شوف اللي باقي من رشدي أباظة
حفل زفاف الفنان أحمد دياب على زوجته قسمت رشدي اباظه اتوصف بأنه حفل الزفاف الاغلى في الةسط الفني. مش بس عشان اتعملت في “مينا هاوس” لا ده كمان حضرها كل نجوم الفن وادوا فقرات في الحفلة زي عمر خورشيد وفرقته والمطرب محمد نوح و “نجوى فؤاد” اللي كانت اهم راقصة في مصر وقتها .. وطبعا ده طبيعي عشان شعبية نجم زي رشدي اباظه اللي بيجوز بنته الوحيدة.
احمد دياب كان وقتها بيشتغل رجل اعمال في اعمال تجارية ورثها عن عائلتها واتكلمت عنه قسمت وقالت انها اختارته لان شخصيته تشبه ابوها رشدي اباظه جدا وفعلا استمر جوازهم فترة وخلفوا ابنهم الوحيد أدهم قبل ما ينفصلوا.
اكتشف احمد دياب حبه للتمثيل ودخل مجال الفن وعمل ادوار ثانوية كتير لكن كان حظه افضل في التليفزيون .. لأنه شارك في اعمال مهمة زي مسلسلات أوبرا عايدة … للعدالة وجوه كثيرة .. الرجل الآخر.. العصيان والخواجة عبد القادر.
دياب كان ضيف دائم مع عادل امام في اعماله زي العراف وفرقة ناجي عطا الله واستاذ ورئيس قسم وعفاريت عدلي علام وكان ليه مشهد كوميدي شهير مع الزعيم في فيلم بوبوس لما كان عامل دور راجل اعمال اتجنن بعد ما خسر ثروته.
توفى احمد دياب في 15 ابريل 2020 عن عمر 75 سنة ورحيله كان بعد حوالي سنة من رحيل زوجته السابقة قسمت ويقال ان ابنهم ادهم بيعيش حاليا في امريكا.
-----