خرجت منيرة أباظة، شقيقة الفنان الراحل رشدي أباظة، عن صمتها للرد على الفنان أحمد عبدالله محمود بعد إساءته لشقيقها بتصريح غير لائق أدلى به في أحد البرامج التلفزيونية
منيرة أباظة ترد على إساءة أحمد عبدالله لشقيقها
منيرة أباظة قالت في تصريحات لـ“ مصر”: “إحنا مش أول مرة نتعامل مع الكلام الفارغ د، قبل كدا كان فيه تصريحات قالتها صحفية ومرة أخرى تصريحات من بلوجر، والموضوع الأخير دا أنا عرفته بالصدفة لإني مش من المتفاعلين أوي على السوشيال ميديا”
الفنان الراحل رشدي أباظة
وتابعت: “اتفاجئت من الكلام اللي قاله أحمد عبدالله عن أخويا رشدي أباظة وأعتبر الكلام دا قلة فهم وقلة ذوق منه، وأنا بقوله عيب يعني أنت بتتكلم عن ناس أساطير إنما انت لسة جديد بتبدأ حياتك، وأنا حتى بدعم الجيل الجديد اللي طالع، فاذكروا محاسن مواتاكم، رشدي ماكنش راجل فلتان علشان يتقال عليه كدا"
وأضافت: “دي زلة لسان مفيش طفل يقع فيها، وعيب إن مذيع يوقعه علشان يقول كلمة زي دي، وياريت الجيل الجديد يتعلم من الأساتذة بتوع زمان”
الفنان أحمد عبدالله محمود
واستكملت: “أنا هرجع للمحامي بتاعي وأشوفه هيقول لي إيه، ولو قال لي هنتخذ الإجراءات القانونية هنمشي فيها طبعًا أو هنسيبه زي ما حصل قبل كدا مع كذا حد تجاوز حدوده”
واختتمت: “احترمت أشرف زكي إنه حوِّل أحمد عبدالله للتحقيق وأشكره على اهتمامه كنقيب للمهن التمثيلية، وأنا كمان كلمته علشان أشكره بنفسي لأنه أخد موقف ضده”
ماذا حدثوتناقلت وسائل الإعلام، أمس، تصريحًا للفنان أحمد عبدالله محمود عبر أحد البرامج التلفزيونية يتضمن إساءة صريحة للدونجوان الراحل رشدي أباظة، حيث قال: “رشدي أباظة لو كان عايش كان خد أجره نسوان”
وبعد ساعات، قرر نقيب المهن التمثيلية، الفنان أشرف زكي، إحالة أحمد عبدالله للتحقيق بمقر النقابة بسبب تصريحاته المسيئة للنجم راحل رشدي أباظة
