وكتبت حلا في منشور مطوّل عبر حسابها الرسمي على إنستغرام، الأحد: " الجميلة دينا الشربيني.. أعرفها من سنين طويلة، وأشهد إنها من أطيب وأرقّ القلوب. روح مرحة، خفّة دم، وجدعنة.. صديقة قريبة، ونيّتها دائمًا طيبة مع الناس".
وتوجهت حلا برسالة لمن يهاجم دينا قائلة: "للأسف، العتب مش بس على اللي بيصدق الإشاعات.. العتب الأكبر على بعض الإعلاميين اللي فقدوا المهنية، وبقوا ينشروا كلامًا غير موثوق وغير صحيح.. والناس تسمع وتنقل وتزود من عندها".
وأضافت: "أولاً، وبوضوح؛ دينا مش "خرابة بيوت"، ولا عمرها كانت كده. الزواج والطلاق قسمة ونصيب، ومحدّش بيخطف حد من حد. وأنا أعرف دينا كويس، وأعرف أنها ما تعملش حاجة من اللي بيتقال ظلمًا".
وتابعت حلا: "المشكلة إن السوشيال ميديا بقت ساحة مفتوحة للإشاعات، والتجريح، والخوض في الأعراض..، وكأن الكلام ما بقاش له حرمة ولا أثر. مع إن الكلام المؤذي ممكن يكسّر قلوب ويظلم ناس بريئة ويتسبب في أذى كبير".
وتوجهت لدينا بالقول: "سيبي كل ده وراكِ.. إنتِ إنسانة جميلة من جوه وبرّه، وقلبك طيب ونيّتك بيضا، وما يستاهلش تتأذي من كلام جاهل لا يعرف حقيقتك. ربنا يكرمك بالخير اللي قلبك يستحقه.
واختتمت حلا شيحة رسالتها الداعمة لزميلتها دينا الشربيني، بحديث نبوّي، وقالت: "لكل من خاض في عرضها.. اتقوا الله. الكلمة أمانة، وظلم الناس مش لعب. وكل واحد هيتحاسب أمام رب العالمين على اللي قاله، واللي نشره، واللي شارك في إيذاء إنسانة بريئة".
