🎤 رواية قلب غارم بعشقها كاملة جميع الفصول بقلم سميه احمد سندت علي العربية بتعب رجلها مبقتش شايلها كانت هتقع لولا ايد فهد اللي سبقتها وشالها... فهد

🔸 رواية قلب غارم بعشقها كاملة جميع الفصول بقلم سميه احمد

سندت علي العربية بتعب رجلها مبقتش شايلها كانت هتقع لولا ايد فهد اللي سبقتها وشالها...

فهد بخوف: غرام انتي كويسه...

غرام بإرهاق: كويسة بس مش قادر اقف علي رجلي.

شالها فهد وطلعها البيت...

فتحت نور وصوت لما شافت شكل غرام... دخلها فهد اوضتها وطلع..

فهد: ممكن نأجل كلامنا بعدين غرام تعبانه وخدي بالك منها.. بكره هتبقي الخطوبة علي الضيق...

نور بصدمه: تعمل الخطوبة وهيا تعبانة بالشكل ده..

فهد: هيا موافقة وراضية فيها اي وأنا عاجبني شكلها كده مش هتفرق من هنا لحد ما تخف وبعدين يا امي خير البر عاجله...

هزت راسها بهدوء وخرج فهد..

***

نزل من عربيتة عن مخزن داغر صقر صديقة... وقف مستنيه هو واياد وشاف موكب من السيارات فتح الحرس باب العربية الخلفي ونزل منها شاب في بداية الثلاثين يرتدي بنطال اسود وتشيرت ابيض فوقة جاكت اسود ويرتدي نظارة شمس سواد... وقف قصاد فهد وسلم علية..

فهد بمرح: هلا والله بداغر صقر... صقر المخابرات...

ابتسم داغر وقال: اهلا بفهد المخابرات..

فهد بضحك: مش كده يا عم هتفضحني محدش عارف..

ابتسم له داغر وقال: ما انتا اللي حابب تفضل في السر علشان الاضواء متتسلطش عليك..

غمز فهد: عجبني والله الوضع..

داغر بنفس الغمزة: عجبك الوضع ولا مبسوط من الفهد اللي قالب المخابرات وهيموتوا ويعرفوه...

ضحك فهد ورد: عيبك إنك فهمني يا صقر..

داعر بغرور: مش اي حد أنا...

إياد: مش هتخلصو من جو الغرور بتاعكوا...

داغر: في اي يلا أنا مش عارف انت مستحمله علي اي...

اياد: أنا غلطان..

فهد: دا إياد يبني دراعي اليمين..

داغر بهدوء: طب اي مش هتعرفني الحكاية إيه...

فهد: اكيد قالك اياد اللي حصل في الجامعة المهم إن الشخص ده عايزة يتربي...

غمز داغر: هنرجع لايام الشقاوة بقي...

فهد بضحك: بظبط وانت عارف هتعمل اي...

داغر بغرور: بكره الصبح هتسمع افلاس شركات عائلة المحمدي خليهم يقولوا حقي برقابتي...

مشي فهد واياد

***

كانت نايمه علي السرير بتعب وشها تعباها اخدت مسكن وخلص مفعوله وممنوع تأخد تاني دخلت مامتها لقيتها بتعيط..

نور بخوق: بتعيطي ليه يا حبيبتي...

غرام بتعب: مش قادرة يا ماما جسمي متكسر ووشي تعبني اوي مش قادرة حتي اتنفس طبيعي من كتر ألالم..

طبطبت عليها نور بحنيه وقالت: معلش يا حبيتي علشان انتي لسه في الاول.. ربنا يشفيكي يا نور عيني...

سمعت الباب خبط خرجت نور وفتحت الباب كان فهد ومعاه هدى وندا...

نور بأبتسامة: اهلا نورتونا..

فهد بمرح: البيت منور بغرامي..

نور بسخرية: يا شيخ اتنيل قرفتنا بغرامك..

فهد بحب: انني اقع في غرامها تلك الغرام..

بصتله نور بفرحه لانه بيحب بنتها يمكن اكتر منها وردت بهزار: ربنا يهني كل سعيد بسعيدة والله...

هدى بدعاء: يارب...

دخلوا وقعدوا كلهم

سأل فهد: هيا غرام فين... اخبارها اي كويسة دلوقتي...

نور بقلق: والله يابني بتعيط جوه من كتر التعب.

فهد بخوف: مالها طب هيا كويسة لو تعبانه نروح للدكتور..

نور: لا هيا كويسة بس المسكن مفعولة راح ورجعت تتعب زي الاول...

فهد: طب ندايها عايز اتكلم معاها علي انفراد

نور برفعه حاجب: علي انفراد لا والف لا عايزين تتكلموا قدامي...

فهد بوقاحه: عيب يا حماتي كلامنا للكبار وحضرتك مينفعش تسمعيه...

نور بصدمه: اما انت واحد قليل الادب بصحيح...

فهد بملل من الكلمة المعتادة بنسباله: عرفنا يا حماتي استعجليها معلش..

خرجت غرام وهيا لبسه الاسدال بتاعها وعيونها مليانه دموع واضح الالم علي ملامحها التي تكاد تكون معدومه من كتر الكمدات...

قعدت علي الكنبة بإرهاق بصلها فهد بآلم حس بالعجر ازاي مقدرش يحميها أقل حاجه مقدرش يعملها علشانها...

الكل مستني فهد يتكلم غرام مستينه وندا وهدى ونور مش عارفين يقولوا اي... غرام متوقعة فهد اللي هيبداء بس فهد لما شافها شكت كأن الصدمة شلت لسانه او بمعني اصح احساسه بالعجز والخجل من نفسه مقدرش يتكلم... ملوش اي ذنب وكأنه يعرف اصلا بيلوم نفسه علي حاجه ملوش يد فيها لمجرد معرفش يحميها....

كسرت غرام الصمت لما لقيت فهد علي حاله غير المعتادة

_أي يا فهد انت كويس...

ابتسملها كان مستني الكلمة دي العائلة كلها قاعدة مش عارف يخدها في حضنة ولا قادر يقول اللي في قلبه... وعارف انها زعلانه منه بسبب داليا..

رد عليها: بخير.. طمنيني عليكي انتِ...

هزت راسها وقالت: أنا بخير الحمدلله...

فهد: طب والدموع اللي في عينك من اي...

نزلت راسها بخجل: عادي من التعب بس...

سندت ندا علي خدها وقالت بدراما: عصافير الحب اجبلكوا اتنين لمون راعو اني سنجل لو سمحت يعني...

بصلها فهد بعصبية وسكتت من نظرة... اما غرام ضحكت بهدوء...

ردت نور عليها: وانتي الصادقة كيس جوافة بينهم واخوكي مش مكسوف...

فهد بنفاذ صبر: حماتي خلصنا من الحوار الفكسان ده كل شوية هتتكلمي فيه... ما قولتلك اتعودي مش هنقعد نعيد ونزيد...

الوت فمها بسخرية...

اما غرام كانت في عالم اخر علي قد ما هيا اخدت خطوة الخطوبه علي قد ما هيا خايفة من جواها بس الاكيد إن فهد مش زي باباها... بس الرعب ده كله في عمها اللي ضهر وخبت الحقيقة عن مامتها وطلبت من فهد ميقولش..

فهد قام بتعب وقال: أنا هنزل والصبح هاجيلك...

سألته غرام: طب ممكن نتكلم شوية..

قالها وهو طالع: حصليني علي الباب نتكلم....

طلعت غرام وراه وقف فهد وسند علي الحيطة وغرام كانت محاصره بين الباب وجسد فهد..

