رواية قدر غير متوقع كاملة جميع الفصول بقلم هاجر العفيفي
هدير بقلق : هى دى أعراض حمل ؟؟
الدكتوره باستغراب : حمل ازاى يا أنسه هدير انتي بنت
هدير وتقى بصدمه : بنت !!!!!!
الدكتوره باستغراب : أيوه انتى مكنتيش تعرفى ولا ايه
هدير بعدم استيعاب : م معلش ممكن تتأكدى تانى
الدكتوره : انا متأكدة طبعا حتى ممكن تستشيرى حد تانى
تقى قامت وقفت بفرحه وقالت : لاء لاء شكرا يادكتوره مش عارفين نشكرك ازاى عن أذنك بقا
شدت هدير وراها ونزلت تحت
تقى : انا بجد فرحانه أووى يعني عمر برئ بس بس هو مقالش ليه
هدير بشك : فى حاجه كبيره ورا الموضوع ومحدش هيفيدنا غير عمر
تقى : يبقا يلا على البيت
ركبوا تاكسى وراحوا البيت ودخلوا كان عمر واقف مستنيهم
عمر بغضب : ممكن اعرف الهوانم كانوا فين ؟؟
تقى : كنا عند الدكتوره
عمر بلهفه : دكتوره ليه مالك ياهدير
هدير بخبث : انا حامل
عمر أنصدم من كلامها ولسه هيرد قاطعته كارما
كارما بعدم وعى : حامل ازاى عمر ملمسكيش اصلا انتى
قطعت كلامها لما استوعبت ال قالته
عمر : انا مش فاهم حاجه
هدير بثبات : انا جيالك انت تفهمني
عمر : يعني انتى حامل ؟؟
تقى : لاء طبعا هدير مش حامل وكمان لسه بنت بس هي قالت كده عشان توقع المدام كارما فى الكلام واديها وقعت
عمر قرب من كارما بغضب وقال : انتى قصدك ايه بالكلام ال قولتيه ده
كارما بخوف وتوتر : م مقصدش انا
قاطعها صف"عه قو"يه من عمر ال قال بغضب : أنطقى قصدك ايه
هدير قربت منه وقالت : ياريت انت ال تتكلم الأول ايه ال حصل فى اليوم ده انا اخر حاجه فاكراها أن أنا أغمي عليا وصحيت لقيت د"م جمبي ده معناه ايه
عمر : مش فاكر والله العظيم مافاكر حاجه خالص ومش عارف حتي أنا ازي مكنتش فى وعيي لأن مبشربش اصلا
تقى : يبقي كارما تعرف كل حاجه
كارما كانت مرميه في الأرض وبتعيط هدير قربت منها وقالت برجاء : أرجوكى ريحينى انا همو"ت من التفكير
كارما قامت بصعوبه وقعدت على الكرسى وقالت : انا هقولكم على كل حاجه بس قبل ماتكلم طمنونى أن محدش هيأذينى
عمر بعصبيه : ماتنطقى يابت انتي
هدير بهدوء : اهدا ياعمر ياريت تحكى وانا اضمنلك انك مش هتتأذى
كارما بخوف : ال عمل كل ده والدتك ياعمر
هدير اتصدمت والاكتر كانت تقى الصدمه الاكبر فى أمها أما عمر مطلعش منه رد فعل غير أنه قال : أنطقى كملى ايه ال حصل
كارما : انا من زمان وانا بحبك ولما لقيت انك مش شايفنى اصلا روحت لوالدتك قولت اقرب منها شويه يمكن تحس بيا بس هى قالتلى انك قلبك متعلق ببنت عمك ال فى البلد ورغم أنها بعيد عنك بس انت مش شايف غيرها ولما عرفت انها جت تعيش معاكم انا النا"ر ولع"ت فى قلبى قررت وكمان لقيت والدتك مبتحبهاش اصلا قربت منها اكتر واتفقنا أننا ندمر"ها عشان تطفش خالص
هدير كانت واقفه مش عارفه تنطق خالص من ال سمعته
عمر : كملى
كارما : جينا فى يوم لما أهلك كانوا رايحين فرح جيرانكم هدير كانت معاكم والدتك اتفقت معايا اروح أرش شربات على الملايا فى أوضتك على أنه دم وهي شربتك عصير فى حبوب هلوسه وكمان قالت لهدير تروح تجبلها حاجه من البيت ولما هي وافقت خلتك انت كمان تروح البيت بس انت مكنتش فى وعيك خالص ولما روحت وهي أغمي عليها انت لما دخلتها الاوضه انت كمان أغمي عليك ومصحتش غير الصبح لما اكتشفتوا ال حصل
عمر بصدمه : يعني كل ده كان لعبه بتتلعب عليا ومن مين من امي ومن واحده زبا"له زيك
هدير بثبات : اطلعى بره
كارما بخوف : بس
قاطعتها هدير بغضب وحده : اطلللعى برررره
كارما خرجت تجرى وهدير قعدت مكانها وتقى جمبها
حنان بقلق : مبتردش ليه دي
كامل : هي مين دي ياحنان
حنان بتوتر : ها مفيش واحده صحبتى
كامل بشك : طيب ماشي اومال انتي لابسه كده وراحه على فين
حنان : راحه اجيب طلبات للبيت
سابته ومشيت من غير ماتنتظر رأيه ونزلت
وهي ماشيه فى الشارع كانت مركزه فى الفون وفجأه ظهرت قدامها شحنه كبيره وملحقتش تبعد والشحنه خبطتها والناس أتلمت عليها
هدير بهدوء : ممكن تسبيني انا وعمر لوحدنا خمس دقايق ياتقى
تقى بتنهيده : حاضر
سابتهم ودخلت الاوضه
هدير وقفت قدامه وقالت : كل حاجه بقت على المكشوف ياعمر
عمر بضعف : انا بحبك ادينى فرصه عشان خاطرى والله كل حاجه كانت لعبه سامحينى على معاملتي ليكي بس والله انا مكنتش مستوعب ال حصل انا اسف تقبلى تكملى معايا
هدير بجمود : ..............
