🔔 مليار جنيه غسيل أموال : جزء منها في الإعلام الأسود اللي عايشين فيه

🔸 مليار جنيه غسيل أموال : جزء منها في الإعلام الأسود اللي عايشين فيه

مليار جنيه غسيل أموال : جزء منها في الإعلام الأسود اللي عايشين فيه

في عز انشغال الناس بحياتهم_اليومية، كانت فيه “شبكة” شغالة في الضلمة، بتلعب بمبالغ تخلي العقل يشت؛ إحنا بنتكلم عن مليار جنيه مش رقم في مسلسل، دي حقيقة كشفتها وزارة الداخلية المصرية في واحدة من أقوى الضربات الأمنية ضد غسيل الأموال.
الحكاية بدأت لما العيون السهرانة في قطاع مكافحة جرائم الأموال العامة رصدت تحركات مشبوهة لعصابة مكونة من 9 أشخاص، والمفاجأة إن بينهم 3 سيدات كانوا جزء من “المخ” اللي بيدير اللعبة.
العصابة دي مكنتش بتسرق بنوك، دي كانت بتعمل اللي أخطر من كدة: “غسيل أموال قذرة”.
عشان يداروا على مصدر الفلوس اللي جاية من أنشطة إجرامية، رسموا مخطط معقد جداً.
عملوا إيه؟ راحوا أسسوا “شركات ومنشآت” مالية وتجارية ملهاش وجود غير على الورق بس، الهدف كان إنهم يصبغوا الفلوس دي بالصبغة الشرعية، وكأنهم رجال أعمال ناجحين وعندهم كيانات قانونية بتكسب ملايين.
العصابة مكنتش بتكتفي بالشركات الوهمية، دول نزلوا السوق بكل ثقلهم عشان يدمجوا المليار جنيه في الاقتصاد الرسمي.
اشتروا قطع أراضي شاسعة، وعقارات في مناطق مميزة، وعملوا أسطول سيارات فارهة.. كل ده عشان لما حد يسألهم: “من أين لك هذا؟” يقولوا: “ده شقانا وتعبنا في التجارة”.
لكن “يا واخد قوتي يا ناوي على موتي”، الأمن المصري كان ليهم بالمرصاد.
تتبعوا الخيوط، وحصروا الممتلكات، وجمعوا الأدلة لحد ما وقعوا الـ 9 في كبسة واحدة.
المليار جنيه اللي كانوا فاكرين إنهم نجحوا في “تبييضه” بقى دلوقتي “حرز” في قضية هتهز الوسط. -----