- •🔸 رواية أنا الشريرة الفصل الرابع 4 بقلم نوران احمد
- •🔸 في مكان تاني قصر كبير في اوضه كبيره كانت واقفه بنت جميله جدا
رواية أنا الشريرة الفصل الرابع 4 بقلم نوران احمد
انا الشريره 4
وقفنا الحلقه اللي فاتت علي سيف ماسك سلاح وحطه علي رقبه جميله
في مكان تاني قصر كبير في اوضه كبيره كانت واقفه بنت جميله جدا
رهف بتوتر : انا بس اصل انا اول مره اعمل كدا مش متعوده ابدا يا نادر اخرج بره القصر بالشكل ده ومن غير ما اقول لبابا الموضوع بالنسبه ليا صعب شويه
نادر : رهف انتي مش عيله صغيره وابوكي بصراحه بقا راجل قفل اوي انتي لو معيشتيش حياتك دلوقتي وخرجتي وهربتي وسهرتي بره البيت هتندمي بعدين يا روحي علي ضياع عمرك
رهف : بص هو بصراحه انا متحمسه جدا للمغامره نفسي اخرج بالليل من غير بابا والحرس واروح اماكن اول مره اشوفها عايزه اعرف الناس وانت وعدتني توديني اماكن جديده
نادر : اكيد يا روحي يلا بقا انا واقف وري القصر بالعربيه حاولي تزوغي بسرعه عشان نلحق السهره
وقفل الخط
ساندي : الحوار ده مش مريحني من أمتي بتخرجي وتسهري من أمتي اصلا تعرفي شباب عرفتيه منين ده واي الجراه اللي عندك دي جايباني انام مكانك لحد ما تيجي عشان عمو مياخدش باله يا حلاوتك طب لو طلع واد مش كويس وحصلك حاجه اعمل اي ابوكي مش هيسيبني في حالي ابدا رهف حبيبتي انتي طول عمرك هاديه وبتسمعي الكلام عشان خاطري فكك من الحوار ده
رهف : يا بنتي فكك مني واهدي شويه مش هيحصل حاجه كل البنات بتعمل كدا جت عليا يعني
ساندي : نفسي اعرف الواد ده عمل فيكي اي بس انتي مكنتيش كدا ابدا طب دقيقه عرفتيه منين وانتي مفيش مكان بتروحي فيه إلا ومعاكي الحراس
رهف : هيييح كنت في كافيه الجامعه وشوفته غمزلي واتكسفت جدا بس ضحكت اول مره حد يتجرأ يبص في وشي وانا معايا الحراس دول لحد ما دخلت الحمام لقيت بنت داخله ورايا وبتقولي أن في شاب باعت ليا الرساله دي كان كاتب أنه معجب بيا جدا ونفسه يكلمني ويوريني حاجات كتير وان في موضوع ضروري لازم أكلمه سجلت رقمه ولما روحت رنيت عليه
ساندي : ده انتي ساهله جدا اي يا بت الهطل اللي انتي فيه ده ده بيشقطك وانتي عادي كدا وافقتي ده لو بيشقط من افاق عربية كان هيعمل مجهود اكتر من كدا لا وانتي وواثقه فيه اوي عشان تخرجي معاه احيه عليك يا ابو سوسو بدري انسي الحوار ده مش هتخرجي
رهف : يا بنتي لا طبعا احنا بقالنا كتير بنتكلم ده احنا عشره وبقينا نعرف بعض وكل حاجه عن بعض وواثقة فيه وهو واثق فيا وبعدين دايما اتعودي ظنك بالناس يكون خير متبقيش كدا وصاحبتي اللي علي الفيس بوك دي بتشجعني
ساندي : ابهريني كدا وقولي تعرفيه من أمتي وازاي يا حيوانه متقوليش ليا ده انا حته البيست فرند بتاعتك يا واطيه تقولي للي تعرفيها من الفيس وانا لا علي فكرة بقا البت دي مش مرتاحه ليها واه يا حبيبتي العالم بره القصر ده مش حلو ابدا ومش لازم تثقي في اي حد وظنك دايما يكون وحش باللي حواليكي لحد ما يثبت العكس
رهف : بقولك اي مش ناقصه خانقه مش هتبقي انتي وبابا عليا سيبيني افك اعرفه بقالي اسبوع يعني عشره ومش هسمع منك كلمه تانيه سلام وخرجت
ساندي بصدمه : احيه علي المتخلفه دي اعمل اي يا ربي بس اتصرف ازاي يارب استرها عليها
