رواية اسير الناردين الفصل الثامن 8 بقلم مريان بطرس
عودة المشاغبةعند ناردين
كريم :ايه السبب فى القرار دة
جلست ناردين بجواره على الفراش وقالت بمرح هقولك ياكيمو بص انا كدة كدة كلية تجارة يعنى دة مجالى
كريم :هاه وبعدين
ناردين: شغلى فى الشركة هيفيدنى فى الكلية والعكس صحيح يعنى الكلية كمان هتفيدنى فى الشغل لان الحاجة اللى مقدرش افهمها هيفمهالى الدكاترة وهيبقى عندى رصيد خبرة من الشغل
اجاب كريم بهدوء :بردة مش مقتنع اوى اية اللى فى دماغك ياناردين؟
اجابته ناردين بتوتر :مفيش
نظر كريم لها بنظرات اخترقتها متسائلا بتحقيق : فهمينى ياناردين اية اللى فى دماغك
وامام نظراته تلك لم يكن امام ناردين ناردين سوى ان تقول :هقولك بس متقولش لبابا
اومئ براسه ايجابا لتقول ناردين وهى تعد على اصابعها كالاطفال
اولا :هيبقى عندى خبرة فى التعامل مع الناس وهقدر افرق بين الحلو والوحش
ثانيا :هيفدنى فى الكلية والعكس صحيح
ثالثا :هيخلينى انسى اللى مريت بيه وارجع زى الاول واحسن لان الاختلاط بالناس هينسينى
رابعا:هوفر مصاريف كليتى لبابا وبالتالى مش هيبقى عليه ضغط كبير وخصوصا انك عارف ان راندا فى ٣ثانوى ومصاريفها كتير
قاطعها كريم: وهو كان حد اشتكالك وبعدين ليه على طول انتى اللى تضحى فى موضوع الفلوس والدراسة؟
ابتسمت هى قائلة
لا محدش اشتكالى وبعدين انا مبضحيش ولا حاجة دة انا هستفاد
تنهد ثم قال واشمعنى شركة التهامى
قالت بمرح وهى تشير بيديها على الكثرة:
فلوسها كتيييييير ومرتباتها حلوة
ضحك هو على اخته ثم قال:
ماشى والحاج اللى برة دة هنعمل فيه ايه
ردت هى بمرح ابو على سيبه عليا ومتقلقش خاااااالص يالا نكلمه
ماشى يالا ياختى
ناردين بمرح :امشى بقا الخطوة المعتدلة
ضربها هو على راسها من الخلف قائلا بضحك لا سيبتهالك انتى المعتدلة وهمشى انا المتعوجة
ضحكت هى قائلة بنبرة ممطوطة مقلدة احدى المسرحيات
ثم اكملو طريقهم للخارج وهم يضحكون
**
فى قصر التهامى
دخل المنزل مبتسم فمازال منظر فريسته امامه حتى الان الى ظهرت له اخته قائلة بضيق
: اية اللى عملته دة يا آسر ؟
آسر بجهل مصطنع :عملت اية ياايلين؟
اجابته إيلين بضيق
:تروحله المكتب وتهدده هة كان ممكن يطلب ليك البوليس انت قريب أوى ناوى على موت بابا
اسر باستغراب :هو قالك؟
ايلين: لا مقالش بس الاخبار بتوصل هو علشان محدش بيراجع وراك الكلام يبقى خلاص سيبت شركة بابا وقولنا ماشى عملت شركة ليك وبتاعتك وعملتها من فلوسك ومش عايز شراكة وقولنا كويس اصبحت التايجر والكل بيسمع كلامك ومحدش فتح بوءة لكن انك تفتح دراعاتك اوى كدة دة اللى مش ماشى ابدا
صرخ بها آسر بانفعال
:يعنى عايزانى اعمل ايه اشتغل فى مجال الاستيراد والتصدير وانا مجال هندسة ولا احط راسى فى الرمل زى النعام وانا عارف انى بتخان دة انا كدة كنت رحيم أوى معاهم
اجابته يلين بضيق : بس مش كدة يا اسر مش كدة
صمت آسر لبرهة ليقول اخيرا بحزم :ايلين سبينى لوحدى شوية
اجاابته إيلين بحزن بعد ان شعرت ب ان كلامها لا طائل منه
: براحتك ياتايجر براحتك
تنهد آسر بعد ذهاب اخته قائلا
: ليه على الرغم من كل اللى وصلتله مش قادر احس انى مبسوط؟ ليه على الرغم من السلطة والنفوذ والفلوس لية مش لاقى السعادة مع انى حققت كل دة بنفسى؟ ياترى فين سعادتى الضايعة؟ فين؟
**
عند ناردين
