلنت عرض مباريات كأس أمم أفريقيا 1998 من جنوب أفريقيا..

يعني بدل ما نشوف صلاح ولا حكيمي ولا نجوم الجيل الجديد،
نشوف الجوهري واقف بالبدلة،
والكورة شكلها تقيلة شوية،
والإخراج كأنه طالع من شريط فيديو اتنسى في درج.

الريموت هيطلب معاش

وأنت بتقلب بين القنوات:

المغربية التالتة: الكان كامل لايف

الجزائرية الأولى: 15 ماتش نار

نايل سبورت: “استمتعوا معانا بنهائي 98”..

تحس إن الريموت نفسه هيسألك:
هو احنا في أنهي سنة؟

حنين؟ آه… تطوير؟ لأ

أكيد كلنا بنحب الذكريات،
ونحب كأس 98،
ونحب هدف حسام حسن،
ونحب لحظة رفع الكاس…
بس السؤال البريء جدًا:
هو ده اللي المفروض يتعرض وقت أمم أفريقيا؟

الذكريات حلوة،
بس لما تبقى هي الخطة الوحيدة…
يبقى الموضوع مش حنين،
ده انفصال زمني كامل. -----