رواية نيران العذاب كاملة جميع الفصول بقلم فريده زياد
فريداااة حااااسباااااااااي....
اخر كلمة سمعتها وبعدها الدنيا كلها اسودت ومحستش باي حاجة حواليا
جاسر جري عليها كان وشها كلو دم ودماغها بتنزف جامد
جاسر بفزع وقلق : فريدة ردي عليا انا اسف متسبينيش ارجوكي فريداااة
جاسر شالها وحطها في العربية وراح بيها على المستشفى بسرعة كبيرة اوي
جاسر بزعيق وهو شايلها : دكتور بسرعة عاوز دكتور هنا
الممرضة : اهدي يااستاذ احنا هنا في مستشفى محترم
جاسر بعصبية : معاكي الرائد جاسر الرفاعي اطلبي دكتور بسرعة احسن مااطربقها على دماغكو
الممرضة بخوف : اسفة جدا يافندم ونادت ع الممرضات
الممرضات جم وأخدو فريدة واستدعو دكتور ودخلت العمليات
جاسر كان واقف بره هيموت من الخوف على فريدة وفضل يلوم نفسه ويدعى ربنا متروحيش منه
___ بعد ساعتين طلع الدكتور من العمليات جاسر جري عليه
جاسر بلهفة : طمني يادكتور هي كويسة صح
الدكتور : للأسف الحالة صعبة جدا والعملية كانت خطيرة ادعي ال٢٤ ساعة الجايين يعدو على خير لأنها لو مفاقتش هتدخل ف غيبوبة ومش عارفين هتفوق منها امته
جاسر : طيب ممكن اشوفها يادكتور
الدكتور : لا مينفعش هي دلوقتي في العناية
جاسر : لوسمحت يادكتور خمس دقايق بس مش هتاخر
الدكتور : اتفضل بس ياريت بسرعة
جاسر : شكرا........ ودخل
________في الداخل _________
جاسر دخل شاف فريدة نايمة ومتعلق ليها أجهزة تنفس والمحاليل وباين عليها التعب صعبت عليه وفضل يلوم نفسه
جاسر وهو ممسك بيد فريدة : ارجوكي سامحيني يافريدة دا كلو بسببي انا اسف انا والله بحبك متسبينيش يافريدة
دموعه نزلت ولأول مرة : ايوه يافريدة انا بحبك من وقت ما كنا صغيرين ولسه لحد دلوقتي وحتى اهلي وأهلك عارفين وكنت هتقدملك ونتجوز
بس بس انا مستحملتش فكرة انك تكوني لحد غيري علشان كدا اتعصبت عليكي قومي يافريدة قومي ياحبيبتي جاسر من غيرك يموت
جاسر وقف ومسح دموعه وطلع برا اتصل على محمد والد فريدة
محمد : الو
جاسر : عم محمد ف فريدة في المستشفى تعبانة
محمد بخوف : ايه مستشفى ايه يابني انا جاي حالا
جاسر : مستشفى*******
______بعد فترة وصل اهل فريدة _______
والدة فريدة (سلوى) : بنتي بنتي فين ياجاسر جرالها ايه
جاسر : فريدة عملت حادثة ياطنط والدكتور قال ادعولها ال٢٤ ساعة يعدو على خير
سلوى ببكاء : بنتي بنتي هتروح مني احميهالي يارب انا مليش غيرها
محمد : اهدي ياسلوي فريدة هتكون كويسة وتقوم بالسلامة
سلوى : يارب احميهالي يارب
_عدي وقت كبير وجاسر لسه في المستشفى مع فريدة وامها وابوها بيدعو ليها
الممرضة دخلت تتطمن على حالة فريدة وطلعت مفزوعة
الممرضة : الحق يادكتور المريضة نبضها بيقل........
الممرضة بفزع : الحقنا يادكتور المريضة نبضها بيقل
دخل الدكتور بسرعة لفريدة
سلوى : بنتي يارب قومهالي بالسلامة يارب
محمد وهو بيحاول يتماسك : اهدي ياسلوي ارجوكي
محمد للممرضة : هي حصلها ايه
الممرضة : نبضها بيقل وفي الحالة دي احتمال كبير نخسر المريضة
سلوى بعياط : لااا فريدة مستحيل تسيبني بنتي هتكون كويسة انا عرفها هي بتحب تخضني عليها ع طول
محمد والدموع ف عينيه٠ : يارب قومها بالسلامة يارب انا مليش غيرها
جاسر كان منهار وفي عالم تاني خالص وقلبه وجعه لفكرة ان فريدة ممكن تموت وتسيبه.....
خرج من المستشفى وراح مسجد جنب المستشفى اتوضأ وصلي وفضل يدعي وهو ساجد انها تقوم بالسلامة وان ربنا يحفظهاله
وكان بيعيط وصوت شهقاته كانت عالية اوي لدرجة كل اللي كان في المسجد سامعها وكانو بيدعو ان ربنا يريح قلبه ولما خلص صلاته رجع تاني علي المستشفي
____________في المستشفى ____________
سلوى قاعدة بتعيط وبتدعي ومحمد كان جنبها والدموع في عينيه وبيهدي ف سلوى.... لحد ما الدكتور خرج
جاسر كان جاي من بعيد وشاف الدكتور طالع من عند فريدة جري عليه
سلوى بخوف : طمني يادكتور فريدة بقت كويسة صح
الدكتور : هي كويسة دلوقتي وممكن تفوق في اي وقت
محمد : الحمد لله
جاسر : طيب نبضات القلب قلت فجأة كدا ليه يادكتور
الدكتور : المريضة عندها القلب وكمان الحادثة أثرت عليها فالنبض قل بس الحمد لله لحقناها في الوقت المناسب
سلوى بشهقة : ازاي فريدة بنتي مكانش عندها القلب
الدكتور : ازاي يامدام بنت حضرتك عندها القلب من ٣سنين
محمد : طيب في علاج أو عملية علشان تكون كويسة
الدكتور : العملية خطر اوي عليها ونسبة نجاحها قليلة اوي الأفضل انها تنتظم على الدوا بتاعها
سلوي : طيب ممكن ندخلها
الدكتور : اه تقدروا تشوفوها دلوقتي
دخل محمد وسلوي لفريدة اما جاسر وقف برة خايف من رد فعل فريدة لو شافته
______________في غرفة فريدة ___________
سلوى بعياط وهي ماسكة ايد فريدة : فريدة ياحبيبتي انا ماما قومي يلا يابنتى متوجعيش قلبي عليكي قومي يا فريي
فريدة بدأت تفتح عينها ببطئ وبعدين صحيت وشافت مامتها بتعيط وباباها جنبها وباين عليه الزعل والتعب
سلوى بلهفة : انتى كويسة ياحبيبتي اناديلك الدكتور
فريدة بتعب : انا كويسة ياماما خلاص بقا بطلي عياط
محمد : كدا يافريدة تقلقينا عليكي ايه اللي حصلك وازاي عملت الحادثة
فريدة افتكرت كل اللي حصل بس مش حبت تحكي ليهم
فريدة : مفيش يابابا كنت رايحة الكلية وبعدين دخت ومشفتش العربية وخبطتني
سلوى : الف سلامة عليكي ياحبيبتي الحمد لله ان ربنا قومك بالسلامة
محمد : فريدة انتي كنتي تعبانة وعندك القلب ومش قولتي لينا ليه كدا يابنتي
