لو بيعمل كده.. اهرب فورًا! علامات لو شُفتها يبقى إنت في علاقة سامة
في وقت بقت فيه العلاقات العاطفية مليانة التباس، بقى من الضروري إن كل شخص يعرف يفرق بين الحب الحقيقي والعلاقة السامة اللي بتستهلكه نفسيًا. علاقات كتير بتبدأ بحماس، لكن تتحول مع الوقت لعبء نفسي، وده بيحصل بسبب تصرفات واضحة لو شُفتها.. لازم تتحرك فورًا.
غيرة خانقة وتملك بلا حدود الغيرة الخانقة
أول علامة من علامات العلاقة السامة هي الغيرة الزائدة اللي بتتحول لتملك. لو لقيت شريكك مش بيحترم مساحتك الشخصية، وعايز يعرف كل تفاصيلك ويتحكم في تصرفاتك ووقتك، فده مش حب.. ده سيطرة مغلفة بمشاعر مزيفة.
يظهر بس وقت مصلحته النفسية
من التصرفات الخطيرة اللي لازم تتشاف بوعي: إن الطرف التاني يكون موجود وقت ما يكون محتاجك نفسيًا أو عاطفيًا، ولما تهدى حالته يختفي. وجوده في العلاقة مش حب، وجوده مجرد حل مؤقت لعجز داخلي.
اهتمام لحظي من غير التزام
العلاقات الحقيقية مبنية على ثبات واحتواء، لكن لو الطرف التاني اهتمامه بيظهر فجأة ويختفي تاني يوم، ويتعامل معاك حسب مزاجه، فده مؤشر كبير على إنك مجرد محطة في حياته، مش أولوية.
أوعى تتجاهل العلامات دي!!
لو بدأت تحس إن العلاقة بتستهلكك، وإنك دايمًا بتدي أكتر ما بتاخد، أو بتعيش في حالة توتر دائم.. متسكتش. العلاقة الصحية بتطمنك، بتقويك، بتخليك متزن. غير كده، ابعد.. واختار نفسك. -----
