رواية فقدت عطر قلبي كاملة جميع الفصول بقلم شيماء محمد
ورد (بصدمة )_ إنت ....إنت بتعمل ايه هنا
_أنا مراقب حركاتك دائما ياوردتى وعمر ظلك مفارق عينى لحظة
ورد(بعصبية)_إبعد إيدك عنى كدا وإياك تلمسنى تانى
_بكرا هتجيلى لوحدك ياوردتى
ورد(بإنفعال شديد)_إيه وردتك دى ,إياك تنادينى كدا تانى إنت فاهم وبعدين أنا عمرى ما أفكر إنى أروح لواحد زيك
_بس أنا بحب الإسم دا اوى ياوردتى و .....
يامن(بحدة)_وردتك .....،إسمع ياجاسم إياك أسمعك تناديها بالإسم دا تانى إنت فاهم ، ورد بنت خالتى وأختى مسمحلكش تقرب منها تانى إنت فاهم
جاسم (بسخرية)_بنت خالتك وكمان بتقول أختك أمال إنت منفعل كدا ليه
يامن(بعصبية شديدة)_بقولك إيه إمشى من هنا أحسنلك بدل ما أخليهم يطردوك برا (كان مسكه من رقبته)
جاسم _ أنا همشى بس المرة الجاية إنت اللى هتمشى يايامن بكرا إنت اللى هتمشى
يامن(بزعيق) _ إتفضل إطلع برا بقولك يلا برا
جاسم(بأستفزاز)_على ميعادنا بقا ياوردتى ....(مسك شعرها وباسه) يلا سلام ياوردتى
يامن(بغيرة) مسك إيد ورد بقوة_ميعاد إيه اللى هو بيتكلم عليه
ورد_ والله ماعرفش حاجة إبقى إسأله إنت
يامن(بعصبية)_يعنى ايه الكلام دا
ورد_يعنى أمى بتنادى عليا وأنا هنا علشان أطمن على خالتى مش علشان أتخ*انق معاك إنت فاهم
يامن_ إسمعى ياورد أنا لو سمعت بس إنك على علاقة ب جاسم دا مش هيحصل طيب إنتى فاهمة
ورد _ميخصكش وأنا حرة وبراحتى كمان وملكش تدخل فى حياتى
يامن (بعصبية)_مش كنتى بتحبينى ياورد إيه اللى حصل
ورد _اللى حصل إنى فوقت لنفسى وبقيت بكر*هك ومش قابلة إنى أحبك تانى وبعدين مش إنت قولت إن إحنا إخوات خلاص هتفضل أخويا وعمرى ما هشوفك حاجة تانية
يامن _ يعنى ايه ياورد
ورد _ يعنى سلام يا يامن
....ورد لسا جاية تمشى يامن شدها من إيدها ليه بقوة وخبطت فى صدره ......
يامن _ عيدى بقا اللى إنتى قولتيه تانى أصلى ما سمعتوش
ورد (بتوتر)_إبعد عنى يا يامن لو سمحت إبعد عنى
يامن(بضحكة خفيفة)_إيه مالك إتوترتى ليه مش إنتى مش بتحبينى
ورد زقته بكل ماعندها _ إياك تقرب منى كدا تانى إنت فاهم ....وسابته ومشت
___________________بقلم زهرة الجناين (شيماء محمد)
سمية_ ايه يابنتى إتأخرتى ليه كدا
ورد _ مفيش ياماما كنت بس بحل مشكلة بسيطة
سمية _ خير إن شاء الله يابنتى ....يافهد يابنى مالك زعلان ليه
فهد (بحزن)_مفيش يا طنط أنا كويس
ورد _ مالك يافهد إحكيلى زعلان ليه
.....فهد ماردش على ورد وإكتفى بصمت والنظر ليها .......
ورد _ مالك يابنى ساكت ليه و.....
......ولسا فهد كان هيتكلم وقتها الدكتور خرج .....
فهد _ الدكتور خرج ....خير يادكتور
الدكتور_ الحمد لله ياجماعة العملية نجحت والحمدلله مدام ثريا هتبقى بخير
يامن _ طب الحمد لله هى كويسة دلوقتى
الدكتور _أه الحمد لله بس ...