فريدة : انا مكنتش حابة اقلقكو عليا وكنت عارفة انكو هتزعلو لما تعرفو
سلوى : احنا اهلك يافريدة ومن حقنا نعرف وان شاء الله هتتعالجي وتقومي بالسلامة
_ في الوقت دا جاسر كان واقف برا وسمع كل كلامهم واستغرب انها مقالتش انه السبب في حالتها وبعدين قرر يدخل يعتزر منها
دخل جاسر
فريدة اول ماشافته افتكرت كل حاجة وانه كان هيقتلها بالمسدس خافت اوي وبدأت تعيط وتصرخ و
فريدة بهسترية وعياط : ابعد عني اطلع برة حرام عليك سيبني بقا متقتلنيش انا عملتلك ايه
فضلت فريدة تعيط وترتعش وسلوي ومحمد بيهدوها لما جاسر دخل
فكان واقف حزين وقلبه واجعه علي الحالة اللي وصلت ليها بسببه وقد ايه هي خايفة منه
محمد لجاسر : لوسمحت ياحضرة الظابط اطلع استناني بره وانا ٥ دقايق واحصلك
طلع جاسر واستند بضهره على الحيطة وفضل يفكر هيقول ايه لابوها وهي كذبت علي اهلها ومحكتش ليهم عن اللي حصل فقرر انه مش هيقول لابوها
طلع محمد من أوضة فريدة بعد ما نامت
محمد لجاسر : جاسر انت زي ابني ارجوك يابني قولي فريدة فيها ايه وليه كانت خايفة منك كدا
انت عملت فيها ايه انا عارف انك بتحبها ومستحيل تأذيها احكيلي هي مالها ياجاسر
جاسر بتنهيدة : انا مقدرش اقولك حاجة دلوقتي ياعمي الا لما فريدة هي اللي تحكيلك بس اوعدك اني هصلح كل حاجة قريب وفريدة هتبقى زي الاول واحسن
محمد : اللي تشوفه ياجاسر وانا واثق فيك يابني
__مر اسبوع وفريدة أتحسنت وراحت الجامعة ومشفتش جاسر طول الاسبوع
وجاسر كان بيفكر ازاي هيخليها تسامحه
وفي يوم جاسر راح لفريدة الجامعة وكان معاه بوكيه ورد وعلبة شوكلاتة ...
وفريده كانت طالعة من الجامعة وكان في ولد بيعاكسها وماسك ايدها وهي بتحاول تبعده جاسر شافهم من بعيد حط بوكية الورد وعلبة الشوكولاتة على سقف العربية وراح عند فريدة بسرعة وهو متعصب
جاسر مسك ايد الشاب : مش عيب تمد ايدك على حاجة متخصكش ياكابتن
الشاب : ومين الامور بقا وهي تخصك في ايه لتكون ماشية معاك و.....مكملش كلامه بسبب بوكس من جاسر وقعه
جاسر نزل فيه ضرب : دي اشرف من ميه زيك يابن ال......
وفضل يضرب فيه لحد مامبقاش فيه حته سليمة
فريدة بعياط : خلاص ياجاسر سيبه هيموت في ايديك
واخيرا بعد عنه ومسك ايد فريدة وراح عند العربية
فريدة بعدت ايده بعنف : ابعد عني متلمسنيش
جاسر مسك بوكية الورد والشوكلاتة وبص لفريدة بندم
جاسر : انا عارف اني غلطت في حقك كتير ومستاهلش انك تسامحيني انا اسف ممكن نبدأ صفحة جديدة ونكون صحاب
فريدة فضلت ساكتة وحست انه فعلا ندمان
فريدة : خلاص انا مسمحاك ولا يهمك وموافقة نكون صحاب
جاسر بسعادة : بجد شكرا اوي
__ مر اسبوع على أبطالنا واتقربو من بعض اكتر حتى أن فريدة حست انها حبته
وجاسر أتقدم ليها واتخطبو واعترف بحبه وهي كمان اعترفت انها بتحبه
وجاسر فكر انها نسيت اللي كانت بتحبه وفي يوم.....
فريدة بسعادة : يعني انت رجعت
الشخص : ايو ياحبيبتي تعالي قابليني في........
فريدة : طيب تعالا البيت
الشخص : للأسف مش هقدر عندي شغل وهسافر في نفس اليوم متتاخريش بقا هعدي اخدك
فريدة بفرح : اشطا مستنياك
_ لبست فريدة ونزلت وقابلت الشخص دا تحت البيت واول ماشفته راحت واترمت في حضنه
جاسر كان طالع من بيته رايح لصاحبه فشاف فريدة من بعيد
( زي ماقلنا قبل كدا هما جيران)
جاسر اول ماشافها في حضنه اتصدم واتعصب جامد ومشي وراهم لحد ما صلو كافيه وهو بيراقبهم من بعيد وكانت بتضحك ومبسوطة مع الشاب دا
جاسر كان متعصب اوي وهاين عليه يروح يقتلهم بس جاتله فكرة
جاسر في نفسه...........
=ادخلي برجلك اليمين ياعروسة
جاسر قال لفريدة الجملة دي بسخرية واستهزاء وهي كانت واقفة عند الباب مبسوطة وهطير من الفرحة
فريدة بكسوف : شكرا
بعد ما جاسر وفريدة دخلو الشقة
جاسر قفل الباب وبص ناحية فريدة بخبث وغضب كبير
(ملحوظة : والد جاسر متوفي وهو ووالدته عايشين مع بعض في بيت كبير ولما اتجوز اخد الشقة اللي فوق وأمه في اللي تحت)
جاسر : اهلا بيكي في جحيمك يا حلوة شرفتي سجنك
✨ نعرف بقا اللي حصل...........فلاش باااااااك ✨
جاسر لنفسه : ماشي يافريدة انا هوريكي بتستغفليني وتخونيني
بس لا مش الرائد جاسر الرفاعي اللي حتة عيلة زيك تضحك عليه وشرفي لاندمك وادفعك التمن غالي..... وطلع فونه...
جاسر : الو ازيك يا عمي
محمد : الحمد لله يابني انت عامل ايه
جاسر : انا بخير الحمد لله ياعمي بس كنت عايزك في موضوع مهم ينفع نتقابل النهاردة
محمد : طبعا يابني انا في البيت دلوقتي لو فاضي تعالا
جاسر : تمام ياعمي ربع ساعه واكون عندك
ركب جاسر عربيته وراح على بيت فريدة
اما فريدة فكانت مستمتعة بوقتها مع الشخص دا ولما خلصو قعدتهم وصلها تحت البيت ومشي
فريدة طلعت بيتها وتفاجأت بجاسر قاعد مع باباها
فريدة : السلام عليكم
محمد : وعليكم السلام ورحمة الله وبركاته... تعالي يافريدة عايزك في موضوع
فريدة : خير يا بابا في حاجة
محمد : خير ياحبيبتي ان شاء الله هو بس حضرت الظابط كان عايز يكتب كتابه عليكي ويعمل فرحكوا الاسبوع الجاي ايه رايك يابنتى
فريدة : بس لسه في حاجات كتير أنا محتاجاها وفي تحضيرات لسه مش جهزت هتاخد وقت كبير
جاسر بيحاول يبان طبيعي : البيت موجود وانا مجهز كل حاجة وكل اللي تحتاجيه أنا تحت امرك فيه ها ايه رايك
فريدة بكسوف : احمم اللي بابا يشوفة
محمد : على بركة الله يبقى كتب الكتاب والفرح الخميس الجاي مبروك يا حبيبتي مبروك ياجاسر يابني
سلوى بدموع فرح : الف مبروك ياروحي
?بعد اسبوع?
