خالد سليم باعني بعد مااتوسطت له عند محمد سامي
اقسم بالله العظيم وحياة روتانا عندي إن انا نزلت من البيت الساعه 2 ونص الصبح روحت المونتاج لأن استاذ محمد سامي كان عايز يشيل استاذ خالد سليم من المسلسل و فضلت من الساعه 2 ونص لحد الساعه 5 الصبح بقوله يا استاذ محمد الولد كويس جداً وبلاش نفتري على الناس وانا اصلاً لما دخلت لقيت ناس كتيره جداً
طب انتوا ايه اللي مقعدكم في المونتاج الساعه 2 ونص الصبح مع مخرج ومونتير ده انا مش قاعده ، روحت فجأة بصتلهم وقولتهم فيه ايه يا جماعه طب ناخد بالأصوات ؟ استاذ احمد زاهر موافق ؟ موافق ، المدام بتاعة استاذ احمد زاهر كانت موجوده الساعه 2 ونص معرفش كانت بتعمل ايه حضرتك موافقه ؟ قالتلي اه موافقه ، المدام بتاعت استاذ محمد سامي كانت موجوده مدام مي حضرتك موافقه ؟ اه موافقه ، فيه اتنين قاعدين كده والله ماعرف هما مين حضراتكم موافقين ؟ اه ، طب ينفع برضو نجمة مسلسل تنزل تاخد فوتينج علشان استاذ خالد يكمل في المسلسل ولا لأ ؟ عارفه استاذ خالد سليم عمل ايه ؟ وقف جنب استاذ محمد وباعني انا في أول الطريق