غرام: هيا داليا جت معاك ليه...

فهد: لازم تعرفي.

رفعت حاجبها وقالت: لو مش لازم هسألك ليه ومن حقي أسال صح ولا انت شايف اي...

فهد بتعب: انا شايف انك تتدخلي ترتاحي و تسبيني انزل انام بقالي يومين مطبق..

الوالها ظهره مسكت غرام ايده قبل ما يمشي وقالت: فهد انا مخرجتش علشان نقول الكلمتين دول...

فهد: غرام أنا تعبان فعلا...

غرام بقلة صبر: وأنا مش هتساب بحيرتي واقعد افكر...

فهد بهدوء: داليا روحت اشوفها لان كان في حد بيمشي وراها ولما جريت جري وراها وانا روحت جبتها ووقتها كنت مستعجل علشان كدا جت معايا مكنش في وقت بس ده اللي حصل...

غرام: حركات داليا المعتادة..

فهد: معتقدش انها ممكن تعمل كده كان باين عليها مرعوبه.

غرام: معروفه داليا ممثلة مبدعه...

فهد بضيق: هو احنا مورناش غير داليا..

ربعت ايديها وقالت: لان موضوع داليا لسه مخلصش..

فهد: وموضوع اسر لسه مخلصش برضو..

غرام: هو بقي فيها اسر...

فهد بعصبية: ليه فاكره اني هكست علي المهزله اللي حصلت هأخد حقي وهعرفك ازاي تخبي عليت حاجه زي دي...

غرام ببرود: متتعصبش عليا...

لكم فهد الحيطة بعصبية: تعرفي انني اقسم بالله ماسك نفسي عليكي بالعافية سبحان من سكتني عنك بجد...

غرام بعياط: فهد انا تعبانه..

رفع حاجبه وقال: اي هرمونات النكد طفحت...

غرام بشهقات من كتر التعب: لا بجد انا بطلع عصبيتي فيك أنا تعبانة بجدد...

شدها فهد وحضنها همسلها: مينفعش تكون حرم الفهد بالضعف ده مش شوية تعب هيحصل فيكي كده روحي نامى وحاولي تفكرى في بكره وشيالي التعب من دماغك وانسي انك تعبانه وأنا هاجيلك الصبح... خدي بالك من نفسك.

غرام بسخرية: ليه هو في عفريت في الاوضه اي اللي خدي بالك من نفسك...

قرص فهد خدودها وقال: بطلي لماضة يا لمضة...

***

خرجت في حدود الساعة 11تجيب حاجات من السوبر ماركت البواب اخد اجازه وفهد كان مشغول ونايم..

دخلت السوبر ماركت وحست بحد بيقف جنبها...

اياد بعصبية: نازلة متاخر ليه..

ندا بأستغراب: عادي وبعدين انت بتسالني بصفتك مين..

اياد: بصفتي خطيبك..

ندا بأستفزار: ومين قالك... هو أنا وقفت عليك اصلا...

اياد بنفس طريقتها: غضب عنك يا ندا..

ندا بعصبية: بقولك اي فكك مني وانت باين عليك اهبل...

اياد بزعيق: احترمي نفسك وردي عدل علشان متعصبش عليكي.

ندا: كل ده ومتعصبتش.

اياد: ندا اتقي شري وشوفي عايزة اي علشان اوصلك..

ندا: وانت دماغك صورتلك اني هسيبك توصلني قدام الشارع كله انت اتهبلت ولا اي....

اياد بتحذير: طب يا ندا قدامك خمس دقايق لو مجبتيش اللي عايزة وطلعتي علشان اوصلك مش هيحلصك كويس...

اشترت ندا الجاحات بسرعه خوف منه ووصلها زي ما قال..

***

صحيت الصبح بدري او بمعني اصح منمتش زيها زي اي بنت خلاص بكره هتتخطب لشخص اللي بتحبه شكلها مرهق اوي من السهر سمعت خبط علي الباب فتحت ولقيت بوكس اسود ملفوف بشريط احمر وجنبه بوكي ورد احمر..

قربت للبوكس ومسكته والورد.. بتشم الورد وحست بريحه برفان مش غريبة عليها بصت قدامها لقيته قدامها بوسامته المعتادة..

كان مبتسم بطريقة جميلة عيونه بتلمع الفرحه باينه علي وشه بمعني اصح

غرام: بترشيني يعني ولا ايه..

فهد: لا تقدري تقولي بتأسف علي زعيقي ليكي يوم داليا..

غرام: جت متأخر علي فكره.

فهد: علي فكره من بدري كنت جيبهالك من تاني يوم بس اللي حصل نساني لما شفتهم افتكرت انهارده...

غرام: هحاول اصدقك...

فهد بمكر: لا والله لا ونبي صدقيني علشان بجد هموت...

غرام بضحك: لا يشيخ..

فهد: اه والله..

غرام: انت جاي الصبح بدري كده ليه..

فهد: جاي اقعد معاكي شوية...

غرام: الصبح الساعه 6.

فهد: ايوه أنا مجنون عادي..

غرام: طب تمام واديك قعدت..

فهد: هو دي بنبسالك مقابلة..

غرام: ايوة كفاية عليك..

فهد: ماشي... علي معادنا انهارده الساعه سابعه تمام

ضحكت غرام وقالت: اكيد طبعاً.

***

وقفت قداك مرآيتها وبتحط اخر لمسه في الميكب ومتوتر مش عارفة تبقي طبيعية المفروض تبقي اتعودت علي فهد بس عموما اي بنت بتبقي متوتره..

دخلت مامتها ودمعت لما شافتها: قمر يا حبيبتي بدر منور..

باست غرام راس مامتها وقالت: ربنا يخليكي ليا يا نور.

جرس الباب رن طلعت نور وفتحت كان فهد لابس بداله كلاسيك لونها اسود وندا لبسه دريس هادئ...

اتسقبلتهم نور بعدها بشوية دخلت غرام وهيا لابسه فستانها الازرق اللي اختاره فهد قدمت العصير وهيا مكسوفة..

جت تقدم لفهد همس وقالها: وحشتيني الكام ساعه دول...

بصت للارض بكسوف ومردتش عليه راحت قعدت جنب مامتها...

فهد: اي مين اللي هيتكلم..

هدى: انا مجوزتش حد قبل كده وعيلة ابوك بتكرهني فا مكنتش بحضر افرحهم شوف انت وقولي وبيقولو اي...

فهد بتوتر: أنا معرفش.. لا عارف ونسيت... مش فاكر...

ندا همست: نهار ابوك اسود كسفتنا وعملي فيها الدنجوان...

همس فهد بتوتر: اعملي سرش علي جوجل اي حاجه وقولي العريس بيقول اي لما يروح يتقدم..

سمعتهم غرام ورنت ضحكتها مالت الصالون علي اللي حصل..

غرام بضحك: مش محتاجه تعمل سرش احنا عارفين طالبك وممكن اسعدك عادي...

فهد بضيق: شكرا مستغني عن خدماتك يا خطيبتي..

غرام بغمزة: أنا طالب ايد بنتك غرام علي سنه الله ورسوله...

مش محتاجه تفكير والله..

وشه فهد احمر من الغيظ: اصبري عليا...