بارك الله لكما وبارك عليكما وجمع بينكما في خير
فريدة كانت في غاية السعادة لما سمعت الجملة دي
اما جاسر فكان بيفكر ازاي هينتقم منها ازاي
وتم الفرح بفرحة الكل حتى جاسر كان مبهور بجمال فريدة وعيونه متشالتش من عليها ونسي كل حاجة عملتها لحد ماخلص الفرح
والكل بارك ليهم وودعو اهلهم وروحو بيتهم..
باااااااااك.
فريدة بصدمه واختفت ابتسامتها من كلامه : اي !! ايه الكلام اللي انت بتقوله دا ياجاسر
جاسر مسك وشها جامد وعصبيه : زي ماسمعتي كدا ايه كنتي فاكرة هتضحكي عليا واني مش هعرف حقيقتك
فريدة بدموع : أنا مش فاهمة حاجة ... وبعدين مسكت ايده بحنية لدرجة حس انه هيضعف قدامها...
جاسر حبيبي انت بتهزر صح أنا فريدة ... فريدة يا جاسر حب عمرك
جاسر نفض ايديها بعنف : متقوليش حبيبتي انتي مش حبيبتي
أنا بكرهك بكرهك وبس يافريدة
انتي هتعيشي هنا خدامة هعيشك اسوء ايام حياتك
أنا متجوزك علشان اكرهك في عيشتك واعذبك
وهندمك على خيانتك ليا يا فريدة و .
فريدة مسمعتش باقى الكلام من جاسر
كانت في عالم تاني كل اللي بتفكر فيه هو بكرهك...
بتخونيني..
هعيشك اسوء ايام حياتك..
هو دا جاسر اللي حبته من قلبها بيشك فيها ومفكرها خاينة معقولة اتجوزها علشان يعذبها وبس فاقت على صوت جاسر وهو بيقول..
جاسر بجمود : انتى هتنامي في الاوضة دي
وشاور على أوضة الأطفال وانا هنام في اوضتي
وإياكي يافريدة تدخلي اوضتي او تلمسي حاجة تخصني.... فاهمة
فريدة مردتش عليه كانت بتعيط وبتبصله بعتاب وبس
جاسر بصوت عالي ومسك ايديها جامد : فاااهمة
فريدة بخوف وبكاء : فاهمة فاهمة
جاسر سابها ودخل اوضته وقفل الباب بعنف.....
فريدة قعدت على الأرض وضمت رجليها على صدرها وفضلت تعيط كتير
جاسر كان طالع من اوضته بعد ما غير بدلته وشافها وهي بتعيط صعبت عليه بس أظهر العكس
جاسر ببرود : ايه ياحلوه لسه من اول يوم وبتعيطي امال بعد كدا هتعملي ايه هتفضلي قاعدة كدا يلا قومي من وشي
فريدة قامت ودخلت اوضتها من غير كلام وهي ماكنتش قادرة تجادله
قفلت باب الأوضة وقعدت علي السرير وفضلت تعيط وهي بتفتكر كلامه لحد ما نامت بفستانها
______الصبح _______
جاسر صحي بدري نزل جري شويه وبعدين طلع ملقاش فريدة صحيت
راح على اوضتها لقيها لسه لابسة الفستان ونايمة زي الملايكة فضل يتأمل في ملامحها لحد ما فاق لنفسه
مسك كوباية ماية من جنبه وكبها على وش فريدة
فريدة بفزع : اه يالهوي بغرق لا الحقوني
جاسر : قومي ياهانم هتفضلي نايمة للعصر اهلينا زمانهم جايين
غيري هدومك وعشر دقايق والفطار يكون جاهز...
وطلع برة من غير ما يسمع ردها
فريدة لنفسها : مش هسيبك ياجاسر غير لما تفهمني فيك ايه وكان قصدك ايه بكلام امبارح دا......
وقامت وغيرت الفستان واخدت دش ولبست بيجامة باللون البينك الهادي وفردت شعرها وكانت جميلة اوي
وطلعت حضرت الفطار حطته على السفرة ونادت عليه....
جاسر اول ما شافها اتسحر بجمالها وفضل باصص ليها وهي واقفة مكسوفة
جاسر بدون وعي : انتى ازاي جميلة كدا
فريدة بكسوف : احمم شكرا
جاسر بعد ماحس باللي قاله لبس قناع البرود تاني
جاسر ببرود : اهالينا زمانهم على وصول مش عاوزهم يحسو بحاجة هنتصرف زي اي اتنين متجوزين وبيحبو بعض
فريدة : من غير ماتقولي مش أنا الست اللي تطلع اسرار بيتها بره
جاسر بسخرية : أمم كويس... تعالي افطري علشان تاخدي دواكي
فريدة : على اساس يهمك... عامة شكرا مش جعانة
جاسر بنرفزة : اللي بقوله يتنفذ أنا مش باخد رايك
فريدة خافت من نبرته فقعدت وفطرو مع بعض ولما خلصو لمت الأطباق ونضفت مكانهم
وبعد فترة أهلهم وصلو
سلوى : ازيك يافريدة عاملة ايه ياحبيبتي
فريدة : الحمد لله ياماما انتو اخباركو ايه
محمد : احنا كويسين يابنتى الحمد لله جاسر عامل معاكي ايه اوعي يكون بيزعلك
زينب والدة جاسر : وهو يقدر دا أنا كنت موته
فريدة : متخافش يابابا جاسر بيعاملني حلو وبيحبني
محمد : ربنا يخليكو لبعض ياحبيبتي.... وانت ياجاسر مش أوصيك على فريدة
جاسر قرب من فريدة وحاطها بايده : متخفش ياعمي دي في عنيا
فريدة تفاجأت من ردة فعل جاسر بس كانت مبسوطة اوي من قربه ليها...
اهلهم قعدو شويه وبعدين ودعوهم ومشيو
جاسر : متفرحيش اوي باللي عملته قدامهم دا كلو تمثيل
فريدة زعلت من كلامه وقررت انها هتسأله وتفهم منه كل حاجة
فريدة بدموع : ممكن افهم انت بتعمل معايا كدا ليه
جاسر بزعيق : علشان انتي كدابة وخدعتيني وخونتيني يافريدة أنا حبيتك بس انتي هنتي حبي ليكي
فريدة بعياط وزعيق : بس أنا مخنتكش محصلش حاجة من دي انت الإنسان الوحيد اللي حبيتو في حياتي
جاسر بصوت عالي : بس بقى كفاية كدب انتي خاينة وياعالم كنتي ماشية مع كام واحد غيري
ولا خدعتي كام واحد انتي انسانة رخيصة و...
مكملش كلامه لان فريدة كانت ضربته بالقلم لأنها مستحملتش كلامه عليها وتشكيكه في شرفها
فريدة بعصبية : أخرس انت بني آدم حيوان وزبالة أنا اشرف منك ومن مية واحد زيك
تعرف اني على قد ماكنت بحبك على قد ما بكرهك دلوقتي أنا بكرهك ياجاسر بكرهااااااااااااك
قالت كلمتها الأخيرة بعياط وصريخ وبعدها كانت مرمية على الأرض
أثر صفعة من جاسر لانه مستحملش انه يتضرب ومن مين من ست دا غير كلامها عنه
جاسر قومها بعنف من على الأرض وشدها ودخل بيها اوضته وزقها على السرير
فريدة بعياط : جاسر ان انت هتعمل ايه ارجوك سبني أنا اسفة جاا.....
