على مدار الساعات الماضية، احتدم صراع بين عدد من صُنّاع الأعمال الفنية حول لقب الأعلى مشاهدة خلال شهر رمضان
البداية كانت حين كتب المخرج محمد سامي منشورًا عبر صفحته على موقع فيسبوك، قال فيه: “النهارده نزلت الحلقة الـ15، ومسلسل الست موناليزا للنجمة مي عمر متصدر وبفارق، ولله الحمد والمسلسل رقم 1 على منصة شاهد في مصر وجميع البوست ده مهم جدًا للتوثيق، ويا رب يوفق كل الزملاء اللي عملوا هنشوف مين هيتصدر المشاهدات الأيام الجاية وهيحتل المرتبة الأولى بس نفضل فاكرين إن أثناء عرض المسلسل لم يزحزحه أي عمل آخر من مكانه، ولم يعطِ الفرصة لأي عمل وعايز شفافية وأخلاق في المنافسة، وعايز المسلسل اللي هيتصدر لما يكتب إحنا رقم 1 يقول في نفس البوست: ده في حالة إنه يكون مسلسل 30 حلقة من اللي بيتعرض، لكن لو مسلسل 15 حلقة لسه هينزل يكتب براحته ومش لازم يقول رمضان كريم عليكم، ومبروك نجمة رمضان الأولى مي عمر”
ثم نشر مرة أخرى، ليلة أمس، فيديو يوضح ترتيب نسب المشاهدة على منصة شاهد، ليؤكد أن العمل ما زال في الصدارة
وسرعان ما نشر الفنان عمرو سعد منشورًا قال فيه: “لأول مرة ننشر التقارير المعتمدة مش المزورة، وكنت أتمنى إن الشركات والمحطات تعلنها، لأن ده في مصلحة الشغلانة والصناعة، زي كل بلاد الدنيا اللي فيها وبكده نقفل الباب على المدعين اللي بيحاولوا يزوروا الحقايق اللي مستحيل إنكارها، وصعب جدًا إنك تضحك على الناس وتزيف وعيهم”
الأمر لم ينتهِ عند هذا الحد، حيث قام محمد سامي بعد ذلك بنشر “ستوري” عبر خاصية القصص على إنستجرام، قال فيها: “ببارك لأخويا وصديقي النجم عمرو سعد إن مسلسله في التوب 10 وبيحتل أنت محترم ومجتهد وبتعمل مجهود كبير جدًا”
كما تبعها بفيديو قال فيه: “أنا عامل الفيديو بالنسبة لفكرة رقم 1، لفت نظري إن فيه فيديو لزميل غالي عندي جدًا وماسك فيه بعض المستندات والأوراق فكرة المسلسل رقم 1 دي فكرة محتاجة بذل مجهود عشان الواحد يقدر يقول ده المسلسل رقم 1”
وتابع: “أولًا بيبقى فيه محتوى بيلقى استحسان الجمهور، تفتح الإنترنت تلاقيه، وتفتح السوشيال ميديا تلاقيه عامل حالة رواج بين الجمهور، وبكده يبقى المسلسل رقم واحد أو من الأرقام الأولى وفي حاجة اسمها توثيق، زي المنصات الموجودة لأنها بتبقى عارفة أما التلفزيون فهو صعب جدًا في بعض الدول زي مصر إنك تقدر تقول مين اتفرج على إيه، وبيحصل اجتهادات محترمة من شركات عشان تقدر توصل للحسابات دي”
وأضاف:“وأنا النهارده كنجم أطلع أقول أنا رقم 1 على شيء مقدرش أثبته، لأن جعفر العمدة مثلًا كان رقم 1 في التلفزيون، وكان والمسلسل اللي بيبقى رقم الحاجة التانية إني أطلع أقول المسلسل بتاعي أعلى تقييم آخر 10 ولو سألت الجمهور إيه أكتر مسلسل رائج آخر 10 سنين، مع احترامي لكل زمايلي ومسلسلاتهم، لكن فيه مسلسل اسمه جعفر العمدة هو ظاهرة، مفيش زي ما بنقول برنامج رامز جلال ظاهرة”
واستكمل
“وبالتالي لما نيجي النهارده نحاول نغفل الجمهور ونقول إن مسلسلي ده الأعلى آخر رقم 1 ده ليه دلالات زي مسلسل عين سحرية لقيت فيه تجاوب من كل الناس، ومسلسل اتنين غيرنا سمعت من ناس كتير إن فيه تفاعل معاه، ومسلسل هي كيميا فيه ومش عاوز أنسى حد، سمعت عن مسلسل صحاب الأرض سمعت إن فيه مسلسلات كتيرة فيها تجاوب، وفيه مسلسلات مسمعتش عنها حاجة خالص، ومينفعش مسلسل متشافش أطلع أقول للناس إنه مكسر الدنيا”
وعن فكرة الأعلى أجرًا، أضاف: “نفس مينفعش أطلع أقول أنا الأعلى أجرًا، وأفتكر إن كله عارف وتعالوا نعمل زي نجوم هوليوود لما بيمضوا على فيلم أو مسلسل، بياخدوا صورة للأجر وبينزلوها على السوشيال ميديا”
