محمد شردي عامل غاغة على فيس بوك: ليه يا محمد!؟
كتب محمد شردي على صفحته على موقع التواصل الاجتماعي فيس بوك الآتي:
الصورة الكاملة
بصوا بقى … أنا لا احب الظلم ولا تكسير المجاديف… بجد اي مسؤول في البلد عايز يشتغل بيشوف ايام سوداء ويتعرض لهجوم وإشاعات وتلسين
أنا النهاردة حقدم لحضراتكم مثل يرفع الضغط
في مدينتي بورسعيد قرر سيادة المحافظ اللواء محب بشاي تكليف نائب المحافظ بعدة ملفات محددة… هذا حق للمحافظ … وتحديد واضح لمهام العمل …
ولكن …. اليكم ما حدث والحكم لكم انتم …
واحد من اياهم سرب قرار المحافظ اللي هو اساسا قرار تكليف بعمل ….
وواحد تاني اخد القرار وقصه وساب حتة التكليفات بس ونشره وكتب ان المحافظ تنازل للنائب عن صلاحياته !!!!؟؟؟؟
وحياة النبي يرضيكم الكلام الفاضي ده ؟؟؟؟
أنا جايب لحضراتكم صورة من منشور السوشيل ميديا اللي قاعدين يلطموا بسببه ويقطعوا هدومهم ويهاجموا الراجل المحترم
وجايب كمان اصل الخطاب بصياغة التكليف وأوامر تقديم تقرير دائم بالعمل والإنجازات…
والحكم لكم …
مين غلطان ؟؟؟؟
راجل محترم يكلف نائبه بعمل محدد ومسئولية ويطلب تقرير اداء و….. إلا نسيبها عايمه ومتنيلة …
اما اللي قاعدين يزيطوا في الزفة بالذمة ده كلام ؟؟؟
مفيش منطق ؟؟؟ مفيش تفكير ؟؟؟
فيه محافظ او مسؤول سيتنازل عن ما تم تكليفه به لشخص اخر ؟؟؟ ليه يعني ؟؟؟
وبعدين هو احنا امتى حنمكن الشباب ونديه ملفات وثقة …
طيب أنا لو مسؤول عايز اشتغل ويتعمل معايا كده … مفروض اعمل ايه ؟؟؟
اقولكم … والا بلاش
