لبلبة: لما بتضايق بكلم ربنا لأني وحيدة وعشت قصة حب لم تكتمل
حلّت الفنانة لبلبة ضيفة على برنامج المسار مع الإعلامي رودولف على قناة LBC، وفتحت قلبها لأول مرة لتكشف عن جانب شخصي مؤثر من حياتها، يتناول الوحدة وحياة الحب في السنوات الأخيرة.
هو أقرب حد ليا
وقالت لبلبة خلال اللقاء، باكية: "لما بكون متضايقة بكلم ربنا، لأني مش بلاقي حد اتكلم معاه، هو أقرب حد ليا. الحلوين كلهم راحوا. اتعودت على الوحدة بعد وفاة والدتي وبقيت بعرف اتخطاها زي ما أقرأ كتاب أو أكلم أصدقائي أو أخرج. الوحدة مش مضيقاني."
وأضافت: "أنا بخاف من المرض وبقول لو حصل ليا حاجة أنا هعمل إيه، مفيش حد جنبي يرعاني وهترمي في مستشفى وبهدله. بس أنا مبخافش من الموت."
لبلبة: عيشت قصة حب لم تكتملوحول حياتها العاطفية، كشفت لبلبة عن تجربة حب عاشتها في السنوات الأخيرة، لكنها لم تكتمل: "حبيت شخص من غير ما أقصد، والموضوع ما استمرش عشان محبتش أخرب بيت حد. هو متجوز وعنده أولاد، وأنا مش هبلة عشان أخد واحد متجوز أو فيه مشكلة بينه وبين مراته. اضطرينا نبعد عن بعض، وأنا واثقة إنه لسه بيحبني، بس أنا قفلت قلبي خلاص."
آخر أعمال لبلبةعلى الصعيد الفني، شاركت لبلبة مؤخراً في فيلم "عصابة الماكس"، وهو فيلم كوميدي مصري من بطولة أحمد فهمي، روبي، وأوس أوس، عرض في عيد الأضحى 2024. تدور أحداث الفيلم حول شخصية "المكسيكي" (أحمد فهمي) الذي يقرر الاستعانة بمجموعة من الأصدقاء في عملية كبيرة لكنها تُورطه في مشاكل.
كما كانت لها مشاركات سابقة في المسلسلات: "دايما عامر" (2022) و"الكتيبة 101" (2023)، بالإضافة إلى تقديمها برنامج "طياب الواليدة" (2024)، قبل أن تغيب عن الساحة في العام الماضي. -----