عمر بضعف : انا بحبك ادينى فرصه عشان خاطرى والله كل حاجه كانت لعبه سامحينى على معاملتي ليكي بس والله انا مكنتش مستوعب ال حصل انا اسف تقبلى تكملى معايا
هدير بجمود : لاء وهتطلقنى
عمر بصدمه : اطلقك !!!؟
هدير : أيوه أظن كفايه لحد كده بقا واعتقد معاملتك ليا ملهاش مبرر اصلا انت كنت بتعاملنى على أن خا"طيه
عمر : قولتلك غصب عني أنا بحبك ياهدير ومن زمان كمان من وقت لما جينا عندكم البلد وشوفتك مره واحده مروحتيش من بالى خالص صدقيني انا مش بكدب عليكى والله
هدير : وسبب معاملتك ليا من قبل الجواز ؟؟
عمر : اتصدمت لما فوقت فى الليله اياها دي وعرفت أن أذيتك لما بابا قالى لازم اتجوزك كنت مشتت حاسس ان فى حاجه غلط كنت خايف أذيكى اكتر أمي قالتلى اهرب وانا قولتلها ماشى بس والله ماكنت ههرب انا عارف ان لو قولتلها لاء ممكن تعمل فيكي حاجه خوفت عليكي حتي من نفسى
هدير بدموع : وجوازك من كارما ؟؟
عمر : لعبه والله العظيم لعبه كارما قالتلى أنها هتساعدنى أنها تخليكي تغيرى منها على أساس ان انا متجوزها بس ده كله محصلش بس هي كانت نيتها حاجه تانيه انا معرفهاش
هدير بتنهيده : عمر أرجوك انا محتاجه فتره افكر ممكن
عمر بهدوء : ماشى ياهدير بس اعملى حسابك طلاق مش هطلق موافق اعملك اي حاجه غير الطلاق تمام
سابها ومشي وهي قعدت على اقرب كرسى وتقى خرجت قعدت جمبها
تقى : طب ماهو طلع مظلوم بتكابرى قلبك ليه
هدير اترمت فى حضنها بدموع : بحبه اووى ياتقى بس مجروحه منه
تقى : ياريت تفكرى تانى ياهدير عمر بيحبك بجد وهيعوضك عن كل ال حصل بس فعلا لازم تعاقبيه ببعدك عنه فتره تكونى فيهم صالحتى نفسك قبل اي حد
هدير : تفتكرى كده
تقى : هو كده
هدير : انا بحبك اووى ياتقى وبجد لو كان ليا اخت مكنتش هتعمل معايا نص ال انتي عملتيه
تقى : بس يابت انتي متقوليش كده انتي اختى فعلا
حضنه بعض بحب وموده
عمر وتقى وهدير عرفه أن حنان عملت حادثه وكمان اتشلت ومش هتقدر تمشى تانى طبعا عرفت غلطها وحاولت مع هدير أنها تسامحها هدير مكنتش قادره تسامحها على ال عملته بيها بس سامحتها عشان ربنا
عمر حاول كتير مع هدير وهي رجعت بلدها عند والدها عشان تعاقبه وهو كان هيتجنن
وفى أحدي الأيام
هدير كانت قاعده وسط الزرع والجو الجميل والهوا الخلاب وماسكه ورده فى ايديها وبتفكر فى عمر
: اممم تصدقى الورده دي شبهك اووي
هدير بصدمه : عمر !!!!
عمر بحب مسك أيدها : أيوه عمر ال دوختيه وراكى بقالى شهر بلف حوالين نفسى عشان تسامحينى وانتي اختارتي البعد بس انا برضوا مش هيأس ابدا
هدير : كنت محتاجه فعلا اكون لوحدى شويه عشان اعيد حساباتى وأشوف هعمل ايه فى الأيام ال جايه
عمر بلهفه : وقررتى ايه ؟؟
هدير : هرجع الكليه بتاعتى ال سبتها بقالى شهر
عمر : أنا ال هوصلك بنفسى وممكن أذاكرلك كمان
هدير بخبث : ومين قال إن وافقت ارجعلك ؟؟
عمر بصدمه : نعم ياختى بقا بعد ال عملته ده كله ومش عايزه ترجعيلى
هدير بتنهيده : خايفه ياعمر فى يوم تندم على حبك ليا لأى سبب ملل زهق اي حاجه
عمر قرب منها ومسك أيدها باسها بحب وقال : عمرى ماقدر ازهق منك ابدا انتى حلم حياتى من خمس سنين وانتى شاغله عقلى
هدير : وعد انك تفضل تحبنى ومتزعلنيش
عمر بحب : وعد افضل أحبك ومزعلكيش ابدا ويوم ماتزعلى منى تعالى اشتكيلي انا برضوا محدش يعرف عننا حاجه
هدير بدموع : بجد
عمر بابتسامه : بجد
هدير اترمت فى حضنه
عمر ابتسم بخبث : طب احنا دلوقتي لوحدينا ومحدش معانا وانتى مراتى ممكن اعمل حاجه هتزعلك
هدير بعدت عنه بكسوف وضربته في كتفه وقالت : قليل الأدب
عمر بهمس : بحبك
هدير بابتسامه : وانا كمان
تمت بحمد الله
-----