أكدت الفنانة رحمة أحمد، أن العمل مع الفنان محمد هنيدي كان حلم حياتها، مشيرة إلى إعجابها بخفة ظله وطريقته في التعامل على خشبة المسرح، قائلة: "اشتغلت معاه حبيب قلبي، سواء في فيلم (نبيل الجميل) أو مسرحية (تاجر السعادة)، أنا بحب محمد هنيدي لما بيفتح بوقه، مجرد ما بيعمل كدا بيضحكني"
وأشارت رحمة احمد، خلال لقائها مع الإعلامية أسما إبراهيم، ببرنامج "حبر سري"، على شاشة "القاهرة والناس"، إلى أن أحد أحلامها كان المشاركة في عمل مع هنيدي
وأضافت: “فعلًا ربنا حقق لي الحلم واشتغلت معاه، ودي حاجة مش هينة خالص”
وتابعت: "في آخر عمل لي مع هنيدي، المخرج هو اللي كان يوجهنا، هنيدي ممكن يقترح، لكن ما كانش بيقول لي بالضبط أعمل كده، كممثلة، ممكن أروح للمخرج وأقول أنا عايزة أعمل حاجة بطريقة وشكل ما، وده شيء طبيعي لكل الممثلين"
تعاون رحمة أحمد مع أحمد حلمي
وعن تجربتها مع النجم أحمد حلمي، قالت: “اشتغلت كمان مع أحمد حلمي، وبرضو فيه ورق ممكن يظلم الممثل، ظروف الإنتاج والمخرج لهم دور كبير، لكن الفنان يظل عنصر مهم في نجاح أي مشروع”
