حل الفنان هاني رمزي، ضيفًا على الإعلامي معتز الدمرداش في برنامج "ضيفي"، والذي من المقرر عرضه قريبًا
اللحظات الأخيرة في حياة والدة هاني رمزي
وكشف هاني رمزي تفاصيل مؤثرة واللحظات الأخيرة في حياة والدته، خلال الحلقة المُذاع، قائلًا: "كنت متعلق بوالدتي جدًا، أنا تم تهيئتي للحظة دي لأنها تعبت في الأيام الأخيرة والمرض كان قاسي جدًا فوق ما أي حد يتخيل"
وأضاف: "أنا كنت كل ما أشوف أمي أبكي، وعشت مرحلة صعبة أنا وكل اللي حواليا عاشها، وبالنسبالي أنا كان نفسي أدلعها أو أعملها أي حاجة تفرحها ومافيش أي حاجة في إيدي"
وتابع: "الدنيا بقت قاسية أوي في الآخر، لدرجة أن حتى الدكاترة لما كانوا بيكلمونا كانوا يقولولنا خلاص هي مسألة وقت، الجسم مش مستجيب، العذاب اللي هي بتشوفه مافيش مسكن نافع له ولا حد عارف يسيطر على الألم اللي هي حاسة بيه"
وفاة والدة هاني رمزي
ورحلت والدة الفنانة هاني رمزي، عن عالمنا في مطلع يناير الجاري، بعد صراع ومعاناة طويلة مع الألم والمرض
هاني رمزي يكشف تبرع والدته بثروتها
وفي وقت سابق، حسم الفنان هاني رمزي، الجدل حول تبرع والدته بثروتها قبل وفاتها، وكشف عن تبرعها بجميع ذهبها قبل سنوات طويلة من وفاتها
وجاء حديثه خلال مداخلة هاتفية لبرنامج "تفاصيل" مع الإعلامية نهال طايل، حيث قال هاني رمزي:" أمي اتبرعت بكل دهبها ومكانتش بتملك حاجة، أي فلوس كانت بتجيلها كانت بتوزعها على اللي محتاج، ولما لقينا الدهب في إيدها مش موجود سألناها فين دهبك يا ماما قالت لنا إنها اتزنقت في فلوس وباعته، واكتشفنا أنها باعته علشان تساعد الناس"