اتهند وقال: أنا طالب ايد بنتك يا امي علي سنه الله ورسوله يمكن من كتر ما كنت بتمرن علي القعدة دي من خمس سنين نسيت ... والله لا مصدق نفسي لحد دلوقتي بس الاكيد اني مبسوط ومش عارف اوصلك احساسي سعادتي ازاي والله... حاسس اني حققت اكبر انتصار في حياتي... القعدة دي بنسبالي كانت شبه مستحيلة... والله لولا اصراري في الدعاء ما كنت قعدتها ولولا صلاة قيام الليل... عمري ما دعيت في صلاتي حاجه تبقي من نصيبي لاني حامد وشاكر ربنا علي كل حاجه بس الحاجه الوحيدة اللي طلبتها هيا غرام والحمدلله...

عيطت غرام من كلامه كل مره بتحس انها مش هتعرف تحبه ربع حبو ليها.. حبها بطريقة يعجر السان عن وصفة..

بعدها بشوية وقفت جنب فهد ولبسها الدبلة

خبط الباب راحت تفتح ندا...

خافت غرام لما شافت عماها ومعاها حرس مالو البيت وقفت ورا فهد ومسكت ايده بخوف

فهد: عايز اي..

ابراهيم بكرة: عايز بنت اخويا...

فهد: بنت اخوك خطيبتي ومتقدرش تلمسها....

ابراهيم بسخرية: خطيبتك مش مراتك يعني اقدر اخدها منك غصب عنك عادي ومتقدرش تعمل اي حاجه لاني عمها..

ابتسم فهد ورد بغرور: مهو انت متعرفش انها مراتي من سنتين اصلااا....

يتبع

بصت غرام لفهد بصدمة ازاي مراته وخطوبتهم ملهاش ساعه.. بس اللي صدمها اكتر لما مامتها أكدت ده..

نور: بظبط يا إبراهيم بنتي متجوزه ومتقدرش تقرب منهاا.

بصلها إبراهيم: عايزة تفهميني إنك معملتيش اللي في دماغك..

نور ببرود: بنتي وأنا حره فيها واتفضل بقي من غير مطرود..

رد عليها إبراهيم بشر: لا معلش إن مش خارج من هنا غير ببنت اخويا من حقها تعيش وسط اهلها...

زعقت نور: بنتي مش بنت اخوك انت جبان اصلاا ومستحيل أمن لوحد زيك بعد اللي حصل زمان..

إبراهيم بعصبية: اللي حصل زمان كان بموافقتك... وافقتي عليه رغم معرفتك بكل حاجه ومن حقي انتقم منك...

نور: انتقم براحتك بس بنتي مش هتقدر تقربلها وصدقني أنا اللي هقفلك...

إبراهيم بخبث: قطتي بتخربش..

نور: وليها ضوافر كمان واللي يجي عليا اكلوا بسناني...

إبراهيم بحزن: تمردك ده كان من فين من زمان... ياريتك ما كنتي ضعيفة...

أتجلهت كلامه رغم البركان اللي في قلبها بيفكرها بالماضي هربت علشان بنتها رغم أنها اتأذت في حياتها خبت ماضيها علي بنتها خوف عليها بس الاكيد انها مش هتعرف إبراهيم الحقيقة... لو هتموت وسرها يبقي معاها مش هتعرفه...

غرام حاست نفسها تايهه مش فاهمه حاجه اي اللي بين مامتها وعماها..ازاي مرات فهد سندت علي ظهر فهد بأرهاق حس فهد بثقل جسمها مسكها من وسطها

_غرام انتي كويسه...

قالها فهد بخوف لما شافها مش قادرة تسند طولها... حاولت تبعدو عنها بسبب أرهاقها مكنتش قادرة..

غرام بهمس: هو أنا بجد مراتك؟!

رد فهد وهو خايف من رد فعلها: ايوة.

غرام بتماسك: من امتي؟!

فهد: من سنتين..

دمعت عيونها بصدمة ازاي هيا مخدوعة ازاي يعملوا معاها كده...

سألته وهيا خايفة من الاجابة: ازاي؟! وماما عارفة؟! ازاي قدرت تخدعني ازاي قادر تمثل عليا إنك حابب ابقي مراتك وأنا مراتك اصلا!! ازاي قدرت تلعب عليا اللعبة دي كلها!.

رد عليها: ممكن نأجل كلامنا لبعدين...

زعقت بعياط: مفيش حاجه هتتأجل ده اكتر وقت نستحق اننا نتكلم فيه هتفضل تخدعني وتكدب لحد امتي هاا....

فهد بعصبية: ممكن تهدي وتسمعيني..

نور كانت بتبص علي بنتها وهيا خايفة من رد فعلها وخوفها الاكتر من رد فعل إبراهيم..

غرام بأنيهار: اهدي!! عايزني اهدي ازاي؟! لا بجد فهمني أنا مش قادرة اصدق اللي بسمعو الكل عارف ومخبي عليا؟! للدرجادي كنت شايف إن خداعي سهل.. للدرجادي كنت شايفني مغفلة؟!

مسحت دموعها وقالت بخدلان: بس الحق مش عليك مش هلومك عارف ليه؟! لأنك حبيت بس حققت رغبتك بطريقة غلط عارف الغلط علي مين علي اللي ساعدك.. كنت بقول الكل مفيش زي ماما طيبة وصادقه معايا بتقدم كل شيء بحب كنت بتصدم أوقات من حبك ليا ازاي قادرة تحبي بنتك اكتر من نفسك عارفة انا كنت بقول الكل هيأذيني بس الشخص الوحيد اللي عمره ما هتيجي الضربة منو هو امي...

نور بعياط: صدقيني أنا عملت كده علشان احميكي منهم..

زعق إبراهيم: تحميها من مين فهميني تحميها من مين من اهلها... انتِ غلطانه كان المفروض تحميها من نفسك...

وقفت غرام جنب عمها وقالت ببرود: أنا همشي مش هيبقي اكتر من اللي راح وجودي هنا مبقاش ليه لازمه.. مش عارفة هكمل ازاي معاكوا..

قلعت الدبلة من ايديها وقربت لفهد وفتحت ايده وحطتها..

حاولت تتماسك ومتعيطتش وقالت: اكتر حد كنت واثقة فيه أنت سلمت قلبي وروحي ليك ومتأكده انها عمرها ما هتيجي منك بس جت.. مش هقدر اكمل معاك تاني هبقي مستنيه الضربة تيجي منك في اي وقت.. خلينا نفضها قبل بدايتها ومنتعلقش ببعض اكتر من كده..

فهد بخسرة: هاا ومنتعلقش ببعض أكتر من كده؟! لسه هتعلق بيكي أنا اتعلقت من بدري أنا حبيتك وأدمنتك بقيتي روحي.. حكمتي واصدرتي حكمك مستنتيش تسمعي مبرري.. هبرر لمين وانتِ مش واثقة في امك ذات نفسها مش قادرة تسمعيها هتسمعيني أنا.. عارفة يا غرام ولا مره ندامت علي حبي ليكي ولحد دلوقتي مندمتش عارفة ليه لأني حبيتك بجد.. بس ندمت علي حاجه واحده اني فتحت قلبي لشخص وعلقت نفسي بحبال دايبه أقل حاجه هتنهي العلاقة.. معاكي حق في رد فعلك ولو عملتي انيل من كده حقك مش هلومك لأني عارف إني غلطت بس اتأكدي إني عملت كده علشانك وغصب عني سكت وأنا ضميري بيأنبني بسبب اللي حصل.. أنا أُجبرت بس هل أنتِ في رميتك للدبله أُجبرتي علي اللي حصل لا..

