حنان مطاوع تكشف كواليس تلقيها نبأ وفاة والدها: كنت بدعيله بالشفا وهو متوفى
تحدثت الفنانة حنان مطاوع عن العديد من أسرار حياتها الشخصية، كاشفة رد فعلها عقب لحظة وفاة والدها الفنان كرم مطاوع.
وفي لقاء لها في برنامج “جوسيبس” قالت عن لحظة وفاة والدها إن نجل عمها اتصل بها بشكل مفاجئ رغم أنه لم يتصل بها من قبل، وكان حينها في الثانية عشر من عمره، وأنها عندما رأت اتصال منه بدأت في التفكير في عدة أسباب التي قد تجعله يتصل بها.
لحظة وفاة والد حنان مطاوع
وأضافت مطاوع أن ابن عمها قال لها إن والدها يريد رؤيتها قائلة: “قولتله عايز يشوفني ولا في حاجة حصلت وعايزني أجي؟، قالي تعالي بس، هو أول ما قالي تعالي بس دي أنا رجليا مكنتش قادرة تشيلني وفي سيناريوهات في دماغي يمكن تعبان أوي يمكن هلحق أقوله أو يقولي أي حاجة أو أقوله أني بحبه، مليون فيلم في دماغي، وروحت المستشفى وهي من تحت شكلها مقلوب وفي صحفيين كتير وناس بتصور”.
[embed] حنان مطاوع: "لما طلعت وشوفته مكنتش مستوعبة أي حاجة، وكنت واقفة متلغبطة في كل حاجة حتى في الفاتحة وكل القرآن اللي أنا حفظاه مش عارفة أدعي، كنت بدعي ربنا يشفيه وهو متوفى قدامي، كل حاجة كانت متلغبطة وموقف صعب أوي على بنت عندها 17 سنة".
كتابة الوصية
أما عن أسباب كتابتها لوصيتها فقالت إن عملها يضخم الإحساس بالذات، حيث تجد نفسها تفكر باستمرار في الآخرة، التي تعتبرها رحلة جميلة برفقة الله، قائلة: “أكيد مش بخطط للآخرة بنفس المقدار، وحب الدنيا وصراعتها وخدانا أكتر، بس بفكر نفسي إن آخرها متر في متر”.
وتابعت مطاوع: “عندي امتنان حقيقي من كل قلبي لـ ربنا ولدعمه واختياراته وتسخيره لأقرب الناس ليا، وممتنة للناس اللي حواليا وده اختيار ربنا، أنا حد شاكر لـ ربنا والناس اللي حواليا ولنفسي إني بحاول أبقى حد أحسن”. -----
