عايزه تفطري انتي وعيالك وجوزك طعمية سخنة اشتري الكلام ده – جريدة افاق عربية
عايزه تفطري انتي وعيالك وجوزك طعمية سخنة اشتري الكلام ده
من أسرار نجاح الطعمية (الفلافل)
اولا
متزوديش البصل يعنى نص كيلو فول عليه بصله صغيره مع التوم لان البصل الزياده بيخليها تشرب زيت للأسف
ثانيا
الخضرا الخضرا الكتير بتغمقها وبتخليها تشرب برضو زيت
مش بنستخدم لا بقدونس ولا شبت دى طعميه مش محشى
الطعمية كزبره خضرا وكرات وبس وبرضو مش كتير حزمه كزبره صغيره مع نص حزمه كرات صغيره على نص كيلو فول مدشوش
ثالثا
عجينه الطعمية وانتى بتطحنيها متحطيش اى توابل نهااااائى لان التوابل بتغمق العجينه التوابل تحطيها وانتى خلاص هتقلى بتكسرى عليها البيض وتحطى كزبره جافه وكمون ورشه فلفل اسود عشان البيض وشويه شطه لاكن لو هتجمديها بالتوابل هتغمق منك ومش هيكون لونها أخضر
رابعا
العجينه عشان تتطلع معاكى هاشه
بلاش بلاش كربوناتو لما تيجى تقلى خليها بيكنج بودر افضل
مع البيض والتوابل وافضلى روبى فيها كويس اووووى عشان تديكى نتيجه كويسه وقرص طعميه عالمى
اخيييرا
نص فول مدشوش منقوع ١٢ ساعه
بصله صغيره
معلقه توم مفروم ك
حزمه كزبره صغيره
نص حزمه كرات صغيره
ملح
التوابل عند القلى
كزبره جافه وكمون وسمسم وشطه .