سمية _ بس ايه يادكتور أختى كويسة صح متخبيش عليا
الدكتور _ هى دخلت فى غيب*وبة مؤقتة
سمية(بقلق شديد )_غيب*وبة
الدكتور _ ماتقلقيش يامدام دا شئ طبيعى بعد العملية وإن شاء الله يومين وهتفوق ،بس أنا عايز بعد ماتفوق ممنوع عليها الزعل أو الإنفعال لان دا هيؤدى اللى نتائج عكسية
سمية _ نتائج عكسية إزاى يادكتور
الدكتور _ يعنى كإننا ولا عملنا حاجة وهتبقى فى خطورة على حياة مدام ثريا والعملية كأنها ماتعملتش
يامن _ إن شاء الله يا دكتور هنمنع عنها الزعل أوى أى إينفعال
الدكتور_ هى هتفضل هنا تحت الملاحظة فترة
سمية_طب ينفع أدخلها دلوقتى
الدكتور_ أنا أسف يامدام مش هينفع دلوقتى
فهد _ شكرا يادكتور
الدكتور_ تمام عن إذنكم يا جماعة
ورد _ ماتقلقيش يا ماما إن شاء الله هتبقى بخير وكويسة
سمية _ يارب يابنتى
ورد _ الله يجازى اللى كان السبب ....وبصت ليامن
فيروز ( بمياعة )_ماتقلقش يا بيبى إن شاء الله طنط هتبقى كويسة (وبصت لورد بقرف )
يامن _ إن شاء الله يا فيروز
ورد _ماما أنا هنزل تحت علشان أكلم سها وأطمنها على خالتو لأنها قلقانة من ساعتها
سمية _ ماشى يابنتى وخدى بالك من نفسك
ورد _ حاضر يا ماما .....عن إذنكم ياجماعة
فيروز _ بقولك ايه يابيبى أن هخرج أكلم بابى وهقوله إنى هتأخر شوية
يامن _ لا يافيروز إنتى لازم تروحى
فيروز_ لا يابيبى أنا مش هسيبك فى الحالة دى وأمشى أنا هكلم بابى وهقوله إنى هتأخر
يامن _ ماشى يا فيروز
....نزلت فيروز بعد ورد بفترة وطلعت تليفونها وكلمت حد من عليه ...........
فيروز(بحدة)_هى نزلت ...يلا خلصوا
يتبع
فيروز(بغل)_هى نزلت دلوقتى يلا خلصوا ..انا مش عايزاها سليمة إنتم فاهمين
فهد(بحدة) _هى مين دى إنتى بتقولى ايه
فيروز(بتوتر)_هااااا مفيش لا
فهد مشى ناحية فيروز ومسكها من دراعها جامد وزعق فيها وقال _ إنتى كنتى بتتكلمى عن مين يافيروز إنطقى
فيروز(بغضب)_إنت غب*ي إنت ماسك دراعى كدا ليه إبعد عنى ياحيوان
فهد(بغضب)_انا مش هسيبك غير لما أعرف إنت كنتى بتتكلمى مع مين وعلى مين
فيروز_ كنت بتكلم على حبيبة القلب ورد
فهد (بحدة)_إنتى قصدك ايه .......إنت هتعملى فيها ايه و ....
يامن(بغضب)_فهد إنت ماسك فيروز كدا ليه
فيروز(بدموع مزيفة)_الحقنى يا يامن انا قولتله كذا مرة يسيب دراعى وماينفعش اللى هو بيعمله دا علشان إنت هتزعل وهو أصر إنه يمسك دراعى ....وكمان ......
يامن(بحدة)_ وكمان ايه ....قول
فيروز(بمسكنة )_كان بيقولى تعالى إقضى عندى يوم من وراك فى البيت عنده
فهد (بصدمة)_إيه اللى إنتى بتقوليه دا ،انا قولت كدا دى كذ*ابة يا يامن متصدقهاش
فيروز_وانا هتبلى عليك ليه هو إنت شايفنى بتاعت الكلام دا
فهد _ ايه اللى إنتى بتقوليه دا ،إياك تصدقها يا يايامن
يامن(رفع ايده فى وش فهد)_بس خلاص إخر*ص دى غلطتى انا من الاول، إنا اللى فتحتلك بيتى وأمنتك على أسرارى إمشى من وشى مش عايز أشوف وشك
فهد_ إنت مصدقها يايامن ومكذ*بنى انا ،دا أنا صاحب عمرك وقريبك ،،تقوم تصدقها هى وتكذبنى انا
يامن_ مش عايز أسمع منك كلمة زيادة ولو ماشتش من وشى هتز*عل منى جامد يافهد
فهد _ بس يا يامن
يامن _ مابسش يلا إمشى من هنا
فهد _ ماشى ياصاحبى بس إنت اللى هتندم وصدقنى هتندم فى وقت مش هينفع فيه الندم
__________________بقلم زهرة الجناين (شيماء محمد)
ورد_الو أيوا يا سها ...الحمد لله خالتو فاقت شوية
سها_ طب إنتى ياحبيبتى عاملة ايه ومامتك عاملة ايه
ورد_ الحمد لله كويسين وبخير ماتقلقيش
سها_ أعذرينى ياحبيبتى إنتى عارفة انا مقدرش أخرج من البيت دلوقتى إنتى عارفة أهلى
ورد_ يابت ياغب*ية انا عارفة إنتى مش محتاجة تعتذرى
سها_ حبيبتى وأختى،،، تمام انا إن شاء الله هجيلك الصبح علشان أطمن عليكم
ورد_ ماشى ياروحى سلام
...ورد لسا جاية تطلع وقفت قدمها عربية ونزل منها شباب ...