ضغطت علي ايد فهد وغمضت عيونها ودموعها غطت وشها بتحبه بس مش هتقدر تيجي علي نفسها وكرمتها اكبر من كده.. دلوقتي عرفت ليه فهد بيقولها أنا مش بغلط لما بقرب منك بالشكل ده دلوقتي فهمت ليه قرب منها من سنتين وبقي يسمكها عادي دلوقتي عرفت إن فهد كان معاه حق لما قالها ان لو قربت منك دلوقتي ده حقي علي فكره...

كانت بتستغرب ازاي هو بالوقاحه دي بس هو جوزها ودي أقل حقوقة..

بصلها بعجز مش هيقدر يقول أكتر من اللي قاله فضل كتير يطبطب ويحايل فيها عمل المستحيل علشان تحبه كان بيقول الحب مفهوش كرامة بس خلاص النقط لازم تتحط علي الحروف كفاية لحد هنا.. من حقي ارضي غرور وكرامتي.. هاجي علي نفسي عشانها.. هيا ذات نفسها مش راضيه تيجي علي نفسها علشاني جيت علي نفسي أكتر من اللازم بلاها العلاقه اللي فيها وجع قلب زي دي..

الكل بيبص عليهم إبراهيم دمعت عينه وهو بيفتكر البنت اللي كان.. بيحبها نور وهيا شايفة بنتها بتدمر حبها.. هدى وهيا بتشوف ابنها بيتآلم الدنيا ضحكته بس الظاهر كانت بتخدعه.. ندا اللي كانت بتحسد غرام علي حب اخوها ليها بس دلوقتي عرفت ان الحب تلت ارباعه فراق و آلم...

بعدت عنه ووقفت جنب عمها وكأن مفيش حد من شوية كان بيتحايل عليها.. لغت قلبها وفكرت بعقلها..

غرام: ان همشي مع عمي من حقي اكمل باقي عمري جنب اهلي.

بصتلها نور بصدمة وهيا مصدومة من بنتها: طب وأنا.. أنا عملت المستحيل علشانك.. علشان غلطة واحده بس مسحتيلي كل الحلوة طب فكري في لحظتنا الحلوة للدرجادي غضبك عماكي.. بتدوسي علي امك وحب عمرك علشان مجرد كدبه..

غرام: كدبة جرحتني.. ابقي مغفلة ومن مين من فهد ومنك.. دانا كنت شايفكوا الامان في الدنيا انتو كنتو سندي وضهري.. كنت بهرب من اذي الدنيا ليكوا..

كملت كلامها لما حست نفسها لو فضلت أكتر من كده هتضعف: يلا يا عمي...

مشيت غرام هيا وعمها..الكل مصدوم من رد فعل غرام كانت صدمة للكل.. فهد طلع بهدوء تام متكلمش ولا كلمة نزل وركب عربيتة ومشي وهو مش شايف قدامة.. ركن عربيتة في شارع فاضي نزل وسند علي العربية بص علي الدبلة اللي في إيده قلعها وبص علي المكتوب في الدبلة

"غرام الفهد"....

***

وقفت العربية قدام قصر كبير نزلت غرام مع عمها وجواها خوف كبير غرورها عماها..

دخلت القصر لقيت العائلة كلها قاعدة بنت عماها وجدها..

بصلها جدها بحب وقال: نورتي البيت..

بصتله بأستغراب معقول ده جدها اللي كان بيضريها بصت للبيت بأستغراب مش ده مكانها ولا عالمها فين مامتها فين ندا صحبتها فين فهد حبيبها اللي كان بيرخم عليها دائما مش ده مكانها...

قعدت معاهم حاولت تتتأقلم علي الوضع بس مش قادرة...

*بعد مرور يومين*..

محدش يعرف حاجه عن فهد من يوم ما غرام مشيت.. نور تعبت بسبب غياب بنتها ندا وهدى بيدورا علي فهد مش عارفين عنه حاجه وخايفين علي نور بسبب حالتها .

نزلت غرام ولقيت جدها وعمها وبنته قاعدين علي السفرة حبت بنت عمها وبقوا اصحاب مختلفه عن اخوها جداً...

غرام: صباح الخير..

رد الكل: صباح النور..

دخلت الخدامة ومعاها ضابط ومجموعة عساكر..

وقف الكل بخوف..

إبراهيم: في اي يا فندم..

الضابط: ده بيت غرام المحمدي..

ردت غرام بخوف: ايوة...

الضابط: غرام المحمدي حرم فهد بيه مطلوبه في بيت الطاعةة......

يتبع

_بتطلبني في بيت الطاعةة!.. أنا اطلب في بيت الطاعةة يا فهدد

قالتها غرام بزعيق لفهد.. مكنتش متوقعة يعمل كده.. كان قاعد قدامها وبيمسع زعيقها وهو بارد بمعني الكلمة..

وقف فهد وقال وهو بيلبس الجاكت: دي شقتنا وخلاص أحنا كده متجوزين مش هنحتاج فرح اصلاا.. الفرح كله مجرد إشهار بس وميهمنيش.. مش هقفل عليكي الباب واحبسك والتخلف ده بس اتأكدي اي حركة منك مش هتعجبني متلوميش نفسك علي اللي هيحصل..

قربت منه لدرجه ان اجساهم اتلامست ردت عليه بقوة: انت بتهددني..

شدها فهد من وسطها وهمسلها: أنا قولت اللي عندي.. وبلاش تتغابي وتشكلي الكلام علي مزاجك علشان كده مش هنسلك مع بعض...

غرام بعصبية: ما إن شاء الله عننا ما سلكنا.. أنا مبتهددش علي فكره...

قرصها فهد في وسطها وقال: صوتك يا قطة علشان مقطعش لسانك اللي بينقط سم..

تأزهت غرام بألم وقالت: انت رخم علي فكره.. ولو عملت معايا الحركة دي تاني هزعلك.

رفع حاجبه فهد وقال بخبث: لا بجد وأنا بصراحه بخاف علي زعلك.. شوفي يا غرام أنا اتهونت معاكي بما فين الكفاية متتوقعيش مني إني تعاملي معاكي هيبقي زي الأول.. ولسه متحسبتيش علي مشيتك مع عمك.. ولو كررتيها تاني رجلك الحلوة دي اللي بتمشي عليها هقطعهالك سمعاني...

مردتش عليه راح مزعق: سامعني...

هزت راسها وقالت بخوف وهيا بتترعش: س سامعاك...

حضنها فهد وقال بهدوء: شطورة هتسمعي كلامي هنبقي زي السمنه علي العسل هتتعوجعي معايا هعرف اعدلك كويس لأني بصراحه تعبت من دلعك...

بصتلة غرام بضيق وقالت: ماشي ممكن تبعد علشان مش قادرة اتنفس بصراحه مناخيرك الكبيرة ساحبه كل الهواء..

قرصها فهد جامد في وسطها صوتت غرام من القرصة وقالت: يا رخم بتوجع والله..

فهظ: علشان قلة ادبك دي وبعدين مناخير مين اللي كبيره يا ام عيون ضيقة...

غرام بضيق: أنا عيوني ضيقةة يا احول..

فهد بزعيق: غرام اتلمي بقي اما انتي لسانك طويل بشكل...

طلعت غرام لسانها وقالت بأنتصار: علشان تعرف نفسك بتكلم مين..

فهد بغرور: وأنا هعرفك بتكلمي مين يا غرام..

قالها فهد وشال غرام ودخل اوضة النوم خافت غرام ليكون اللي في بالها وقالت بتوتر: فهد لو سمحت متهزرش أنا بهزر معاك...

رمها فهد علي السرير وقال وهو بيقرب منها: وأنا مبهزرش علي فكره...

قالت غرام وهيا بتحاول ترجع: فهد علشان خاطري متعملش كده..