جاسر نزل بدا يضرب فيها بعنف وبغل ومفكرش للحظة ايه اللي ممكن يحصل فيها لأنها مريضة قلب
كل اللي كان بيدور في دماغه انها ضربته بالقلم..
فريدة اغمى عليها وبوقها بدأ ينزل دم و
جاسر فضل يضرب فريدة وهو متعصب ومكنش شايف قدامه
ومفكرش في نتيجة اللي بيعمله لأن عندها القلب
فريدة كانت بتصرخ وتعيط بس هو مكنش حاسس باللي بيعمله لحد ما اغمى عليها وكان بوقها بينزل دم
ووشها كلو كدمات
جاسر اخيرا حس بيها واتخض من منظرها هو ازاي متحكمش في نفسه ازاي يأذيها كدا
جاسر بقلق والدموع في عينيه فضل يهزها ويخبط على وشها بالراحة بس مفيش نتيجة
جاسر : ف فريدة حبيبتي قومي فريدة أنا أنا آسف سامحيني طيب قومي اضربني واتعصبي عليا زي ما تحبي بس متسبنيش أنا بحبك فريداااااة
جاسر شالها ونزل بيها بسرعة والدته شافته اتخضت من منظر فريدة وهي في ايدين جاسر وبتنزف
زينب بقلق : جاسر فريدة مالها يابني ايه اللي عمل فيها كدا
جاسر مردش عليها وحط فريدة في العربيه وركب وراح بيها المستشفى في أقصى سرعة
____في بيت محمد ______
الباب خبط وسلوي ومحمد قاعدين مع بعض سلوى قامت تفتح وتفاجأت باللي على الباب
سلوى بفرحة : مصطفى حبيبي انت رجعت.. وحضنته
مصطفى بفرحة : ايوه ياحبيبتي رجعت كدا ياسوسو تجوزوا فريي وانا مش موجود
محمد من وراهم : اوعا يا وااد من حضن مراتي
مصطفى جري عليه وحضنه : واحشني يا حماده ياجامد
محمد بحب : والله انت واحشني اكتر كدا متسألش فينا ولا تزورنا الفترة دي كلها دا انت حتى محضرتش فرح فريدة
مصطفى : لا ما هو... بص بصراحة أنا قابلت فريدة من فترة وقعدنا سوا وقالتلي انها اتخطبت ويوم الفرح كلمتها فيديو كول وباركتلها
محمد : ايوه يعني بتخططو وتتقابلو من ورانا
مصطفى : قلبك أبيض بقا ياحمادة ..... ايه ياسوسو مفيش اكل ولا ايه أنا هموووت من الجوع
سلوي : عشر دقايق والاكل يكون جاهز لاحلى صاصا في الدنيا
مصطفى : لسه برضو صاصا أنا كبرت وبقيت رجل أعمال وصاحب شركات الناس لو سمعوكي يقولوا عليا ايه
سلوى : حتى لو كبرت وعجزت هتفضل صاصا برضو
سلوى لسه داخلة المطبخ تليفونها رن
سلوى : الو
زينب : الحقني ياسلوي جاسر نزل من البيت وكان شايل فريدة اخدها ع المستشفى وشكلها تعبانة اووي
سلوى بخطة : بينتي.. طيب هم هما مستشفى ايه
زينب : أنا كلمت جاسر وقالي انهم في مستشفى....أنا مستنياكي تحت البيت اهو علشان نروح مع بعض
سلوى : حاضر حاضر احنا نازلين اهو
محمد : فيه ايه ياسلوي بتعيطي ليه ومين اللي ع التليفون
سلوى : بنتى يامحمد فريدة بنتى في المستشفى
محمد بخضة : فريدة هى مالها وفي المستشفى ليه
سلوى : معرفش زينب كلمتني وبتقول انها تعبانة اوي وجاسر كان شايلها ورايح بيها المستشفى
محمد : طب يلا بسرعة نروحلها
مصطفى استنو أنا جاي معاكو
نزلو كلهم وقابلو زينب وركبو عربية مصطفى وساق بيهم ع المستشفى
______في المستشفى _______
جاسر كان واقف بره مستني الدكتورة تطلع من عند فريدة كان هيموت من الخوف عليها
جاسر لنفسه : انت ازاي عملت كدا ياجاسر ازاي مديت ايدك على واحدة ست
انت اذيت اكتر انسانة حبيتها ازاي محستش بنفسي وانا بضربها وهي بتصرخ بين ايديا أنا آسف آسف يافريدة سامحيني ياحبيبتي أنا أذيتك اووي
طلعت الدكتورة من عند فريدةجاسر بقلق : طمنيني يادكتورة فريدة عاملة ايه
الدكتورة بغضب : الحيوان اللي مد ايده عليها ازاي يعمل فيها كدا
دا يستحيل يكون انسان هى كان ممكن تموت فيها لازم اللي عمل فيها كدا لازم يتحاكم
جاسر بنفاذ صبر : اخلصي وقليلي هيا عاملة ايه دلوقتي
الدكتورة : جسمها كله كدمات وكمان بحكم انها مريضة قلب قلبها ضعف اكتر من الاول
وحالتها النفسية زفت انتو مينفعش تسكتوا علي وصلها للحالة دي لازم تحاسبوه
جاسر : ممكن ادخلها
الدكتورة : هى فاقت دلوقتي تقدر تشوفها بس اي ضغط عليها بعد كدا هيسببلها انهيار عصبي حاد وممكن نفقدها
هز جاسر راسه بالايجاب
ودخل لفريدة... لقيها
جاسر دخل لقي فريدة وكانت نايمة على السرير وباصة للسقف ودموعها بتنزل في صمت
لما دخل جاسر بصتله ورجعت بصت للسقف تاني
جاسر بوجع : فر فريدة انا اسف سامحيني .... مكنش قصدي اعمل كدا بس انتي اللي عصبتيني
فريدة :........
جاسر : فريدة بصيلي ارجوكي متعمليش فيا كدا
فريدة بهدوء : اطلع بره ياجاسر
جاسر : ابوس ايديكي تبصيلي يافريدة انا فعلا ندمان
فريدة بصتله وقالت بسخريه : هه ندمان ندمان على ايه ولا ايه
ندمان انك خليت أجمل يوم في حياة اي بنت يوم اسود بالنسبالي
ولا ندمان انك شككت في شرفي?
ولا ندمان انك ضربتني من غير رحمة وكنت هموت في ايديك
رد ساااااااااااكت ليه هااا...
