علّق الدكتور جمال فرويز، استشاري الطب النفسي، على شكاوى طلاب الثانوية العامة من صعوبة امتحان اللغة العربية، مؤكدًا أن هذا الأمر متكرر ومعروف كل عام، ولا يجب أن يكون مصدر قلق أو إحباط للطلاب.
جمال فرويز يوجه نصائح هامة لطلاب الثانوية العامة
وقال فرويز في تصريح خاص لـ “افاق عربية”، إن نظام الامتحانات الحالي لا يجعل من السهل أن يحصل الطالب على الدرجة النهائية في جميع المواد، مضيفًا: “لو الطالب خسر درجتين أو ثلاثة، دا شيء طبيعي وبيحصل مع الكل، وده مش معناه فشل ولا يؤثر على مستقبله”.
وشدّد استشاري الطب النفسي على أهمية عدم التوقف عند صعوبة مادة واحدة، موضحًا: “اللي فات فات، والمهم نركز على اللي جاي.. نذاكر المادة اللي بعدها كويس، ونظبط نومنا وأكلنا عشان نقدر نكمل بشكل سليم”.
وأكد فرويز أن التفكير الزائد في الامتحان بعد انتهائه لا طائل منه، قائلاً: “منحاولش نراجع تاني بعد الامتحان لأن اللي حصل حصل، والأهم هو التركيز في المادة القادمة لتعويض أي نقص”.
واختتم الدكتور جمال فرويز، استشاري الطب النفسي، حديثه مع “افاق عربية” بتوجيه رسالة طمأنة للطلاب: “طالما الامتحان كان صعب على الجميع، فمفيش مشكلة فردية عند الطالب.. والمجموع النهائي بيتحسب على مستوى عام، مش على امتحان واحد.. طالما ضمنت الدرجات في الكلية اللي أنت عاوزها وضمنت مجموعك في المستوى بتاعك يبقى ماعندكش مشكلة نهائي”. -----
