كندة علوش: محمد صلاح كلمني مرتين وعرض عليا العلاج في بريطانيا
كشفت الفنانة كندة علوش عن تفاصيل تواصل نجم ليفربول وقائد منتخب مصر محمد صلاح معها حال علمه بإصابتها بمرض السرطان.
وقالت كندة علوش، إن محمد صلاح فور علمه بإصابتها بمرض السرطان تواصل هاتفيا مع زوجها الفنان عمرو يوسف وعرض عليه سفرها إلى لندن لاستكمال التحاليل والفحوصات الطبية اللازمة.
وأضافت: “بعدها محمد صلاح كلمني مرتين وقالتي متقلقيش إن شاء الله الأيام الجاية حالتك هتتحسن وهتبقي كويسة وأنتي ليكي عيلة تانية في مصر”.
وحلت الفنانة كندة علوش ضيفة على برنامج “بودكاست مع منى الشاذلي”، وكشفت خلال اللقاء لأول مرة إصابتها بمرض سرطان الثدي وسبب تغيير شكلها وغيرهم من الموضوعات المتنوعة.
تصريحات كندة علوش
أوضحت كندة علوش في تصريحاتها انها أصيبت بمرض سرطان الثدي وقالت: “بعد 9 شهور من رضاعة ابني كريم، حسيت إني عندي مشكلة في إحدى الثديين ولما كشفت اكتشفت إني عندي أكتر من ورم خبيث، تلقيت الخبر بهدوء وسكينة ومنهارتش، وعمرو جوزي كان مرعوب أكتر مني، والنهاردة يبقى بقالي سنة وشهر بتعالج، ولسة بتلقى جرعات العلاج حتى يومنا هذا”.
وأضافت كندة علوش أن مرض سرطان الثدي وراثي في عائلتها وقالت: “خالي وجدتي توفي بسبب الكانسر، وعمرو شخص عملي ولما قولتله نتيجة التحليل قالي هنعمل إيه، وروحنا للدكتور اللي عالج والد عمرو لما اتصاب بنفس المرض”.
كندة علوش تطالب منى الشاذلي بعدم البكاء
وكانت الفنانة كندة علوش قد طلبت في بداية اللقاء من منى الشاذلي بعدم البكاء خلال الحلقة وقالت: “عاوزة منك اتفاق، النهاردة هنتكلم عن كل حاجة لكن من غير عياط، ومش عاوزاكي تعيطي، إحنا متفقين إننا بنتكلم علشان نوصل مسدج حلوة”.
----- #[9362] #[9363] #[288] #[1166] #[9686] #[9687] #[9688] #[7889] #[5173] #[11] #[2902]-