جلست بجانب والدها فى الصالون وضربت قنبلتها قائلة
: ابو على انا عاوزة اشتغل
نظر لها حسن بعدم فهم قائلا
:تشتغلى ؟؟تشتغلى ازاى يعنى وفين؟؟؟
احابته ناردين بمرح
:اشتغل يا ابو على اى شغلانة واللى يشوفلى الشغل الواد كريم
اصطنع كريم عدم المعرفة قائلا:
نعم اشوفلك شغل واشوفه فين ده وعند مين؟
ناردين بمرح: فى الشركة عندك
قاطعها قائلا هى كانت شركة ابويا يعنى
قالت له ناردين بمشاكسة
: يابخيل اقصد ياكريم دة انت هتتوسطلى
ثم طرقعت باصابعها قائلة وبعدين انت تعمل كدة كل حاجة تتنفذ، اما اشتغل اية فدة اى حاجة مش هتفرق، يعنى مدير تنفيذى للشركة، مدير حسابات، رئيس مجلس ادارة.. اى حاجة
ضحك الجميع على تلك المشاغبة اما هو فقال:
اذا كان كدة ماشى
ثم اكمل وهو يشير بيده روحى ياناردين امشى من قدامى ومسمعش صوتك لبكرة
قالت ساميةبحنان
:خلاص ياكيمو شوفلها شغل
ناردين :ايوة يابخيل اقصد ياكريم علشان خاطر نادو حبيبتك
نظر لها بغيظ من تكرارها لهذا الاسم الذى يكرهه بينما اشار لها حسن بأن تأتى لتذهب له ليقول بهدوء
:انتى عاوزة تشتغلى ليه ياناردين انا منقص عليكى حاجة فية حاجة عاوزاها ومقدرتش اوفرهالك؟
ناردين:لا يابابا لية بتقول كدة، لو علشان الشغل فلا انا الفكرة ان الشغل هيعلمنى افرق بين الناس، وهيساعدنى فى دراستى، ثم مرت سحابة حزن فى عينيها وهى تقول وهيساعدنى انسى
ثم اكملت بمرح قائلة
وبعدين الشغل هيساعدنى يبقى عندى رصيد خبرة وبعدين بعد ماخلص اشتغل فى شركة أحسن
نظر اليها كريم بنصف عين قائلا
يامفترية عايزة تشتغلى فى اكبر شركة استيراد وتصدير فى مصر وتقولى مكان احسن دة على اساس هيقبلوكى
ناردين بمرح وهى ترفع ياقة قميصها
طبعا أحسن دة انا اتعرض عليا امسك مساعدة رئيس امريكا بس انا رفضت وكمان الرئيس بتاعنا عرض عليا منصب مهم بس انا قولتلة يا وزيرة الاقتصاد يابلاش
نظر اليها كريم بسخرية ثم قال
ادخلى نامى ياناردين شكل اليوم كان صعب عليكى ادخلى
تجاهلته ناردين قائلة
: هااا يا ابو على هتشغلنى
نظر لها حسن وهو يراها ترجع لمرحها ثم قال
: خلاص ياناردين لو لقالك شغل روحى
انقضت هى عليه تقبل وجنته وقالت :ربنا يخليك لينا يا احلى ابو على فى الدنيا
بينما ابعدتها سامية عنها بضحك قائلة
: ابعدى يابت هتموتى الراجل
ناردين وهى تمسح على كتفه بمرح
:بعيد الشر عنه ان شاء الله قطة الجيران
ثم ركضت تضحك للداخل
بينما ضحك عليها الجميع
**
فى قصر التهامى
كان يجلس شاردا فى حياته يتمنى ان تعود للخلف فقط هذخ امنيته تغيرت حياته منذ ١٠سنوات تقريبا فهذا ليس ما كان يضحك ويمرح مع اصدقاءه تغيرت حياته بالكامل
ارتسم على وجهه ابتسامة ساخرة فلو رأى آسر القديم هذا التايجر ماعرفه ولو حلف له احدا من قبل انه سيصبح هكذا ماصدقه
تنهد تنهيدة حارة يخرج مافى قلبه من هموم متمنيا ان تحدث معجزة او ماشابه ويرجع كما كان ولكن ليس كل ما يتمناه المرء يدركه
قطع سلسلة افكاره دق الباب ف أذن بالدخول
فريدة :ينفع ادخل اوضتك ولا ممنوع؟
نظر لها آسرليجيب بهدوء وترحاب : لا طبعا ممنوع ازاى اتفضلى ياست الكل
فريدة وهى تجلس بجانبه على الفراش
:وفيها اية لما تفضل كدة على طول
تنهد قائلا: ياريت بمزاجى يا امى ياريت
فريدة: لسة زعلان من بابا يا اسر؟
اجابها آسر بألم وحزن
:خلاص يا امى معدش ينفع نتكلم فى اللى فات مفيش حاجة هترجع
