تحدث ، عن شخصية ضياء الباني، الذي وصفه بأنه أبو البيزنس في مصر: «ضياء الباني ده أنا راجل بحترمه جداً وراجل محترم، كان بيعمل مصنع صويا وكان هيقف تماماً، ويشاء القدر الحرب قامت في مصر ما بين التجار وضياء كان معاه شركة عالمية كبيرة، وأنا لسه كنت يادوبك بعافر».
وأضاف في لقاء مع مقدمة برنامج "رحلة المليار"، عبر قناة "النهار"، أن وفاة ضياء بشكل مفاجئ إثر حادث الطيارة تركته وحيدًا في السوق، ما شكل تحديًا كبيرًا وفرصة أيضًا في آن واحد.
نقطة تحول حاسمة
وأوضح أن هذه اللحظة كانت نقطة تحول حاسمة: «عوضت خسائري، سددت بنوكي، وبقى معايا رأس مال قوي أشتغل بيه.. هنا حظ وصدفة».
وواصل: «التجربة علمتني إني لازم أعتمد على نفسي، وأسعى وأجتهد، ولو ربنا ساعدك مع الحظ والصدفة هتقدر تحول أي أزمة لفرصة».
المرحلة الحرجة
كما كشف ، تفاصيل المرحلة الحرجة قبل دخوله عالم فراخ التسمين، قائلاً: «أهم من الفراخ دلوقتي أقولك على المركب.. قبل الأزمة كان الفريت وصل لـ120 دولار للطن، اتعرضت عليا مركب مستعملة وبدأت أصلحها وأظبطها، عملت تلات أربع رحلات وراحت جاية الأزمة الفريت نزل من 120 دولار لـ7 دولار. المركب خسرت واضطريت أبيعها خردة بـ16 مليون دولار».
وألمح : «إنتي بتكلمي واحد عنده حاجة وعشرين سنة، إنتي كنتي بتنامي؟»، في إشارة إلى حجم التحديات المبكرة.
القدر والحظ
وأشار إلى إيمانه بالقدر والحظ، وقال: «بصي أنا الحمد لله واثق إن ربنا هيعدّيها، إزاي الله أعلم. مكنتش أتخيل إن موضوع ضياء يحصل، مكنتش أتخيل أدخل السوق ده عن طريق حاجة اسمها Separate Sex Feeding، وإن صاحبي في المغرب يرد عليا فأبيع بعد كده يبقى عندي مليون أو 2 مليون طن بيتباعوا في الدول اللي حوالينا.. كلها قدريات»، مؤكدًا، أن الصبر والثقة كانا أساس تجاوز هذه المرحلة الصعبة وتحويل الخسارة إلى فرصة للنمو.
دخول قطاع الفراخ
وعن دخول قطاع الفراخ، صرح : «أنا عايز أكبر بيزنس الحبوب، فقولت أعمل مصانع لنفسي تاكل الحبوب بتاعتي، فكبرت الـMarket Share من غير ما أدوس على رِجل حد».
وبهذه الاستراتيجية، استطاع أن يوسّع أعماله بطريقة منظمة، مع المحافظة على علاقاته بالسوق المحلي والدولي، ما يعكس رؤيته في الجمع بين الابتكار والمصداقية، والمزج بين الدارجة والفصحى في شرح قصص نجاحه.