قالت كلماتها الأخيرة بعياط وصريخ
جاسر غمض عينيه بوجع من كلامها للدرجاتي هو اهانها من غير مايحس هو فعلا يستاهل الموت
جاسر : فريدة انا عارف اني غلطت وانتي ليكي الحق انك تعاقبني زي ما انتي عايزه حتى لو عايزة تتطلقي انا هطلقك
فريدة بعياط : انا فعلا هطلق يا جاسر بس قبل ما اطلق لازم تجاوبني على سؤالي
ليه قولت عني خاينة وشككت في شرفي بالشكل دا !؟
جاسر : لأنك فعلا خاينة يافريدة .... انا شوفتك في حضن واحد غيري
كان ممكن تقوليلي انك بتحبي واحد غيري وكنا نسيب بعض بس انتي مقولتش انتي خدعتيني
فريدة مكنتش فاهمة هو بيتكلم عن مين هى مستحيل تكلم ولد اصلا .... وهو بيقول حاضنة واحد لسه هترد أهلهم دخلوا
سلوى جريت عليها وحضنتها : فريدة مالك ياحبيبتي وايه اللي عمل فيكي كدا
جاسر شاف مصطفى دخل معاهم جري عليه ومسكه من تلابيب قميصه
جاسر بغضب : وكمان ليك عين تيجي هنا يا زبالة طب راعي انها متجوزة وان جوزها ممكن يشوفكو مع بعض
فريدة فهمت جاسر قصده ايه وعرفت انه هو الشاب اللي شافه بيحضنها ومفكرها بتخونه معاه
محمد : فيه ايه جاسر انت ازاي تكلمه كدا انت اتجننت
جاسر مفهمش ازاي ابوها بيدافع عنه لحد ماسمع فريدة
فريدة بسخريه : احب اعرفك ياحضرة الظابط مصطفى ابن خالتي واخويا في الرضاعة
جاسر بصدمة : ان انتي بتقولي ايه ازاي ابن خالتك وانا عمري ما شفته ومعروف ان مامتك ملهاش اخوات
فريدة بدموع : امي بعد مآ ولدتني خالتي كانت حامل وتعبانة جدا في حملها
خلفت مصطفى ومقدرتش تكمل رضاعته امي تكلفت برعايته ورضاعته وبعد ميلاد مصطفى بشهرين خالتي توفت
وامي هى اللى ربت مصطفى ولما كمل السنتين والده اخده وسافرو أمريكا ومبيجيش غير زيارات كل مدة كبيرة
ولما حضرتك شوفتني معاه كان راجع علشان شغل مهم في مصر والمفروض يرجع أمريكا في نفس اليوم علشان كدا مجاش البيت عندنا لانه كان مستعجل
مصطفى باستغراب : مين دا يا فريي وليه بتقوليله كل دا وايه اللي عمل فيكي كدا
جاسر كان في عالم تاني ... يعني ايه يعني هو ظلمها غيرته عمته ومفكرش للحظة انه يسألها
لا وكمان ضربها دي استحاله تسامحه ازاي هتسامحه اصلا اذا كان هو ميقدرش يسامح نفسه اكيد هى دلوقتي مش طايقه تشوف وشه
فاق ع صوتها
فريدة بسخرية : اعرفك يا مصطفي ... دا يبقا جوزي المحترم الرائد جاسر الرفاعي اللي بيمد ايده على مراته ويشكك في شرفها ?
زينب : الكلام اللي فريدة بتقوله دا صحيح ياجاسر ؟
محمد بزعيق : انت اللي ضربتها وعملت فيها كدا .... انطق
سلوى بعياط : فريدة ياروحي احكيلنا ايه اللي حصل وفهمنا ايه الكلام اللي بتقوليه دا
فريدة حكت ليهم كل حاجة ومحدش كان قادر يستوعب
ازاي جاسر أذاها وشك فيها كدا كلهم عارفين انه بيحبها بس مكانوش يتوقعو انه يضربها وياذيها كدا......
مصطفى مستحملش انه يشوف فريدة بالشكل دا واللي ضاربها واقف قدامه
فجأة قام وهجم عليه وفضل يضرب فيه
وجاسر مرضيش يدافع عن نفسه لانه يستحق كل دا واكتر وشه كله كان بينزف
فريدة قلقت عليه مهما كان هيا بتحبه جريت عليه وفضلت تشد في مصطفى وتعيط
مصطفى بغل : بتمد ايدك على اختي ياض وتضربها بالشكل دا انا هقتلك وادفنك في أرضك
فريدة بعياط : خلاص يامصطفى ابوس ايدك هيموت في ايديك كفايه
مصطفى بعد عنه اخيرا وجاسر قام وقف بتعب
جاسر بألم : حتى بعد ما اذيتك بتدافعي عني
فريدة ببكاء : انا.. انا مبدافعش عنك انا بس خايفة على مصطفى علشان ميضيعش مستقبله علشانك
جاسر بدموع : فريدة انا عارف اني غلطت انا حتى مكسوف اقول اني اسف لاني مستحقش اتسامحيني
لو عايزة تقتليني دلوقتي انا معنديش مانع بس والنبي ماتسبيني متسبينيش يافريدة
فراقك صعب عليا اوي ياحبيبتي الموت ارحملي من بعدك
اوعدك هصلح كل حاجة بس خليكي جنبي ....
فريدة :............
فريدة اخدت نفس طويل وبعدين حبست دموعها واتكلمت بجمود ومن غير ما تبص في عينيه
فريدة : جاسر.....طلقني
جاسر بانهيار : لا لا يا فريدة والنبي ما تعملي فيا كدا
هرضي بأي حكم تحكميه عليا بس متبعديش عني ارجوكي
فريدة بدموع : طلقني ياجاسر طلقني وارحمني
انت اذيتني ووجعتني وانا مستحيل اقدر اكمل معاك كل ما ابص في وشك هفتكر كلامك ليا وضربك مقدرش اعيش معاك
جاسر : وانا مش هطلقك يافريدة.... مقدرش
فريدة : تمام وانا مستحيل اعيش معاك واتفضل أمشي عايزة ارتاح علشان تعبانة
جاسر : ماشي يا فريدة انا هسيبك دلوقتي بس هجيلك تاني وخليكي فاكرة انا مش هطلقك...... ومشي
زينب بدموع : انا مش عارفة اقولك ايه يا فريدة يابنتى انا اسفة ع اللي جاسر عمله فيكي
فريدة مسكت ايديها : متقوليش كدا ياماما هو اللي غلطان انتي ملكيش ذنب في حاجة متعتزريش
وحتى لو انا هطلق منه انتي هتفضلي امي اللي بحبها
زينب : ربنا يباركلك يابنتى اسيبك انا بقى ترتاحي شويه وهجيلك بكرة الصبح ان شاء الله
زينب مشيت وفضل سلوى ومحمد وفريدة ومصطفى في اوضة فريدة في المستشفى
فريدة : بابا لو سمحت انا عايزه اخرج من المستشفى دلوقتي
سلوى : تخرجي تروحي فين يا فريدة انتي لسه تعبانة
فريدة : ماما لو سمحتي انا مش هقدر اقعد هنا كتير وكمان انا مش هروح بيت جاسر انا مقدرش اعيش معاه لحظة كمان
محمد : اللي يريحك يافريدة تعالي اقعدي عندنا في البيت لحد ماتشوف هتعملي ايه
فريدة : لا يابابا انا كمان مقدرش اعيش في بيتك لاني برضو هشوف جاسر كتير
محمد : اومال هتروحي فين يافريدة
فريدة : انا عايزه اسافر يا بابا عايزة اكمل دراستي باقي ليا سنتين لازم اكملهم واتخرج علشان اشتغل واعتمد على نفسي