فريدة: لازم تكون عارف انه عمل كدة علشان خايف عليك
تنهد آسر مغيرا مجرى الحديث
مقولتليش يا امى يعنى فريدة هانم بجلالة قدرها جاية عندى تعمل اية اكيد مش علشان الموضوع دة؟
سألته فريدة بضيق :مش ناوى تتجوز بقى يا آسر دة انا شفت حتت عروسة انما
قاطعها هو: طيب خافى على بنات الناس يافريدة هانم شكلك كارهة البنت دى علشان كدة رمياهالى؟
فريدة بضحك: لا طبعا واكرهها ليه هو ابنى وَحْشْ ولا بيعض
اجابها آسر بجدية :لا التايجر
فريدة :واية يعنى ؟
التف لها آسر قائلا بجدية
: ماما انهى الموضوع دة مش عاوز كلام فى الموضوع دة لو سمحتى
فريدة :بس يا آسر
قاطعها آسر بجدية
:ماما من فضلك انهى الموضوع دة مش عاوز اتجوز انا ماليش انا خلق للبنات ودلعها ومامى وبابى والشوبينج والكلام دة وف نفس الوقت مبعرفش انا اتعامل معاهم اى بنت عاوزة حنية وحب وانا معنديش الكلام دة
فريدة: بس يا آسر
قاطعها هو خلاص ياماما لو سمحتى
خرجت فريدة بينما تنهد هو على حاله
**
فى الصباح
استيقظت مبكرا ونشيطة على غير العادة
ناردين: صباح الخير عليكم جميعا
الجميع صباح النور
ناردين: صباح الخير يا ميراندا اخبار ٣ثانوى معاكى اية
تاففت راندا من ذلك الاسم الذى تطلقه عليها راندا:قولتلك مليون مرة ما تقوليليش كدة
تصنعت البراءة قائلة :يعنى اقولك اية يعنى بيبسى مثلا
صرخت راندا بضيق
:يووة بصى انا اروح اذاكر أحسن
ناردين وهى تومئ براسها :انا بقول كدة بردة
انفجر الجميع ضحكا على تلك المشاغبة وما تفعله بالمنزل
ناردين:صباح الخير يا ابو على صباح الخير يا بخيل اقصد ياكريم
حسن صباح النور ياناردين
كريم: صباح النور يا ساردين
ناردين بتافف
قولتلك ما تقوليش كدة بقرف من نفسى
كريم: لما تنادى اسمى حلو ابقى اناديكى انتى كمان انا ماشى بقى
صرخ ناردين من خلفه : كريم ماتنساش الموضوع بتاعنا
كريم: سيبيها على الله
**
فى قصر التهامى
ابراهيم: يعنى انت محتاج سكرتيرة
اسر: بالظبط كدة وهطلب من شادى يعمل اعلان فى الجرايد
فريدة: بس لازم تكون موضع ثقة
اسر: بالظبط ياماما المردة دى لازم تكون موضع ثقة لان المشروع الجديد مهم
ايلين: كويس انها مشت انا اصلا ماكنتش بطيقها
ثم نظرت لآسر قائاة برجاء
:آسر مش هتفكر فى موضوع الجاردز دول تانى
اجابها آسر بهدوء :لا والكلام منتهى وهيبقى معاكى الخاص بتوعك من بكرة والنهاردة هتخرجى مع اللى سايبهملك
ايلين: يارب تيجى واحدة تروضك وتبقى بنت ياتايجر
نظر لها آسر بجانب عينه قائلا بسخرية
: اتروض وبنت دة انتى غلطانة خااالص وسعت منك دى
ثم تحرك خارجا لعمله
نظرت فريدة لزوجها قائلة بضحك
: ايه رايك يا ابراهيم؟
اجابها ابراهيم ب ابتسامة وهدوء وكأنه يقر امر واقع
: صدقينى هيتروض وكمان هيبقى من بنت نوع ابنك دة لما يحب هيبقى مختلف تماما
ايلين باستهزاء: مين ده اللى يحب آسر اخويا دة مستحيييييل دة مش بعيد يديها اوامر زى العسكرى
ابتسم ابراهيم قائلا بجدية
: صدقينى هيحب وهيتروض بس كل شئ باوانهذ
بسسسسس
بارت خفيف وظريف ومن غير نكد اهو
التاسع من هنا
/*{e.classList.remove(active),e.classList.contains(facebook...e.classList.add(active)})})} /*]]>*/ --اقرأ أيضاً في آفاق عربية
1
2
3
4
5
6
7
8
9
10
11
12
💬 كن أول من يعلق! وقول رأيك
شاركنا رأيك حول هذا المقال، وناقش مع الآخرين في التعليقات
لا توجد تعليقات بعد.
كن أول من يشارك برأيه!