شدها فهد وهمس: دي قرصة ودن مش أنا اللي اقرب لواحده غصب اتأكدي لو لسانك طول او قليتي ادبك هيحصل اللي في بالك برضاكي او غصب عنك..

قام فهد ولسه هيخرج بس وقف لما سمع غرام وهيا بتقول بعياط: فهد انت اتغيرت..

فهد بضعف: أنا متغيرتش انتي السبب... بحاول اعمل زيك ادوس علي الي قدامي علشان كرامتي وغروري اخر حد كنت اتوقع اجي عليه دانتي كنت ممكن اجي علي نفسي علشانك..

غرام بعياط: ارجع فهد اللي اعرفه.. انت اتغيرت اويي عن الاول..

حاول قدر الامكان ميضعفش قدام عياطها وقاللها قبل ما يخرج: البركة فيكي يا ست غرام...

طلع فهد وزع الباب وراه قعدت غرام تعيط مكانها..

***

رجع فهد بليل سمع صوت حد بيغني في المطبخ دخل المطبخ لقي غرام بتغني وهيا بتعمل اكل كانت عامله شعرها كعكه عشوائية و بعض الخصل نازله علي وشها.. لبسه بيجامه لونها اسود.

دخل فهد ونسي انو زعلان منها اصلاا: لابسه اسود ليه وأنا لسه حي...

بصتله غرام وقررت تلعب علي وترها الخاص واتكلمت بدلال مزيف: بيئة اويي علي فكره..

وكملت كلامها برقة: روح خد شاور لحد ما الاكل يجهز..

بصلها فهد بأستغراب من رد فعلها اتوقع تزعق وهكذا بس شكلها غرام اعلنت الحرب عليه..

نفذ فهد كلامها ورجع وشافها وهيا بتحمر في الأكل..

قربت من فهد وقالت: خالي بالك من الاكل لحد دا اروح اخد شاور شريع واغير هدومي علشان ريحتي بقت كلها اكل..

حط ايده فهد علي جبينها وقال بصدمة: هو انتي كويسة ولا أنا شارب حاجه..

ضحكت غرام ومشيت وسابته اخدت شاور ولبست فستان احمر لحد الركبه مفتوح فاتحه بسيطة من قدام.. وذات حماله رقيقه.. حطت ميكب سمبل جداً.. بصت لنفسها بتقيم وفردت شعرها..

غرام بأنتصار: ماشي يا فهد أنا هعرفك مين غرام...

خرجت غرام وقتها فهد كان خارج من المطبخ لما شافها وقع طبق السلطة من ايدة واتكسر..

ضحكت غرام بخبث وقالت بأسف مصطنع: اوبس.. معلش يا حبيبي ولا يهمك حصل خير..

رفع فهد حاجبه ورد: حبيبي وحصل خير.. وطلعالي بالشكل ده وعايزه يحصل خير.. دانتي احمدي ربنا اني مولعتش فيكي اصلاا لحد دلوقتي...

اتجلهت غرام كلامه ومبسوطه اوي من جواها انها عرفت تنتقم من فهد علي طريقتها الخاصه.

حطت غرام الأكل علي السفرة وبدأت تأكل برقة. رفع فهد حاجبه وبصلها بصدمة وقال: عايزة تفهميني ان الفستان اللي لبسه والميكب اللي حاطه والرقة اللي بتحاولي تتصنعيها دي مش هتبقي عم عبدو البواب...

بصتله ببرود ومردتش...

فهد: علي اساس كده بتحاول تتعلمي البرود مني يعني ولا اي..

غرام: لو سمحت ممكن تاكل وانت ساكت مش عارفة استمتع بالاكل...

فهد بخبث: قصدك مش عارفة تاكلي من كتر توترك..

غرام بتوتر: قصدك اي..

قرب فهد وقال بخبث: انتي خايفة مني.. وخايفة يحصل اللي كان هيحصل الصبح بس مش فهد البحيري الي يريل قدام ست...

قام فهد من علي السفرة ودخل اوضتة ورزع الباب وراه بعصبية.

غرام بعصبية: ااااه منك... وربي لهوريك يا فهد.

تاني يوم صحي فهد لقي غرام نايمة في حضنه رغم انه اخر حاجه فكرها انه كان لوحده في الأوضة...

قرب منها فهد ولسه هيب*وسها راحت زقته غرام بسرعة..

غرام بزعيق: متحترم نفسك بقي..

فهد بعصبية: ام لسانين اخرسي نايمه في حضني وبتقوليلي احترم نفسي مش عارف مين اللي يحترم نفسه بصراحه...

وقفت غرام وقالت بعصبية: اعترف إنك قدامي مبتبقاش قادر تسيطر علي نفسك...

قرب منها فهد وهمسلها واتوترت غرام: مين قالك كده بالعكس انتي اللي قدامي مبتقدريش تسيطري علي نفسك وشوفي نفسك متوتره ازاي...

غمزلها فهد ومشي وسابها

***

دخل المحل بتاعه وهو متعصب مش طايق حد ولا طايق يتكلم مع حد وصلته لدرجه مبقاش قادر يتحكم في عصبيته..

حاول يتشغل بس هيا مسيطره علي دماغه مش عارف يخرجها من تفكيرة.. مسك الكمبيوتر بتاعه ورزعه في الحيطه بعصبية..

دخل إياد لما سمع صوت التكسير..

اياد: فهد في اي انت كويس..

فهد بزعيق: ايوه أنا زفت علي عينك وعلي عينها..

اياد: طب وأنا مالي اتشتم يعني..

زعق فهد بعصبية: ايااااد اخرس واخرج براا علشان مطلعش كل عصبيتي فيك..

***

نزلت غرام لمامتها ولقيت عندها مامت فهد وندا صحبتها مسمعتش كلامة ونفذت اللي فدماغها رغم انه منبه عليها متتطلعش برا البيت.

قربت من مامتها وحضنتها وقالت: ان آسفة علي اللي حصل بس من حقي اعرف الحقيقة..

بصتلها نور بحزن وقالت بعتاب: جاية تسمعيها بعد اي بعد ما خلتيني احس اني مكنتس الأم الوافية اللي تقدر تفدي بنتها بعيونها..

حضنت غرام مامتها وهيا مش قادره تسمع كلامها اكتر من كده كفاية كلام فهد معندهاش طاقة تمسع ولا كلمة زيادة حضنت مامتها وانهاردت في حضنها من العياط..

بعدها بشوية نزلت هدى بيتها تاخد علاجها وتنام شوية دخلت نور بعد ما هديت غرام شوية تنام.. قعدت ندا وغرام مع بعض..

ندا: مش هتكلم في اللي حصل ولا هاجي عليكي أنا فيضهرك حتي لو غلطتي وقت لما تحتاجيني هتلقني ومش معني كده إني اسكت واسيبك تسوقي في الغلط بس أنا مش هتكلم لإنك واضح إنك عرفتي غلطك..

غرام بسرحان: وايه الفايدة .. نفسي اعرف ازاي بقيت مراته وازاي يعمل معايا كده ويطلبني.. محتاجه اقعد واتكلم معاه وافهم كل حاجه بس فهد مش زي الأول فهد اتغير وواضح ده مش راضي يقول اي كلمه بيلومني علي كل حاجه وشايف نفسه صح..

