عزيزي الشافعي: شيرين عبد الوهاب مهددة بدفع 20 مليون جنيه لـ روتانا لهذا السبب
شيرين عبد الوهاب.. علق الملحن عزيز الشافعي علىأزمة المطربة شيرين عبد الوهاب، مع شركة روتانا، والمتمثلة في حذف أغانيها الجديدة لأسباب تتعلق بحقوق الطبع والنشر، إذ احتوت الفيديوهات على محتوى من شركة «Rotana Music».
وقال عزيزي الشافعي، خلال فيديو شاركه عبر حسابه بموقع تبادل الصور والفيديوهات «إنستجرام»: «امبارح نزلت أغنيتين لـ شيرين، لكن المشكلة كنت أتمنى الأغاني تنزل بطريقة أحسن وأفضل من كدة والناس تسمعهم على اليوتيوب وكل منصات الإستماع، وبتتغنى في الإذاعة بشكل طبيعي».
عزيز الشافعي: عقد شيرين مستمر مع روتانا
وأضاف: «أنا عارف شيرين عملت كده ليه.. هي وعدت جمهورها تنزل أغاني وأصعب حاجة الفنان يبقى عايز يغني ويشتغل وفجأة يتمنع عشان ورق أو توقيعات أو وجهات نظر أو مواقف قانونية، ومعرفش كان إيه المفروض يحصل، لكن محامي روتانا بيقول إن شيرين دفعت 8 أو 10 مليون عشان إخلال بالعقد، وإن كل إخلال بالعقد هتدفع 10 مليون جنيه، يعني الأغنيتين بتوع امبارح شيرين ممكن تدفع عليهم 20 مليون جنيه».
وأشار عزيز الشافعي، إلى أن عقد شيرين مع شركة روتان ما زل مستمرًا، قائلا: «عقد شيرين مستمر مع روتانا ومطالبة بأنها تقدم أغاني، وسؤال لمحامي شيرين هل أنت ورقك سليم عشان تنزل أغاني؟ وإزاي لو سليم روتانا وقفته وحذفت الأغاني؟ هل روتانا عندها حق ولا معندهاش؟ ليه الأمور القانونية دي مش بتنتهي بشكل واضح؟ مش معقولة 2 محامين كبار يقولوا كلام عكس بعض، مشكلتنا إننا بنحب شيرين وعندنا شيرين واحدة في مصر».