_والجميل رايح فين دلوقتى
ورد(بغضب)_إبعد عنى ياجدع إنت.. إنت بتقول ايه
_تعالى معانا دا انا حتى بقول إن إحنا أولى بالقمر دا ومفيش حد أولى بيه مننا
ورد_ابعد عن طريقى أحسنلك .....ولسا جاية تمشى مسكها من دراعها
_ قولتلك تعالى معانا وإحنا هنبسط ماتقلقيش وهندفعلك
ورد_ إنت غب*ي إبعد عنى ....ياحي*وان
_ما إنتى لو مش هتيجى بالذوق هتيجى بالعافية إنتى سامعة
ورد_ حد يلحقنى(ورد كانت واقفة فى مكان بعيد عن المستشفى ) سيب ايدى ياحي*وان
____________________
سمية _ هى البنت إتاخرت كدا ليه يارب خير
يامن_ ايه ياخالتو مالك فى ايه قلقانة كدا ليه
سمية_ ورد لسا ما رجعتش من برا
يامن_ يعنى ايه مارجعتش من برا ...يعنى هتكون راحت فين يعنى
سمية_ والله يابنى لسا مارجعت من ساعة ماخرجت وهى برا
يامن_ تمام ياخالتو انا خارج أدور عليها دلوقتى ما تقلقيش وإن شاء الله هتبقى بخير
فيروز_ يامن فى حاجة عايزه أقولهالك بس تعالى معايا برا
يامن_ خير يا فيروز فى ايه
...........فيروز همست فى ودان يامن ...... بعدها عينيه إتحولت للون الأحمر .....
_______________________
ورد_إلحقونى حد يلحقنى ..........
_قولتلك إركبى العربية ......إركبى بقا ماتبقيش عنيده ومتزهقيناش معاكى
ورد_ إبعد عنى ياحي*وان....أبعدوا عنى حرام عليكم
_لا ياحلوة مفيش منه الكلام دا ،هتيجى معانا يعنى هتيحى معانا ....إحنا واخدين مبلغ كبير علشان نجيبك
فهد(بغضب)_يا حي*وانات ..... ماقالتلكم إبعدوا عنها
......ونزل ض*رب فيهم كلهم..واحد واحد .....ومسك واحد فيهم وحاول يخليه يتكلم بس زميله ضر*بوا فهد على دماغه وأخدوه وهر*بوا
ورد كانت قاعدة على الأرض وهدومها متق*طعة وكانت بتبكى جامد
فهد(بقلق)_ إنت كويسة يا ورد حصلك حاجة
ورد(بتبكى)_لا أنا كويسة ....إنت كويس دماغك بتن*زف
فهد _ ماتقلقيش انا كويس ...المهم إنتى كويسة
فى اللحظة دى يامن شاف ورد وهى فى الحالة دى وهى بتبكى وفهد قاعد قدمها وإيده على كتفها .......
يامن _ ........