في العربيه اول ما ركبت حاول يقرب منها بعدت وابتسمت بتوتر ف مشي بالعربيه علي طول وصلو لنايت كيلاب مش محترم قلقات رهف اول ما شافت المكان بس كان عندها فضول تشوف اي الدنيا جوه اول ما دخلت اتصدمت من شكل الناس وقربهم من بعض حاول نادر يقرب منها زي الناس اللي في المكان خافت ورجعت
نادر : ما تفكي شويه يا رهوف في اي مش كدا متبقيش قفل بقا اديكي شايفه الناس كلها هنا ازاي انا هروح اجيبلك حاجه تشربيها ها وفكي
وهو ماشي غمز بعنيه واول ما بعد قرب من رهف شابين حاولوا يقربو منها
وائل : اي الجمال النادر ده لا لازم اجرب بقا صدقيني هتتبسطي اوي معايا واللي انتي عايزاه يا روحي يلا بقا
ماهر : لالا فكك يا عم منها النهار ده دي بتاعتي انا النهار ده شوفها بكرا لو فاضيه
رهف بخوف : حضرتك والله انتم فاهمين حاجه غلط تقريبا انا مش فاهمه كلامكم بس انا معايا صاحبي ومش بروح اي مكان مع ناس غريب
وائل : لو مش بالذوق يبقا بالعافيه يا حلوة ومحدش هينقذك
شالها ماهر عضته وطلعت تجري بره المكان
قدام النايت كان واقف شابين
هشام : يا عم صدقني هتفرفش وتنبسط ما نجرب يا عم خدت اي من الحلال غير البهدله ووجع القلب
فارس : لا احترم نفسك واعرف انت بتتكلم ازاي لولا أننا ماشيين بالحلال وربنا راضي علينا وسترها كان زمانا في حته تاني خالص ولا انت نسيت صحابك يا محترم
هشام : خلاص يا عم فكك مكانوش كلمتين اتقالو بالغلط بقولك في واحده عماله ترن عليا من الصبح معرفهاش بس طالع اسمها دينا ما ترد انت عليها
فارس : خايف ترد علي واحده متعرفهاش وجايبنا المكان القذر ده لا ياض فتك اوي رد فارس وفتح الاسبيكر
دينا بعصبية : بقولك اي ياض بقولك
فارس : كلم يا ابني بتنادي عليك
هشام : اكلم مين وربنا ما اعرفها طب طب ماشي ... ايوه معاكي
دينا بضيق : ياض انت فاكر ياض لما تتخانق معايا وتروح تكلم كل اللي متخانقه معاهم ومبكلمهمش
فارس : ولا انت عملت كدا ياض اخلص
هشام : وربنا يسطا ما عملت حاجه انا والله ما عملت حضرتك
دينا : تفتكر يلا ان انا كدا هتضايق ياض يا عره
فارس : يا ابني انت عملت الكلام ده ما تعترف واخلص
هشام : وربنا ما عملت حاجه يسطا والله العظيم ابدا ما اعرفها اصلا جروب اي واكلم ناس هي مبتكلمهمش هو انا اعرفها اصلا
فارس : انت كنت بتحبها واتخانقت معاها يلا من غير ما تعرفيني
هشام : يا عم ابدا يا عم محصلش انا اعرف رقمها اصلا عشان اعرف الناس التانيه ده هبل يسطا ولا شكلها متصله برقم غلط
دينا : ياض ده انت عره الرجاله ياض
ضحك فارس وهو بيشاور علي هشام
هشام : ليه طب بس كدا يا استاذه والله العظيم ما عملت كدا اديني فرصه طيب اشرحلك اديني فرصه طب اشرحلك يا انسه دينا
فارس وهو بيضحك : اللي سمعته ده صح هي تفت وقفلت في وشك
هشام بضيق : كانت خروجه زفت لما فكرت اخرج معاك اتريق يا خويا اتريق انا ماشي
فارس : خد بس ياض يا هشام هبسطك انا خد سيبك من دينا
فجاه قربت مني بنت واستخبت ورايا وهي بتقول
رهف : ارجوك ساعدني انا مش عارفه مين دول بس انا خايفه اوي ممكن تروحني البيت
وائل : معلش يا زميلي احنا اللي شوفناها الاول وحجزناها هاتها بالذوق والا
وفجاه ظهر رجاله كتير حوالين فارس ورهف
وكدا تكون خلصت حلقتنا استنونا في بارت جديد وهستنا رايكم في الروايه مع السلامه
بقلم نوران احمد
/*{e.classList.remove("active"),e.classList.contains("facebook"...e.classList.add("active")})})} /*]]>*/ --
اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!