قال ، إن أهم مبادئه في إدارة الأعمال هو أن التجارة لا تورث: «مقدرش أورث ابني تجارة، أنا فكري ممكن يبقى أحسن منه أو أقل منه، فالمبادئ دي: التجارة لا تورث ومينفعش نمرة واحد ونمرة اتنين».
وأضاف في لقاء مع مقدمة برنامج "رحلة المليار"، عبر قناة "النهار"، أن الأسرة جزء من الشركة، لكن كل فرد يجب أن يتعلم ويحمل المسؤولية بنفسه دون الاعتماد على المناصب الوراثية.
عمل الأبناء
وتابع، أن أبنائه يعملون معه منذ سنوات طويلة: «ابني علي بقاله معايا 12 سنة، بيخش 6 أشهر بيلف الجروب كله وبيختار. أنا برجع خطوة لورا، لأن سهل تعملي نمرة اتنين بس صعب تعملي نمرة واحد صاحب قرار، فلازم تسيبيه يغلط، زي ما والدي استحملني».
وأوضح أن هذه الطريقة تمنح الشباب فرصة التعلم والخبرة الفعلية قبل تولي المسؤوليات الكبرى.
دروس يغرسها في أبنائه
وأشار إلى أن أهم درس يحرص على غرسه في أبنائه وفريقه هو أهمية الناس والموظفين فوق الفلوس والماكينات: «اهتم بناسك لأنها أهم من الفلوس وأهم من المكنة. سهل تشتري مكنة وتاخد قرض، إنما مش هتعوضي الناس. هم دول الثروة الحقيقية».
صناعة الفواكه
قال إن درة التاج الحقيقية للمجموعة ليست الحبوب ولا الفراخ، بل صناعة الفواكه: «دي بدئنا فيها في 2020 بنعمل Concentrates برتقال، اللي هو مركز البرتقال اللي يروح B2B ويتصدر للمصانع بره يعملوا منه العصير».
وألمح أن التصنيع الزراعي هو المحور الاستراتيجي الذي أعطى المجموعة قيمتها المضافة ونفوذها في السوق المحلي والدولي.
التقلبات والتحديات
وأوضح أن رحلة الأعمال مليئة بالتقلبات والتحديات: «مفيش حاجة سهلة، دايماً بتلاقي Ups and Downs، شوية أنفلونزا طيور، لدولار، لمشاكل.. مفيش حاجة سهلة. المكسب في الحياة غير المكسب بتاع الورقة والقلم، الورقة والقلم بتحسبي فلوس، إنما إنتي بتكسبي ناس وعيلتك وزبونك وموظفك، دي مكاسب تانية إنتي مش شايفاها».
وتابع : «النهاردة الجروب كله شغال من تحت لفوق، النهاردة بنؤمن إن العامل اللي قاعد على المكنة يقدر يطلع بمشروع أحسن مني لأنه عارف مشكلتها فيقدر يديني وفوراتها».