ندا بتصحيح: غلطانه.. فهد لو متغير فا هو بيلوم نفسه.. فهد مش من النوع اللي يغلط الغلط ويكابر فهد قالك قبل ما تمشي مع عمك أنا معترف بغلطي بس محبش يبرر لأنك مسمعتيش امك هتسمعيه.. الإنسان اي عنده اغلا من مامته.. فهد حلل كلامه صح انتي مبتحبييش فهد زي ما بيحبك ومامتك نقطة ضعفك مرضتيش تسمعيها.. شوف يا غرام المعني إنك لازم تعقدي مع فهد وتراجعي حساباتك تحاولوا تفهموا بعض او بمعني اصح تعرفي منه كل حاجه وده مش هيجي مع فهد عافية انتي عارفة فهد وفاهمه دماغه قربي منه وشوفي ليه عمل كده وازاي اصلاا بقيتي مراته...

هزت راسها وقالت بسرحان: ربنا يسهل..

اتكلمت ندا بسعادة: المهم حابه اقولك حاجه..

ابتسمت غرام: قولي سماعاكي..

ندا بكسوف: بصي من الاخر من غير لف ودوران أنا بحب كده بس متخفيش أنا معرفش غير اسمه..

غرام بتسأل: اعرفه..

فركت ايدها بتوتر وقالت: ايوه تعرفية إياد صاحب فهد محدش يعرف غيرك يا غرام اوعي تقولي لحد..

قربت منها غرام وحصنتها وسالتها: انتي متأكده من مشاعرك من نحيته..

ندا بسعادة: زي ما أنا متأكده اني قاعدة قدامك وبكلمك..

قطع كلامهم خبط علي الباب جامد جريت غرام وفتحت الباب لقيت فهد في وشها وووو...

_أي نزلك.. هو أنا مش قايلك متخرجيش من البيت.. كلامي مبيتسمعش ليه..

قالها فهد بعصبية لغرام.. بصتله غرام بخوف من عصبية عمره ما كلمها بالطريقة دي وحتي لو زعق بيرجع بعديها بشوية وبيبقي هادئ..

فركت ايديها بخوف مش عارفه تقولوا اي ردت عليه: كنت حابه انزل اشوف ماما...

رد فهد بسخرية: دلوقتي عرفتي قيمه ماما وجاية تشوفيها.. فرقت معاكي دلوقتي بعد ما دمرتيها.. بجد أنا محدش صعبان عليا غير مامتك بس لكن انتِ متستهليش أفكر فيكي اصلاا.. عارفه ليه لأنك واحده مدلعه اهم حاجه ترضي كبرئيها وغروها حتي لو علي حساب اللي بيحبوها.. مش معترفة بغلطك وعايزاني اسمحك.. قولتلك حقك عليا واسمعي مبرري.. بس صدقيني يا غرام لو هنتنتهي علاقتنا علشان اقولك الحقيقة ما هقولها عارفة ليه.. لأن أنا مش هتشكليه علي مزاجك.. اطلعي فوق اخلصي...

نزلت دموعها علي وشها معقولة ده فهد ازاي قادر يبقي قاسي عليها للدرجادي. كان خوفها كله ما بعد الجواز واللي كانت خايفة منه بيحصل.. بس هو معاه حق هتلومو ليه وهو فعلاً معاه حق هيا جرحتهم مفيش حد اتأذي غير مامتها كان ممكن تسمع مبررها بس هيا غرورها كان عميها..

مكنتش انسانه منطقية وسمعت الحقيقة للآخر كان هيحصل اي لو سمعته بالعكس يمكن لو كانت سمعت مامتها مكنتش هتوصل للنقطة دي.. هتروح لمين دلوقتي امها وكل ما تشوفها تعيط وتفتكر رد بنتها.. فهد وكل شوية يجرحها بكلامة يمكن وقتها فقدت آمانها في الحياة...

بس عمومًا محدش بيخسرك اللي حواليك غير نفسك.. محدش غير مكانتك عند شخص بيحبك متغيرتش غير بأفعالاك وطريقتك.. مفيش حد يقدر يتغير من ناحيتك في يوم وليلة.. مش مطلوب منه يطبطب عليها بعد ما جرحته غير لو كرم منو او أنه مثلاا بيحبها بس ازاي هيخدها في حضنه وهو عارف أنها سابته في أول محطة..

طب اشمعنا هو استحمل كل حاجه علشانها قدر يجي علي نفسه كتير علشانها.. بس هيا مقدرتش كل ده..

أوقات احنا كأشخاص بنعمل حاجات كتير جميلة وحلوة في حياة الاشخاص اللي حوالينا بنقدم كل حاجه من غير أي مقابل ومش بنبقي مستنين مقابل.. بس أوقات بنغلط وغلطتنا بيبقي يكاد يكون معدوم من تافهته بنبقي مستنين الحلو يمسحلنا الوحش او الغلط اللي عملناه... والأكيد أننا مش بنعمل الفعل ده إلا علشان خاطر الطرف التاني بس في الآخر احنا اللي بنطلع غلطانين..

بصتله غرام ودموعها مغرقة وشها.. طلعت ندا لما لقيتها اتأخرت..

ندا: فهد ادخل واقف برا ليه...

فهد : لا أنا طالع انزلي لماما وشوفيها قعدتك هنا ملاهاش لازمة إذا كان بنتها سابتها هتبقي عليها أحن من بنتهاا..

قال فهد كلامه وهو يقصد غرام.. ازاي في شخص قادر يلقي عليك كلام يجرح بكل معني الكلمة وكأنك شخص بدون مشاعر...

حاولت تخرج صوتها بشكل طبيعي: ممكن تعديني..

بعد فهد وطلعت غرام بهدوء تام مردتش عليه ولا قالت اي كلمة كل اللي عملته انها مشيت وسابته..

نزلت ندا وبص فهد علي طيفها وهيا طاله.. مشيتها تدل علي إنها شخص تايه ضايع بيدور علي الامان في اللي حواليه بس مش لقي..

اتنهد بإرهاق: لازم افوقك من اللي انتِ فيه.. لازم اعرفك وافهمك إننا مش هندوم في حياتك مش هنقدر نشوفك بتجرحينا وبتجرحي اللي حواليكى ومكملة حياتك عادي.. لازم تبقي شخصية قد المسؤالية تخافي علي مشاعر غيرك كأنها مشاعرك.. لازم افهمك أن كل اللي بيحبك مش هيقدر يستحمل دلعك كتير بس لو عليا هستحملك العمر كله..

طلع فهد وراها وهو خايف من هدوئها عادتنا غرام مش بتسكت بترد بس هدوئها ده بيدل إنها فعلاً مجروحه...

دخل فهد البيت.. ودور عليها في اوضة النوم الخاصة بيهم واوضه الاطفال ملقاش ليها اي أثر.. قعد علي الكنبة بإرهاق وهو شايل جبل من الهموم بس أكبرهم هو غرام

"الحمل بيبقي خفيف لما يشيله اتنين".

سمع صوت باب بيتفتح بص فهد ناحيت التواليت وشافها خارجه منه وكانت لبسه بيجامة زرقاء شبه لون عيونها..

جت غرام وقعدت علي التربيزة اللي قصاد الكنبة اللي كان قاعد عليها...

غرام: عارف يا فهد أنا سمعت كلام كتيرر وحش واتعودت عليه.. ومكنش بيفرق معايا صدقني. بس أنت يا فهد غير... عارف ليه غير عمرك ما جرحتني بنص كلمه.. عمرك ما زعلتني.. الضربة جت منك وحشه اوي وبتوجع..

حطت إيديها مكان قلبها وقالت وهيا بتعيط: جت وحشه لدرجه ان ده اتكسر ميلون حته.. مش قادرة اصدق..