سلوى : لا يا فريدة انا مش هسمحلك تبعدي عني وكمان انتي تعبانة ومحتاجة رعاية المكان اللي هتروحيه انا معاكي
محمد بتنهيدة : وانتي ناويه تروحي فين يافريدة
فريدة : معرفش يابابا المهم اني هبعد وانا عارفة ان جاسر مستحيل يطلقني فهسافر من غير مايعرف
مصطفى : انا عندي فكرة انا ليا فرع جديد من شركاتي هنا في مصر
في الاسكندرية وأنا اصلا كنت نازل علشان لازم اطور كتير في الفرع دا واشتريت بيت جديد في الإسكندرية لاني هقعد فترة كبيرة هناك تقدرو تيجو تعيشو معايا
محمد : مش عاوزين نتقل عليك يامصطفى
مصطفى : ايه الكلام دا ياحمادة دا كفاية فضلكو عليا
فريدة : تمام يامصطفى هنروح اسكندرية امتا
مصطفى : وقت ما تحبي يافري البيت جاهز وانا موضبه من قبل مانزل مصر
فريدة : اوك نمشي بكرة الصبح وحول ليا ورق الجامعة بتاعتي هناك ومش عاوزة جاسر يعرف حاجة يلا نروح نجهز الشنط
سلوى : فريدة انتي لسه تعبانة مينفعش تمشي بحالتك دي
فريدة : لا ياماما انا كدا هكون مرتاحة اكتر يلا
سلوى بتنهيدة : اللي تحبيه يابنتي
استأذن محمد الدكتور بخروج فريدة وخرجوا من المستشفي وروحو
وبدؤا في تجهيز حاجاتهم وفريدة دخلت اوضتها وفضلت تفكر ازاي هتسيبه وتبعد هي متقدرش تعيش لحظة من غيرة
بالرغم من انه اذاها اوي بس هيا لسه بتحبه لسه قلبها متعلق بيه
بس دا اهانها كتير وهي متقدرش تعيش معاه متقدرش تسامحه وتنسى كلامه وأفعاله اللي متتغفرش فضلت تفكر لحد ما تعبت ونامت وهي بتعيط
______في بيت جاسر _______
زينب بتضرب جاسر بالقلم وهو واقف مصدوم
زينب : يمكن كان المفروض اني اعمل كدا من زمان انت ازاي تسمح لنفسك تعمل كدا ياجاسر
انت مديت ايدك عليها .... دي فريدة يا جاسر فريدة اللي كنت بتعشقها اللي كنت بتدعي ربنا في كل فرض انها تكون من نصيبك وحلالك ويوم مايحصل دا
تبدلها وتضربها بالشكل دا انت كسرت ثقتي فيك ياجاسر مش من الرجولة انك تمد ايدك على مراتك
جاسر بدموع : غصب عني ياأمي والله الغيرة عمتني سامحيني ياأمي انا حقيقي ندمان
زينب : مش قبل مافريدة تسامحك ياجاسر...
وسابته ودخلت اوضتها
وجاسر طلع شقته ودخل اوضة فريدة وطلع ألبوم الصور بتاع فرحهم وفضل يتفرج على الصور قد ايه هيا كانت فرحانة وسعادتها على وشها
معقول غيرتي عمتني للدرجادي محستش بفرحها وقلبها اللي بيصرخ ويقول بحبك
ودموعه كانت نازلة ع خده بشدة قام وتوضا وصلي ودعا ربنا في السجود ويبكي
يارب انا عارف اني غلطت في حقها اوي انا مش طالب غير انها تسامحني يارب متحرمنيش من اني اشوفها قدامي يارب متخليهاش تكرهني انا مستحملش كرهها ليا انا دعيت كتير انها تكون من نصيبي ويوم ما ده يحصل اضيعها بغبائي يارب رجعهالي وانا هعوضها عن كل حاجة
خلص صلاته شاف امه واقفة وكانت سامعاه
زينب ببكاء : للدرجاتي بتحبها ياجاسر
جاسر بانهيار وعياط : واكتر ياأمي هيا حياتي كلها لو راحت مني انا هموت
زينب : خليها تسامحك ياجاسر حاول معاها يابني متسيبهاش غير لما ترجعها وتخليها تحبك تاني
جاسر نام على رجل امه وفضل يبكي : تعبان تعبان اوي ياأمي مش هقدر اعيش من غيرها هي روحى لو بعدت عني انا مش هعيش خليها تسامحني ياماما ارجوكي
زينب هداته لحد ما نام : هتسامحك ياجاسر هتسامحك يابني انا متاكدة
________تاني يوم الصبح_______
جاسر قام لبس وراح لفريدة ع المستشفي ملقهاش في اوضتها سأل الممرضة
جاسر بقلق : المريضة اللي كانت في الاوضة دي فين !؟
الممرضة : مشيت وسابت المستشفى من امبارح يافندم
جاسر بصدمة وخوف : ايييه مشيت....
___بعد سنتين في بيت جاسر _____
زينب بلهفة : جاسر انت رجعت ياحبيبي
جاسر بكسرة : ايوه ياأمي رجعت
زينب : برضو مارضيتش تقابلك...... معلش يابني استحمل
جاسر جري على حضن امه وترمي فيه والدموع في عينيه
جاسر بعياط : تعبت اوي ياأمي سنتين كاملين كل يوم اتصل بيها وماتردش
وكل شهر اروحها ومبترضاش تنزل تقابلني انا كنت براقبها وعارف كل حاجة عنها
حفلة التخرج بعد اسبوع يا ترا هترجع القاهرة ولا هتفضل هناك...
وحشتني اوي نفسي احضنها جامد واقولها متبعديش هي عاقبتني اه بس عقابها كان قاسي اوي
وانا تعبان اوي في غيابها هي ليه بتعمل معايا كدا انا لحد دلوقتي لسه فاكر اليوم اللي سافرت فيه والكلام اللي قالته ليا
_____فلاش بااااااك_____
جاسر للممرضة : انتى بتقولى ايه وازاي تسمحولها تطلع وهي بالحالة دي....... دي مكانتش قادرة تمشي اصلا
الممرضة : اسفة يافندم بس هي أصرت وأهلها وافقو وخدوها
جاسر ساب المستشفى وساق عربيته بأقصى سرعة علي البيت
اول ماوصل شاف محمد ومصطفى بيحطو الشنط في العربية وسلوي كانت ساندة فريدة ونازلين من البيت
جاسر بقلق : ف فريدة انتي رايحة فين
مصطفى : وانت عايز ايه منها مش كفاية اللي عملته فيها
فريدة بتعب : خلاص يامصطفى ... وانت ياحضرة الظابط انا كنت عارفة ومتأكدة انك مش هترضي تطلقني وانا مش هقدر اعيش معاك فقررت اسافر وانت مش هتقدر تمنعني
جاسر بكسرة : تسافري تروحي فين يافريدة وتسبيني
فريدة : اسيبك.... دا انا مسافرة علشان اسيبك
انا الموت أهون عندي من اني اعيش مع واحد شكك في شرفي ومد ايده عليا واهان كرامتي....
انت عارف يا جاسر انا مكنتش عايزة اقولك اني مسافرة عارف ليه.....
جاسر بحزن : علشان معرفش مكانك واخدك من هناك
فريدة : لا... علشان مكنتش عايزة اشوف وشك انا بكرهك ياجاسر وهسافر غصب عنك ومش هتقدر تمنعني
جاسر : ابوس ايدك اديني فرصة وانا هعوضك عن كل حاجه
فريدة وبتحاول تحبس دموعها : يلا يابابا
ركبو كلهم العربية وجاسر واقف يبص عليهم بكسرة لحد ما العربية اختفت.........