يتبع
يامن (بغضب شديد)_فه........د إنت بتعمل ايه
فهد _ يامن فى ايه إنت بتزعق كدا ليه
فى اللحظة دى يامن جرى على فهد ونزل ضر*ب فيه كأنه عد*وه مش صاحبة. ولا قريبة
يامن(بغضب)_انت ازاى تعمل كدا انا أمنتك على بيتى وأمنتك على ورد ازاى تعمل كدا ...وبيض*ربه بالب*وكس فى وشه
فهد _ إسمعنى يا غ*بى
يامن(بزعيق)_ أسمع ايه ...ايه اللى انت عملت فى ورد دا
فهد (وهو بينهج من الضرب)_انا ما عملتش حاجة يا يامن إسمعنى بس انا نزلت لقيت شباب بيحاولوا ياخدوها
يامن _إخرس ياز*بالة فيروز كان عندها حق إنت شخصية زبا*لة وخسارة فيك كلمة أخويا
ورد(بصريخ)_كفاية بقا ....كفاية حرام عليك هو ما عملش حاجة إبعد عنه بقا (كانت بتضرب يامن فى دراعه)
يامن زقها بعيد عنه_ بعد اللى عملوه فيكى وبرضو بتدافعى عنه ايه كنتى مبسوطة معاه ولا ايه
ورد ضر*بته بالقلم_إخرس ق*طع لسانك انا أنضف منك ومن عشرة زيك أنا معرفش كنت بحبك على ايه إنت طلعت زب*الة اوى ازاى تشك فيا كدا
يامن _ وانا ميشرفنيش إن واحدة زيك تحبنى إنتى واحدة رخي*صة وأنا هدفعك تمن القلم دا غالى
ورد(بدموع)_ق*طع لسانك انا أنضف منك مية مرة
فهد _ خلاص ياورد يلا بينا من هنا
يامن _ ايوا روحوا كملوا سهرتكم وقذا*رتكم بعيد عننا
فهد (مسك ليقت يامن بغضب)_إنت زودتها اوى يا يامن وكلمة كمان هتشوف منى اللى عمرك ماشوفته
يامن(بسخرية)_ايه جيت على الجرح ولا ايه ما إنتوا الإتنين زبا*لة زى بعض
ورد (بدموع)_علشام خاطرة يا فهد يلا من هنا انا مش عايزة أسمع كلمة زيادة
فهد _ يلا ياورد دا بنى أدم مايستاهلش كلمة زيادة يلا
....وبعدها سابوا يامن ومشوا وهما ماشيين ورد كانت بتعيط جامد ومش مبطلة بُكى على حالها وعلى قلبها اللى فكر فى يوم يحب شخص زى دا
فهد _ كفياكى عياط بقا ياورد مامتك لو شافتك كدا هتتخض عليكى اوى
ورد (بدموع)_مش قادرة أبطل عياط انا قلبى وجعنى اوى على حالى وعلى اللى حصل انا إزاى كنت بحب شخص زى دا
فهد _ مش وقته الكلام دا دلوقتى ...دلوقتى خدى الجاكت دا. وإلبسيه علشان مامتك ما تحسش بأى حاجة وإبقى إتصلى على صاحبتك تبقى تجبلك اى حاجة معاها علشان تلبسيها
ورد _حاضر
______________بقلم زهرة الجناين (شيماء محمد)
سمية _ يارب خير البنت إتأخرت اوى كدا ليه يارب خير
...وهنا ورد دخلت الأوضة وهى بتبكى جامد وفهد معاها ....
سمية (بخضة )_مالك يابنتى فيكى ايه ...إنتى بتعيط كدا ليه
ورد _ مفيش يا ماما انا كويسة كنت قاعدة برا زعلانة على خالتو وإنتى عارفة انا بحبها قد ايه
سمية (بحنية)_هتبقى كويسة يا بنتى ماتقلقيش ..هى هتقوملنا بسلامة وهتبقى كويسة
ورد_ إن شاء الله يا ماما
سمية _ الا إيه الجاكت اللى إنت لابساه دا
ورد(بتوتر)_أصل ......أصل وانا كنت قاعدة برا بردت فجأة وفهد كان بيجيب حاجة من برا وشافنى وأعطانى الجاكت بتاعه
سمية_ كتر خيرك يابنى إحنا تعبناك معانا اوى
فهد _ ولا يهمك يا طانط تعبكم راحة .....هنا يامن دخل الأوضة
سمية _ كنت فين يابنى ورد رجعت اهى
يامن (ببرود)_مفيش ياخالتو كنت بدور على حاجة مهمة بس لقيت الحاجة دى ماتستاهلش وطلعت حاجة رخي*صة اوى
سمية _ خير يابنى
________________________________
_جاسر بيه فى مكالمة علشان سعادتك
جاسر(بحدة) _ تمام هاتها
....جاسر سمع المكالمة وإتعصب جامد ورزع التليفون فى الأرض....
جاسر (بغضب شديد )_يا بنت الك?ااااااااااااااالب يابنت الك*لب ..إسمع يلا تقب وتغطس وتجبلى فيروز بنت الك**لب دى إنت سامع
_أوامر سعادتك يا جاسر بيه
جاسر (بشر )_إن ما ندمتك ودفعتك تمن اللى إنتى عملتيه يا فيروز ميبقاش إسمى جاسر
_________________________
....فى مكتب أشبه بمكتب فخم جدا قاعد فيه راجل كبير فى السن ظاهر عليه علامة الظلم ....
عزت_ ياااااه وحشتينى اوى بعد إللى عملته وبرضو مش عايزة تبقى معايا انا مش هسكت إلا لما ترجعيلى تانى حتى لو هضحى بأغلى حاجة عندى إنتى عارفة انا كان لازم أعمل كدا علشان ترجعيلى بس لسا ماجاش الوقت اللى ترجعيلى فيه
.....باب المكتب خبط ودخل شخص .......
عزت (بإبتسامة )_ اهلاً. يا ......فهد
يتبع
-----