شدها فهد لحضنة مقدرش يقسي عليها أكتر من كده.. انهارت غرام في حضنة..

همسلها: أنا لما جرحتك بالكلام كنت بجرح نفسي قبل ما أزعلك.. صدقيني خرج مني وأنا عايز اضرب نفسي بمليون جزمة قديمة.. أنا ممكن اغفرلك اي غلط بس انتِ يا غرام جرحتيني وجرحتي مامتك.. كسر القلوب مش بالسهل ولا بهين..

رد عليه وجسمها بيتنفض من كتر عياطها: بس أنا.. كنت وقتها غبية ومعترفة بده.. مكنش قصدي والله كنت محتاجه حد يفوقني وقتها بس كلهُ سبني.. محدش فهمني ماما رفضت تتكلم.. وأنت قولت مش هتبرر لما مرتضش اسمع ماما...

قعدها فهد علي الكنبة وقال: شوفي يا حبيبتي أولاً دي كانت تجربه قاسية بنسبالك.. وبنسبالي بس الأكيد إنك تشوفي غلطك فين وتصلحيه وأولهم إنك تصلحي من نفسك.. مش معني كلامي إني مش متقبل عيوبك لا أنا لما حبيتك مبصتش ليهم اصلاا... عايزة افهمك حاجه حاول متجيش علي اللي قدامك بسبب غرورك اسمعي اللي قدامك للآخر حتي لو مفيش داعي تسمعيه.. متدوسيش علي قلب حبك علشان كرامتك.. كلنا والله عندنا كرامة بس في فرق بين إنك تيجي علي اللي قدامك علشان كرامتك وتكسري قلبه...

هزت راسها وقربت من فهد ودموعها بتنزل من عيونها

همست: ممكن تحضني...

ابتسم فهد وشدها وهو بيمسح بيده علي شعرها: بس كده دانا كنت تمني بس...

كمل كلامة وقال: أنا والله هموت وأنام وبما إنك راضية علينا تعالي ننام في اوضتنا...

شالها فهد ودخل اوضه النوم ونامت غرام في حضنه بعد وصله الانهيار الخاصة بيها...

***

كانت قاعدة بترسم وهي بتغني فجأة جالها ماسدج من نفس الرقم المعتاد.. حطت القلم في شعرها بعشوائية

الماسدج

"رفضك لحاجه مش هيقلل منك بالعكس يمكن يكون بداية لعلاقة وقصة حب جديدة شوفي مين عمال يلف وراكي ليل نهار وانتِ رافضه لو بجد موافقة عليا ابعتي ماسدج وقولي أو أي اشارة ووقتها هكون عندك من بكره".

انعقدت حاجبها بأستغراب وقالت: مين ده.. هو أنا رفضت مين قريب اصلاا...

صوت ندا مرة واحدة لما استوعبت إن ده إياد.. فتحت هدى الباب علي صوت بنتها وهيا بتصوت..

هدى بخضة: أي يا متخلفةة خضتيني...

ندا: هاا لا يا ماما افتكرت حاجه ونسيت اقول لغرام عليها..

هدى: اهاا.. طب رني علي اخوكي ينزلوا يتعشوا عندنا بقالو كام يوم مش بيجي وعاملته أكل من اللي قلبه بيحبهم..

رنت ندا علي فهد حوالي تلات مرات ومحدش رد.. ورنت علي غرام..

***

كانت نايمة في حضن فهد سمعت صوت فونه وهمست: فهد فونك بيرن..

رد عليها وهو رايح في النوم: سيبك تلقيه إياد أو داغر...

قفل فونه وكمل نوم بعدها بشوية رن فون غرام...

زفرت غرام بضيق: يووهه بقي مش عارفة أنام نص ساعه علي بعض...

ابتسم فهد علي عصبيتها وهو نايم وهمس: أنتِ روحك في النوم..

غرام بضيق: ويارتني عارفة أنام..

بعددت غرام عن فهد وقعدت علي السرير ورنت علي ندا.

غرام: نعم يا عيوني..

_نعم الله عليكي خلصتي الرصيد اللي حلتي عليكي انتِ وجوزك...

_بس يا معفنة براحتي أنا وجوزي وبعدين انتِ تطولي اصلاا ترني علي فهد بيه وحرم الفهد.

ندا بسخرية: يبنتي بطلي غرورك ده.. مش كفاية جوزك مغرور هتبقوا انتوا الاتنين ده اي الهم ده يا ربي...

ضحكت غرام علي ندا وردت بهدوء: ايوه كنتي متصلة ليه صح!!.

_ماما قالتلي اقولك انتِ وفهد تنزلوا تأكلوا عندنا علشان عامله الأكل اللي بيحبه فهد..

_اوك هصحي فهد وهننزل علطول يلا باي يا حبيبتي.

قفلت غرام مع ندا وقربت من فهد وهمس بهدوء: فهد قوم ماما هدى عايزانا تحت..

رفع فهد رأسه وسألها وعين مقفوله وعين مفتوحة: في حاجه هما كويسين..

ضحكت غرام علي شكلة وردت: هما بخير بس عايزاك تيجي تأكل عندها وعامله الأكل اللي بتحبه..

ضحكلها فهد وشد غرام وبقت تحته..

حاولت غرام تبعدة بكسوف: فهد متبقاش رخم وابعد

رد فهد بخبث: أنا رخم عادي.. قوليلي بقي كنتي بتقولي لندا إيه..

غرام بأستغراب: بقولها اي مش فاكره اصلا كُنا بنتكلم في إي...

رد فهد بمكر: سمعت إنك بقيتي معترفة إني جوزك وبتتخانقي مع ندا..

ضحكت غرام وردت: وفيها اي مش أنت جوزي برضو ولا أنا غلطانةة..

باس*ها فهد من شفايفها وقال بعد ما قام: حقك طبعاً وجوزك غصب عن عين الكل..

ضحكت غرام: عجبك الموضوع أنت صح...

لف فهد وبصلها ورجع لغرام وشدها من وسطها وغمز بعينه: عجبني اووووي بصراحه...

زهقته غرام وضحكت: طب تمام هروح البس أنا..

فهد بخبث: مش محتاجه أي مساعدة علي فكره أنا شاطر أوي في المساعدات اللي من النوع ده..

جريت غرام ناحية الحمام وقالت بصراخ: لا شكراً مستغنيين عن خداماتك القمر...

ضحك فهد عليها

***

نزلت غرام مع فهد بعدها بشوية وهو لابس بنطلون اسود قطني سويتشيرت زيتي.. وغرام كانت لبسه طرحه كافية علي دريس زيتي..

قفل فهد باب البيت ونزل مسك ايده غرام بصت غرام لأيده وقالت: ده بجد بقي..

مسكها فهد وقال وهو نازل: غصب عنك علي فكره ومش بأخد رأيك..

غرام بسخرية: مش بتأخد راي انت جرتني معاك يا حبيبي اصلاا..

فتح فهد الباب ودخلت غرام معاه...

دخلت غرام واتضايقت لما شافت.... ووو

يتبع

شافت داليا قاعدة وحاطه رجل علي رجل.. قعد فهد علي الكنبة وطلع فونه واتجاهل داليا، قربت غرام والغيرة عمتها وقعدت جنب فهد..

رفع فهد حاجبه وهمس: لازقه فيا كده ليه، أشمعنا فوق بطلع اجيبك من فوق الدولاب..

ضحكت غرام بكل صوتها وقالت بخجل مصطنع: بس بقي يا فهد متكسفنيش الاه..