جاسر رجع البيت
زينب : ايه ياجاسر رجعت بدري ليه وفريدة عاملة ايه
جاسر : فريدة مشيت ياأمي سافرت وسابتني وانا مقدرتش امنعها
لاني مش هستحمل تعيش معايا وهي بتبصلي نظرة الكره دي بتقولي الموت عندها اهون من انها تعيش معايا تفتكري هشوفها تاني
زينب : هتتقابلو يا جاسر........
حاول معاها يابني ولو هتعيش عمرك كله تعتذر منها فريدة بتحبك وهي دلوقتي بتتعذب اكتر منك بس هي اللي بتكابر
جاسر : حاضر ياأمي انا مش هسيبها غير لما تسامحني وترجعلي.....
عن اذنك ياأمي عندي مأمورية مهمه لازم امشي
زينب : مع السلامة ياحبيبي..... ربنا يريح قلبك يابني
عدت الايام والشهور وجاسر كان عرف مكان فريدة وكان كل يوم يتصل بيها بس هيا مكانتش ترد
وكان بيروحلها كل شهر لكن مكنتش بترضي تقابله كان محمد بس اللي بينزل يقابله تحت البيت لحد ما مر سنتين وجاسر كان كل يوم بيتوجع من بعدها
اما فريدة فكانت بتعاقب نفسها بعدها عنه مش بتعاقبه كانت كل يوم تنام معيطة وكل مايروح يزورها كانت تبص عليه من فوق بيبقى نفسها تنزل تترمي في حضنه بس لما كانت تفتكر اللي عمله فيها ترجع تكابر تاني
____بااااااااك _______
........... في اسكندريةفي بيت فريدة............
محمد : انتى مش شايفة انك زودتها اوي في عقابك لجاسر وانتي اصلا كدا بتعاقبي نفسك مش بتعاقبيه
انتي فكرك اني مش عارف انك كل يوم بتنامي معيطة وانتي حاضنة صورته وبيبقي نفسك تردي على اتصالاته وتسمعي صوته بس انتي بتكابر يافريدة
فريدة بعياط وحضنت باباها : طيب اعمل ايه يابابا اه لسه بحبه ونفسي ارجعله بس كل اما اشوفه هفتكر اذيته
محمد بيهديها : سامحية يافريدة جاسر بيحبك
لو مكنش بيحبك بجد مكنش جه كل شهر وساب شغله وعذب نفسه علشان يشوفك كان زمانه متجوز من وحده غيرك دلوقتي
فريدة مسحت دموعها : انا سامحته من زمان يابابا بس مش قادرة ارجعله واه لسه بحبه زي زمان واكتر بس مش قادرة
محمد : ادي لجاسر ولنفسك فرصة يافريدة....
كمل بهزار : وبعدين في دكتوره تعيط وحفلة تخرجها كمان اسبوع كدا وشك يبهت ولا ايه
فريدة بضحك : اه عندك حق ههه انا بحبك اوي يابابا وهحاول اعطي جاسر فرصة و
....... بعد اسبوع يوم التخرج........
سلوى : يلا يافريدة اصحى بقا حفلة تخرجك النهاردة
فريدة بنعاس : ياماما سيبيني شوية انا كنت سهرانة طول الليل مش قادرة
سلوى : قومي يابت هو في واحدة تنام يوم تخرجها يلا يامجنونة هتتأخري
فريدة بضيق : هوووف حاضر ياماما قومت اهو
سلوى طلعت تجهز الفطار
وفريدة قامت وةخدت دوش واتوضت وصلت ولبست دريس بيبي بلو وعليه ورد بالوان مختلفة تحفة وعليه طرحة بلون وردة من الورد اللي في الدريس وهيلز نفس لون الطرحة وكانت قمر
محمد : ايه القمر اللي بيطلع الصبح دا مبروك يا دكتورة
فريدة بابتسامة : الله يبارك فيك يابابا ربنا يخليك ليا
سلوى : يلا علشان تفطروا علشان منتأخرش
فريدة بمشاكسة : بس انتو شيك اوي كدا ليه اللي يشوفكم يقول اخواتي مش بابايا ومامتي
محمد بضحك : بس يابكاشة يلا تعالي افطري
سلوى : مصطفى قالك هينزل مصر امتا يافريدة
فريدة : هو كان بيقول هينزل كمان يومين بس انا قلتلوا انه لازم يحضر حفلة التخرج يعني هيجي من المطار على الكلية
سلوى : يوصل بالسلامة
خلصو الفطار وسلوي شالت الأطباق وجهزو وراحو الكلية
بدأت الحفلة وجه الدور على فريدة طلعت تاخد الشهادة وسلوي بتبتسم وبتعيط ومحمد واقف جنبها بيسقف والدموع في عينيه
محمد : العمر بيجري ياسلوي مين يصدق ان دي فري اللي كانت بتحبي قدامي كبرت بسرعة وبقت دكتورة مشاء الله
سلوى بعياط : الحمد لله وصلت للي بتحلم بيه وخليتنا فخورين بيها انا بجد مبسوطة اوي ربنا يسعدها
محمد بتنهيدة : يارب ياسلوي ويريح بالها يارب
محمد وسلوي بيحضنو بعض وبيبصو لفريدة اللي واقفة وفخورة بنفسها
والمكانه اللي وصلت ليها وبتبص لأهلها اللي خلتهم اسعد اتنين في الدنيا.....
✨مسكت المايك✨
فريدة بفرحة : طبعا انا حابة اشكركم لحضوركم وبشكر الدكاترة والمعلمين الافاضل اللي تعبو معايا من اول المشوار
بس الفضل الأكبر بوجهه لاكتر اتنين تعبوا معايا واهتمو بيا ماما وبابا بشكركم بجد لوجودكم في حياتي حقيقي انتو نعمة وانا بحمد ربنا عليكو ربنا يخليكو ليا بحبوكم اوي
دموعها نزلت وشاورت عليهم والكل بص ليهم بابتسامة وكلو سقف جامد ومحمد كان حاضن سلوى وبيبص على بنته بفخر
فريدة لسه نازلة من على منصة التكريم النور انطفى وقفت مكانها كان فيه نور متركز عليها هيا بس كانت مستغربة اوي
ولسه هتنزل بس وقفها صوت عارفاه كويس وكانت بتتمنى تسمعه من زمان
دكتورة فريدة محمد المنشاوي انا بجد فخور بيكي اوي النهاردة فرحتي بيكي وبالمكانه واللقب اللي وصلتيله متتوصفش
بعادك طول اوي يافريدة لسه مش عاوزة تسامحيني!