بصتلها داليا بغيرة وهيا مش طايقها، رفع فهد حاجبه من ردها اللي ما يهمس كلامه بصله همسلها: بس بقي.. ومتكسفنش.. هو أنتِ شاربة حاجه ولا أي..

قربت غرام لفهد وباست*ه من خده قدام داليا وهمست: ليف إيدك حوالين رقبتي، وأياك متسمعش الكلام..

فهد بصدمة: افهم بس أنتِ كويسة ولا أنا بحلم..

ضربتة علي صدره بخفه وعلت صوتها علشان داليا تسمعهم: اخص عليك، بقي كل ده ومشبعتش مني.. كلها ساعة وهنطلع يا حبيبي..

داليا مقدرتش تسكت أكتر من كده وهيا شايفة حب طفولتها قريب لوحده للدرجادي: مخلاص يا حبيبتي مش هيطير من إيدك، وبعدين هو انتِ رخيصة للدرجادي متخلي عندك شوية كرامة ده حتي يدوب خطبك..

لف فهد دراعه حولين رقبتها زي ما قالت، حطت غرام رجل علي رجل وقالت: اخص عليكي هو انتِ متعرفيش، تؤتؤ بصراحه ازعل منك يا دودو..

أنعقدت حاجبيها بأستغراب من كلامها لتتسأل مستغربة: معرفش إي وبعدين متتعدلي وانتِ بتتكلمي معايا..

لسه هترد عليها سبقها فهد وقال: أنا وغرام اتجوزنا يوم الخطوبة اتكتب كتابنا وعملنا كل حاجه علي الضيق، وبعدين أحترامي نفسك مع مراتي لولا إنك ضيفة في بيتي كنت قليت منك تيجي لأصحاب البيت وتحترميهم ولو مش محترمة ومتعرفيش حاجة عن الأدب أعرفك..

أبتسمت غرام بأنتصار، لتبلع داليا ريقها بتوتر من نبرة صوته: مكنش قصدي يا فهد، وبعدين انتِ مش شايف طريقة كلامها.

قرب فهد من غرام وباس إيديها وقال: مالها طريقتها، عايزة تغلطي مراتي، مراتي مبتغلطتش علي فكرة الغلط راكبك من ساسك لرأسك يا داليا.

خرجت هدى من المطبخ وشافت غرام وفهد وقالت بسعادة: يا ألف مرحب بحبايبي..

قام فهد وبأس أيد مامته وجبينها وقال: بركة حياتي والله..

هدى بضيق: بركة حياتك سيبها يجي أسبوع ولا بتسأل فيها..

غمز فهد وقال: عريس جديد وبيظبط دنيته يا ست الكل.

قربت غرام من هدى وعملت نفس اللي عمله بصتلهم هدى وقالت: ربنا يسعد قلبكوا ياارب ويخليكوا لبعض واشيل عيالكوا قريب..

غمز فهد لغرام وقال: يسمع منك ربنا يا ماما بس الغرام يرضي عننا علشان تشيلي أحفادك..

ضربت غرام في بطنة بعصبية وردت بخجل: أحترام نفسك..

رفع فهد إيديه وقال بمرح: هو أنا عملت حاجه الاه..

داليا كانت قاعدة والنار قايدة في قلبها، بيتغزل فيها قدام عيونها اتمنت تكون مكانها عملت المستحيل علشان يشوفها بس فهد مشفش غيرها من اول ما حب غرام، غيرت من نفسها علشانه بس محبهاش برضو.

"متعرفش إننا مينفعش نغير من نفسها علشان نتحب ونعجب الطرف التاني متعرفش إننا لازم نتحب بكل عيوبنا مش لازم نغير من نفسنا علشان حد.. متعرفش إن مهما غيرت من نفسك لأجل شخص هيسيبك، لازم شريك حياتك يتقبلك بكل عيوابك بل تبقي بنسباله مميزات، هتعملي إي بواحد كل شوية يعيرك بعيوبك، محتاجين حد يحببنا في نفسنا أكتر مش محتاجين مرضاء نفسيين يعقدونا في حياتنا أكتر..

هقولك جملة واحده بس وخليها حلقة في ودنك

"مهما كنتِ شايفة نفسك مش جميلة في انتِ جميلة لأبعد الحدود مش لازم تعجبي الكل حبي نفسك وقدريها انتِ تستحقي كل حاجه، انتِ جميلة في كل حالاتك متغيريش من نفسك علشان حد شوفي نفسك بعيون اللي بيحبوكوا هتعرفي قد اي انتِ جميلة"

وقفت داليا وهيا بتصلهم بغل بس جواها مش راضية باللي بتعمله هتخرب علي أتنين بيحبوا بعض علشان هيا بتحبه إذا كان هو ذات نفسه مش حابب وجودها هيحبها..

أتمنت للحظه تتحب ربع حب فهد لغرام، بصت لفهد بتركيز بيضحكلها بيهزر وبيغمر وهيا بتبصله بكسوف وبتبتسم بهدوء عينيه فيها لمعه غريبة، الحب بيبان في العيون زي الغل بظبط، خرجت بهدوء من غير ما حد يحس بيها وهيا بتراجع كل ترتيبتها مع نفسها هيا تستحق انها تتحب متسحقش إنها تحس نفسها قليلة لمجرد أنها حبت واحد بيحب غيرها..

شافت غرام داليا لما خرجت كان لازم تظهر إن فهد مش شايف غير غرام بصت لفهد وضحكتله، كل شيء حواليها بيدعوها للطمأنينة ضحكته نظرته الدفأ والآمان في عيونة، عيونه اللي بتفضل مراقبها كل شوية..

وقتها غرام أفتكرت بوست قرأتة أتمنت تجرب الشعور ده بيقول:

أعتقد مفيش أجمل من إن الإنسان يرافق شخص يشبهه في أفكاره ومبادئه،

ساعتها بس الواحد بيحس نفسه خفيف وكأن كل شئ حواليه بيدعوه أنه يطمن!

نعيم لا يُمل منه!

اللـهم تؤنس وحشتنا بمن يشبه أرواحنا?))"

همست وهيا تنظر له ولأبتسامتة الهادئة: يبدو أنني عثرت علي نصفي الآخر وجدت من يؤنسني في رحلتي المتبقة ليكن ذلك الفهد الذي اسماني حرم الفهد

طرقع فهد بإيده قدام وشها لما شافها سرحانة وهمس: الحلو بتاعي سرحان في إي..

سندت بإيديها علي السفرة وقالت قدام الكل: سرحانه فيك، في ضحكتك، في الآمان اللي في عيونك، الدفئ اللي في عيوني اللي مطمني إن كل حاجه هتبقي بخير في رفقتك بس، مش عارفة ازاي كنت غبية لما مشيت، جايز ده كان درس إن افوق واقدر الشخص اللي بيحبني..

مكنتش واعيه نفسها بتقول إي سرحت كل اللي كان هامها إنها بتقول لفهد نسيت وجود هدى وندا تماماً.

وكملت وقالت بغزل: "وجدت الآمان في عينكَ فقط لأشعر أنني وجدت ذاتي بكَ، ربما شعرت بذلك مؤخراً لكنني لم أجد الآمان سوىٰ بقربك أيها الآمان...

بصها فهد بحب وهو بيسمع تصريحاتها قدام الكل معقول حبته رد عليها وقال: كل مره كنتُ بشوفك فيها كنت بحبك أكتر من المرة اللي قبلها، كنت بنبهر بيكِ كأني بشوفك لأول مرة..

أجابتهم هدى: قول يا قلب امك طلعلي رومانسي، الاه أبوك عمره مبل ريقي بكلمة عد