كلنا بشر يافريدة وبنغلط وانتي كان من حقك تعاقبيني بس عقابك كبير اوي وحشتيني
سنتين بحالهم بعيدة عني مسمعتش صوتك بشوفك من بعيد انا اسف يافريدة عارف اني غلطت بس نفسي تسامحيني انا بحبك يادكتورتي
خلص كلامه والنور رجع فريدة كانت واقفة بتعيط وهي عارفة مين دا
بصت لتحت عند رجليها شافت جاسر قاعد على ركبه كان لابس بدله سودا ومسرح شعره ورا وشيك جدا كان حلو اوي وكان ماسك في ايده علبه فيها خاتم
جاسر بندم : سامحيني انا بحبك فريدة
نزلت على ركبها لمستوى جاسر والدموع في عينيها وحضنته جامد وهو كان اتبسط اوي وحضنها بشدة وخباها بين ضلوعه لدرجة انها حست ان عضمها هيتكسر
بس مهتمتش فضلت في حضنه لوقت مش قليل كأنهم بيعوضوا اشتياقهم في السنتين اللي فاتوا
جاسر بسعادة وهو حاضنها : وحشتيني اوي يادكتورتي وحشني حضنك متسبينيش تاني فاهمة انا اموت لو بعدتي عني تاني ياروحي
فريدة بعياط : ششش متقولش كدا انا عمري ما هسيبك وحشني حضنك اوي ياجاسر
انا اسف عارفة اني عذبتك كتير بس والله غصب عني كان نفسي اشوفك ولو مرة واقولك بحبك ومسمحاك بس غروري منعني سامحني
جاسر : متعتزريش ياحبيبتي انا اللي غلطت معاكي انا بحبك اوي اوي يادكتورتي
فريدة : وانا كمان بحبك اوي
جاسر شال فريدة ولف بيها وهي دفنت وشها في كتفه كل ده وسط تصفيق كل الحضور ودموع سلوى ومحمد
فريدة وجاسر نزلوا من على المنصة ووقفوا تحت وجاسر محاوطها بايده كأنها هتهرب
وبعدين جاسر سلم ع محمد وسلوي
محمد : مبروك رجوعكم لبعض ياولاد
جاسر وفريدة : الله يبارك فيك يابابا
مصطفى من وراهم : مبروك يادكتور فريدة وراح حضنها
فريدة وهي بتحضنه : صاصا انت جيت
مصطفى بضحك : ويارتني فضلت في أمريكا ياشيخة علشان صاصا دي فضحتني
جاسر : احمم احمم لاحظ ان جوزها واقف
مصطفى لجاسر : ازيك ياحضرة الظابط...... وراح حضنه
جاسر وهو بيحضن مصطفى : الله يسلمك ياكبير... حمد الله على السلامة... وحشني
مصطفى : والله انت اكتر يامعلم
كل دا وفريدة واقفة مصدومة من طريقة كلامهم مع بعض
فريدة بصدمة : ايه دا انتو بتكلموا بعض كدا عادي انتو اخر مرة اتقابلتو فيها كان في بينكوا خناقة كبيرة
مصطفى وجاسر :
مصطفي بضحك : لا يافري احنا اتصالحنا من زمان وبقينا أصحاب اوي كمان
فريدة : دا كلو من ورايا ماشي يامصطفى انا هوريك
جاسر : مش يلا بقا ولا ايه احنا هنرجع كلنا القاهرة النهاردة
مصطفى : انا لا شغلي كلو هنا مش هينفع ارجع هبقي اجي ازوركم واطمن عليكم
سلوى : طب يلا علشان نلحق نجهز الشنط
روحو كلهم البيت وجهزو الشنط وودعو مصطفى وركبو عربية جاسر ومشيوا.....
?بعد ساعات?
وصلو القاهرة وجاسر وفريدة نزلوا مع محمد وسلوي بيتهم
محمد : ياااه سنتين بحالهم مجتش هنا كنت بحب البيت دا اوي في كل ذكراياتينا الحلوة
جاسر : نستأذن احنا بقا ياعمي
محمد بتحذير : جاسر مش هوصيك على فريدة
جاسر : متخافش ياعمي اللي حصل زمان مش هيتكرر تاني
سلوى ومحمد حضنوا فريدة وودعوها
وجاسر وفريدة مشيوا
جاسر شال شنط فريدة من العربية ودخل وهو ماسك ايدها
زينب بلهفة : جاسر طمني عملت ايه.....
بسعادة : فريدة
فريدة جريت عليها وحضنتها : وحشتيني اوووي يا زوزو
زينب ببكاء : وحشتيني اكتر ياروح قلب زوزو الحمد الله على سلامتك
فريدة : الله يسلمك ياماما عاملة ايه
زينب : كدا يابت يا فريدة متكلمنيش تطمني عليا خالص ومطلعة عين الواد ومش راضية ترجعي
فريدة بضحك : معلش بقا اهو اللي حصل
جاسر : عن اذنك ياماما هنطلع نرتاح شوية من الطريق وبكرةالصبح حبعتلك فريدة تقعد معاكي
زينب : ماشي يا حبايبي اطلعوا
جاسر اخد فريدة وطلعو شقتهم فتح الباب ودخل
وفريدة دخلت وراه فضلت باصة للشقة وافتكرت اول يوم دخلت فيه والكلام اللي جاسر قاله
(بكرهك _ جحيمك _ اسوء ايام حياتك)
كل الكلمات دي كانت بتتردد في بال فريدة ومن غير ماتحس دموعها نزلت زي الشلال
جاسر كان بيدخل الشنط سمع صوت شهقاتها العالية بص عليها شافها وكانت بتعيط جامد وهي بتبص على الشقة عرف ان هي بتفتكر اللي حصل زمان...
جاسر غمض عينيه بوجع وراح عند فريدة وضمها بايده بحنية
جاسر : اوعدك أن الغلط اللي عملته زمان بغباء مني مش هيتكرر تاني
ارجوكي يافريدة حاولي تنسى ونفتح صفحة جديدة من الاول
فريدة ببكاء : ان انت عاملتني وحش اوي ياجا جاسر
جاسر بألم : عارف والله عارف ياحبيبتي اني قسيت عليكي اوي انا اسف وهعوضك عن كل لحظة ألم عشتيها
فريدة : وانا مصدقاك ومتاكدة من دا
جاسر : طيب يلا بقا علشان تنامي اكيد تعبانة من الطريق
دخلت فريدة واخدت دش ولبست برمودة لونها اسود وبلوزة لونها أبيض وعليها قلوب سودة وجمعت شعرها بعشوائية ونزلت شوية خصلات
وجاسر كان لابس برمودة سودة وتيشيرت رمادي.......
جاسر اول ما شاف فريدة انبهر بجمالها وراح عندها وطبع قبلة رقيقة على خدها فريدة وشها بقا زي الفراولة واتكسفت وحطت راسها في الأرض
جاسر : يارب الصبر والليلة دي تعدي على خير
فريدة ضحكت بصوت ودا زاد من جنون جاسر
جاسر بضحك : دا انتي بتغريني بقا
فريدة بتوتر : احمم طيب يلا نصلي ركعتين بداية حياتنا الجديدة
جاسر ابتسم : اكيد يلا ادخلي البسي الاسدال
فريدة دخلت لبست إسدال الصلاة وطلعت وصلو مع بعض جاسر كان الإمام فريدة حبت صوته في التلاوة اوي
وحست ان فيه خشوع وفضل يدعي وهي تقول امين وراه جاسر وفريدة دعوا كتير ان ربنا يوفقهم في حياتهم الجديدة ويبعد عنهم اي حاجة وحشة والاتنين عيطوا في السجود....
بعد ما خلص جاسر مسك ايد فريدة وبدأ يقول اذكار وهي تقول وراه.........
خلصوا صلاة وفريدة غيرت الاسدال ونامو الاتنين جنب بعض فريدة كانت في حضن جاسر والاتنين حاسين بالأمان جمب بعض والفرحة مش سيعاهم
✨في الصباح✨
جاسر صحي الصبح قبل فريدة وكانت نايمة في حضنه زي الطفلة
جاسر فضل يتامل ملامحها البريئة اللي زي الأطفال مكنتش تستحق كل دا يحصلها .... ملس على شعرها برقة
جاسر : سامحيني عارف
